حلويااااااااااااات العيد 2017 بقلاوة من تلمسان اسافر بها الى ربوع الوطن تفضلووو تذوقووو

أم فاطمه · 2017-06-23, 19:06

بسم الله الرحمان الرحيم

السلام عليكم اخواتي

كيراكم ياك ما تعبكمش رمضان الله يجعله في ميزان حسناتنا ويتقبل منا الصيام والقيام وصالح الاعمال وعيدكم مبروك انشاء الله .

في اطار التحضير للعيد و حلوياته جبتلكم اليوم بقلاوة من تلمسان اسافر بها الى ربوع الوطن

المقادير:

- كيلو فرينة مقسومة على اربع كيلات
- كيلة نصها زيت ونصها زبدة التوريق
- حبة بيض + رشة ملح
- ماء + ماء الزهر
- لفاني

للحشوة:
- كيلو كاوكاو محمص ومرحي متوسط مقسوم على ثلاث كيلات
- كيلة سكر عادي
-رشة قرفة
- زوج مغارف زبدة ذائبة

الطريقة :

نضع الفرينة + الزبدة و نبسوها بين يدينا مليح ثم نضيف حبة بيض + ماء الزهر ونخلطو العجينة بقليل من الماء
نعمل من العجينة كريات ونخليهم يرتاحو

ملاحضة : انا في الصورة درت 12 كورة لاني كنت اريد ان اخبزها في صينية صغيرة ، 24*28
بما انني قررت ان اخبزها في صينية كبيرة الحجم 40* 36 فجعلت فقط 8 كرات كبيرة

بعد ما ترتاح العجينة ورقي كل كرة لوحدها بالمايزينا ، ثم ضعي اربع ورقات فوق بعضهم البعض مع رش المايزينة بينهم ثم نورق الاربع ورقات مع بعضهم البعض دفعة واحدة
ثم كرري العملية مع الكرات الاربع المتبقية

طريقة اعداد الحشوة :

نضع الكاوكاو ونزيد السكر ثم القرفة ثم زوج مغارف زبدة ذائبة نخلطو الكل ونخليهم يرتاحو

ادهني الصينية بالسمن ثم ضعي الطبقة الاولى من العجين - المتكونة من اربع ورقات - بدون دهن السمن فوق العجينة ثم فرشي الحشوة ثم نضع الطبقة الثانية من العجين

بعد ذلك قطعيها حسب الحجم لي تبغيه كل وحدة انا قطعتها بحجم صغير كما في الصورة جاتني 122 حبة

ثم نلصق في كل قطعة حبة كاوكاو او لوز ونطلي سطح البقلاوة بالزبدة الذائبة المتبقية حوالي كاس

ثم ندخلها للفرن على درجة حرارة متوسطة كما في الصورة حوالي ساعة ونص كل وحدة حسب الفرن نتاعها حتى تاخذ اللون الذهبي

بعد ما نخرجوها نسقوها بعسل بارد وهي سخونة باش تتشرب مليح العسل انا درت كيلو

شهية طيبة نتمنى تعجبكم وتعيدو بالصحة والعافية انتم واهلكم

سندس سندوسة · 2017-06-23, 21:48

رووووعة اختي الله يبارك
صح عيدك و كل عام و انت بخير ان شاء الله

أم سدرة · 2017-06-24, 00:04

اممممم الله يبارك ام فاطمة كل عام وانت بخير

HakimG · 2017-06-24, 00:10

مممممممم شكـــــــرا لك

ضآحكة مستبشرة · 2017-06-24, 00:18

الله يبارك خالتووو يعطيك الصحة
بصحتكم

fati13 · 2017-06-24, 13:17

روووووووووووووووووووووووووعة يعطيك الصحة وصح عيدك

أمنية غفران · 2017-06-25, 23:05

ما تسافري ماوالو الجمال هادا حنا الي نشقاو ليه

اه يا تلمسان عندي فيك اجمل ذكريات عمري نحبها بزاف بزاف ربي يبارك فيك أختي و في ناسها كامل قمة الاخلاق و الطيبة ماشاء الله

يعطيك الصحة ام فطوم و يبارك فيك تعيشي