دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[أم ياسين الزهراء]

حبيت نسقسيك مميميشة اللوز اللي ندير بيه مقروط اللوز نرحيه بزاف ولا شوي

[yakout01]

قليلىمميميشة اللوزاللى نشريه بقشور تاع كى ندير باش نتحصل عليه بودرة

[تغرينية]

المشاركة الأصلية كتبت بواسطة mimicha1977

ياسمين177;





قاطو بالعسل والشكولا:
عجينة الصابلي:
250غ زبدة+كاس سكر قلاسي +كاس نشا +فاني+ 4 صفار بيض+ 2 مغارف كاكاو+ نص باكي خمارة ولميها بالفرينة ترتاح نصف سا في الثلاجة
حليها بسمك نصف سم واطبعي اي شكل قلوب او دائري ................... الخ
دخليهم يطيبوا لمدة 15 د تبرد ثم لسقي كل زوج بالكريمةوغطسي قاع الحلوة في الشكولا وتحبي ديري خطوط بالشكولا البيضا
الكريمة:250غ زبدة+ 250غ سكر قلاسي+ بيضة+مستخلص الموز وضربيهم حتى يولي كريمة]

اسم القاطوا حلوة بالعسل لاكن اين هو العسل:mh 31: ومشكوره على المجهود المبذول

[ياسمين177]

رخساس
رخساس: 1كلغ سميد + ملح+ مغرف اكل خميرة الخبز+ كاس شاي زيت بسيه+ ماء دافئ خليها يابسة غطيها وخليها ترتاح10د مبعد ولي زيدي الما وادلكي حتى تولي عجينة لا جارية ولا يابسة متماسكة كوري العجينة كور كل كرة فيها 200غ اخبزيها ويديك مدهنونين بالزيت وثقبيها وطيبيها في طاجين المطلوع.

[ياسمين177]

اسفة جداااااااا حبيبتي ميميشة كنت مشغولة بزااف
تركوازاو التركية

اولا حضري العجينة المكسرة المورقة
1كلغ فرينة+ملح وفاني+800غ زبدة التوريق مقطعة قطع ونخلط ونلمها بنصف لتر ماء او حليبنحلها بالحلال وندير 2 دورات مزدوجة نخليها ترتاح
نحلها رقيقة ونثقبها مليح وندير الطبقة الاولى في مول ثم ندير الحشوة فوقهاوهي كل المواد الجافة مع حلوة الترك وماء زهر ثم ندير طبقة قطايف مخلطين بشوي سمن ونستف لقطايف مليح ونغطيها بورق المنيومونلظ مليح بالحلال وندخلها تطيب في فرن 180درجة لمدة 20د ثم نقص للكوشة 160درجة ونخليها تكمل طياب او ديري العجينة طيبيها وحدها ثم تبرد وديري الحشوة فوقها ولظي مليح ثم قطايفودخليها تطيب مبعد عسليهاكيما البقلاوة وخليها تشرب مليحوقطعيها مربعاتثم ادهنيها بالعسل وزوقي بالبيستاش.
وعندي وصفة اخرى بالعجينة المورقة مبعد نكتبهالك.

[أم لؤي]

مرحبا أخواتي في المنتدى

لقد عدت بعد عطلة دامت شهر
أختي ياسمين كنت قد وعدتيني باعطائي وصفة القوفري التي سبق و قدمتها دليلة سليماني
أرجو أن تكوني قد عثرتي عليها

[ياسمين177]

ام لؤي معذرة اسمحيلي نشا الله نحوس عليها عندي كراريس بزاف راسي تقلب وتحبي نعطيك وصفة القفريط مجربة مرارا وتكرارا بالصور نبحث على الموضوع ونحطولك اسفة على التاخير

[*أم كوثر*]

مرحبااااااااااا ياسمين عاش من شافك اختي
مرة على مرة طلي نتوحشووووك
اختك في الله ام كوثر

[ياسمين177]

شكرا ام كوثر يتوحشك الخير ربي يحفظك حتى انا توحشتكم بزاف الله غالب مشغولة وكانت النت مقطوعة احبك في الله كثيرااااااا لكي سلامي الحار

[ياسمين177]

المقادير:قفريط اختي ام لؤي هذه الوصفة قديمة عندي دائما نديرها يعني مجربة مرارا وتكرارا جربيها ونشا الله تنجحي فيها موفقة اختي
200غ زبدة طرية
300غ سكر قلاسي
300غ فرينة
125غ مايزينة
مغرف صغيرة خمارة
6 بيض
فاني
رشة ملح
زيت لهن القالب
سكر قلاسي للتزيين
التحضير:نضع الزبدة ونخبطها بالخلاط الكهربائي حتى تصبح مثل الكريمة ثم نضيف السكر تدريجيا ونخبط حتى نكمل كمية السكر + البيض بالواحدة ونخبط + ملح
في الاخير نضع الفرينة نكون غربلتها مع المايزينة والخمارة ونخلط الكل
ناخد مول القفريط العادي والكهربائي وهدي صورتهم





ثم نضع القليل من العجينة في الالقالب ونغلق ونطيبها على الطابونة اي على نار قليلة مرة على مرة نقلبوا باش ميتحرقش
نحوه يكون لاسق مع بعضو بواسطة مقص نقص القفريط نخليه يبرد ونرش بالسكر قلاسي.
هدا القفريط سهل التحضير ةلديد انا نخدم كثيرا هده المرة صورت لاجلكم اتمنى يعجبكم.

[أم لؤي]

معذرة أختي ياسمين حوسي عليها في عقلك
شكرا جزيلا على وصفة القفريط سوف أجربها في أقرب وقت ممكن و ردلك الخبر
كنت قد جربت 2 الوصفات تاع القفري التي قدماتو الأخت ميميشة في الصفحات التي من قبل ولكن لم ينجحو معي
أيضا جربت العديد من وصفات القوفري التي أعثر عليها و لكن من دون جدوى
لدرجة أني أفكر في الاستغناء عن الالة تاع القوفري
معذرة للاطالة وشكرااااااا مرة اخرررررررى

[ROUMISA]

المشاركة الأصلية كتبت بواسطة أم لؤي

مرحبا أخواتي في المنتدى

لقد عدت بعد عطلة دامت شهر
أختي ياسمين كنت قد وعدتيني باعطائي وصفة القوفري التي سبق و قدمتها دليلة سليماني
أرجو أن تكوني قد عثرتي عليها

مساء النور اختي ام لؤي
اسفة على التدخل ولكن انا عندي وصفة مجربة مرارا وتكرارا
ولو ان هذا يخالف قوانين الموضوع
ولكن سوف اعطيك اياها

حبيبتي إليك المقادير

4 بيض بحرارة الغرفة
1كاس سكر
1 كاس زيت
قشر الليمون
2 خميرة كيميائية
فرينة
تجمعي البيض والسكر والزيت وقشر الليمون والخميرة
ثم الفرينة حتى تتحصلي على عجينة نوعا ما سائلة
املئي ملعقة صغيرة وافرغيها في القوالب
وحطيها على النار حتى تصبح ذهبية اللون

والف صحة وعافية وان شاء الله تجربيها
وهذه الوصفة ناجحة 100/100
تحياتي

[أم لؤي]

من غير أسف أختي رميساء
أنا فرحانة بزاف بأي تفاعل من عضوات المنتدى الغالي
أختي رميساء لقد جربت هذه الوصفة من قبل كانت قدمتها الأخت ميميشة في الصفحات السابقة
ولكن خرجتلي ميدمة بزاف وقاسحة يعني يابسة

شكرااااااااااا بزااااااااااااف

[ROUMISA]

حنونتي انا دائما نخدمها ووالله ناااااجحة
وماشي ميدمة وماشي يابسة هشيشة وتاكلي اصابيعك وراها
عاودي جربي
وعلى ضمانتي

[ROUMISA]