الوصفة الثانية
2 ) الفلسطينية
إضغط هنا لرؤية الصورة بحجمها الطبيعي.
قد ما نحكيلكم على هاذ الحلوة ما نعطيهاش حقها تذوب في الفم والبنة اكثر من رااااااائعة في بيتي ما نستغناوش عليها
روعةةةةةةة روعةةةةةة روعةةةةةةةة وكل من ذاقها طلب الوصفة ناجحة 100%
المقادير
250 غ زبدة صول او لابال او ستار المهم تكون بحرارة الغرفة عصير نِصْف حبة قارص وقشور القارص ( ليمون) 4 م ك سكر رطب 2م ك ماء الزهر نصف باكي خميرة الحلويات والفرينة
الحشوة
غرس طري معجون ب العسل والخميرة والسمن الكل بكميات قليلة ونعجنه مليح بالماء لازم يرجع طري ما بين صباعك
التزيين سكر رطب
التحضير
تخدمي الزبدة مليح بيدك ترجع مثل لكريمة ( وهاذا سر في الحلويات لانو كل ما تخدمي الزبدة مليح بيدك يجيك القاطو يذوب في الفم ) ثم اضيفي السكر وخلطي مليح ثم قشور القارص والعصير وماء الزهر والخميرة ونشفي بالفرينة لميها مليح نغطيها وخليها ترتاح نصف ساعة
ثم اطرحيها واطبعي بكأس نتاع تاي باه يجيك الحجم سْوا سْوا خذي القليل من الغرس نتاعك وإطرائه على الأقراص بلا ما توصلي للجوانب مثل الصورة ثم غطي بقرص واحد آخر واضغطي على الجوانب بِإِصبعك
إضغط هنا لرؤية الصورة بحجمها الطبيعي.
وخذي كاس نتاع تاي واحد آخر يكون اقل بشوية من الكأس الاول واطبعي مرة اخرى فوق القرص المحشي بالغرس وحاولي انك تعدلي بإصبعك الدائرة شوفي الصور اكيد راح تفهمي اكثر
إضغط هنا لرؤية الصورة بحجمها الطبيعي.
خذي ابرة واثقبيهم بيها وهاذا سر باه يجيك الغرس طري وما جيكش الحبة منفوخة لاني مرة جربتو بمول السيليكون صح جاء بنين وخفيف لكن الحبة من الداخل جاتني فارغة يعني هاذي احسن طريقة
إضغط هنا لرؤية الصورة بحجمها الطبيعي.
طيبتهم بدرجة 180 ثم مباشرة في سكر رطب يكون مغربل من قبل سايسيهم باه ما يتكسرولكش حطيهم في بلاطو وزيدي ذرذري عليه السكر بواسطة الصفاية او سيار الرطب وخليهم حتى للغد ولميهم
إضغط هنا لرؤية الصورة بحجمها الطبيعي.
والله يا اخواتي قد ما نحكيلكم على البنة والطراوة ما تقدروش تتخيلو الطعم حتى جربوهم روعةةةةةةة بكل ما تعنيه الكلمة والله والله والله راح يحبوهم اولادك خاصة ان نعرفو فوائد التمر كثيرة وكاين أطفال بزاف ما يحبوهش انا عن نفسي خاصة في وقت الامتحانات نعملو نحطو في علبة وفوق الطاولة واللي يجي يأكل بلا حساب جربيه اختي وأدعيلي دعوة خير
إضغط هنا لرؤية الصورة بحجمها الطبيعي.
( تقرير عن مشاركة سيئة )، و الموجودة أسفل كل مشاركة .
2017-06-16, 14:30
موسوعة حلويات بالتمر .......... مع زُخْرُفَةٌ
العرض العادي
