تحليــة بالليمون في مول السيليكون

ladymillion · 2015-02-12, 17:06

بسم الله الرحمن الرحيم

اللهم صل وسلم على سيدنا محمد وعلى له وصحبه أجمعين

سلامي لكل وحدة دخلت لموضوعي البسيط

تحلية الليمون في مول السيليكون منعشة ، مكوناتها بسيطة وسهلة التحضير ، بريزونتابل /// في الاول شفتها في مدونة واحد السيدة و وحدة تاني دارتها هنا في المنتدى نسيت هزيت الفكرة والشكل لكن المقادير والمكونات من عندي وبطريقتي ،،، نشرع في عرض المقادير وكيفية التحضير

مقادير عجينة الصابلي :

125غ مارغارين طرية + 2 م ك سكر ناعم + رشة ملح + 1 صفار بيض + م ص زاست ليمون + 1 م ك نشا + ربع م ص خميرة + نلم العجينة بالفرينة /// نخليها ترتاح ربع ساعة في الثلاجة /// نبسطها بالحلال وتكون سميكة شويا مانرققهاش لأنها هي القاعدة /// نطبعها بطابع قطر دائرته قد قطر دائرة المول لي راح نستعملو كل وحدة ولمول نتاعها /// نطيبو في 180° /// بعد مايبرد ندهن الجوانب بالمعجون ونمرمد في نواد كوكو ونحط الحبات بجنب

تحضير الكريمة :

كأس حليب بارد

عصير حبتين ليمون واذا الحبات صغار نحتاج عصير 3 حبات

2 صفار بيض

3 م ك سكر

باكي فلون

3 م ك ونصف نشا

1 م ص مارغارين

_ نعصر الليمون ونصفيه ونخليه بجنب

_ نحط الحليب في كاسرونة وعلى نار متوسطة يسخن

_ في صحن نخفق بالفوي (صفار البيض + السكر+ لفلون+ النشا ) حتى يتجانسو مليح مع بعض

_ كي يسخن الحليب نصبو بالشوي على خليط البيض مع التحريك المستمر ،،، مبعد نردهم في الكاسرونة نرجعهم فوق النار متوسطة ونحرك بدون توقف حتى تخثار وترجع كريمة ملساء

_ نحط الكريمة ف،،، نغطيها بورق شفاف غذائي ي بول نضيفلها م ص مارغارين ونحركها باش تبرد شويا ونضيفلها عصير الليمون الصفى نخلط حتى تتجانس /// نعمر لي مول وكي نكمل نغطيه بورق شفاف غذائي ونحطهم في الكونجيلاتوغ باش تكون متماسكة مليح وماتديش وقت

_ عند التقديم نجيب الصابلي نحط فوقو شوي لاجولي باش تلصق الكريمة مبعد ونحاول ننزع قوالب الكريمة من لي مول برفق وتكون سهلة جدا كيعاد كانت في كونجيلاتوغ ونزينها ونردها للثلاجة حتى حين التقديم

هاهي جاهزة

ملاحظة صغيرة نصيحة بياض البيض لي يبقالكم استعملوه في المطلوع او خبز الدار راهو يخفف ، او ديروه موزانغ للأولاد

في أمان الله

tong2 · 2015-02-12, 17:29

ماشاء الله عليك
الله يعطيك الصحة حبيبة

طالبة النجاحْ~ · 2015-02-12, 17:51

روعة يعطيك الصحة ليدي ونورتي المنتدي برجوعك
شكرًا علي الوصفة

ام احمدي · 2015-02-12, 17:51

هااااااااااااااااااااااايلة تووووب
صح كانت حطتها ياسمين هنا ودرتها امممممممممممممممممممم

lahna moka · 2015-02-12, 17:53

مممممممم و مممممممم و مممممممم غاليتي الوصفة روووعة روووعة
عودة قوية سلمت يداك

الأمنيات · 2015-02-12, 17:53

تبارك الله اختي خرجت مليحه
الوصفه راها دايرتها الاخت ياسمين 177 ونظن تاني اخت اخرى. لكن اختلاف المقادير اختي يعطيك ابصحة
تبقى كل وحده ولمستها على الوصفه انا حربت تاع يلسمين من بعد نجرب تاعك ان شاء الله

أم مروان · 2015-02-12, 17:54

يعطيك الصحة رووووروووووووووووووووووعة

النرجووسة · 2015-02-12, 17:56

روووووووووووووووعة يعطيك الصحة 444444444444444444

ladymillion · 2015-02-12, 18:10

نورتوا موضوعي وفرحتوني بردودكم لبنات بارك الله فيكم

oum anas 69 · 2015-02-12, 18:18

روووووووووعة رووووووعة بصح لوكان غير زدتي دهنتيها بالجولي من فوق الكريمة تولي كيما تاع مول الباتيسري
أحلى تثبيت لأحلي تحلية

fadila34 · 2015-02-12, 18:46

يعطيك الصحة خرجتلك 44444444444444444

عازفة الناي · 2015-02-12, 18:49

رااااااااااااااااااااااااااااااااااااااااائعة يعطيك الصحة

ladymillion · 2015-02-12, 18:50

أم انس لحبيبة ليك وحشة مشكورة بزااااف
الحق ماتولهتش نحط لاجولي ههههه واصلا مابقاش بزاف شكرا عطيتيني فكرة

الله يعافيك اختي فضيلة شكرااااا

عازفة الناي اطباقك لي روعة ياحلوووووووووووووو

idron0 · 2015-02-12, 18:55

ماشاء الله عليك
الله يعطيك الصحة حبيبة

مريم الاميرة · 2015-02-12, 19:01

امممممممممممممممممم رووووووووووووووعة و اكيد منعشششششششششة
يعطيك الصحة