♥شقة في الطابق الأرضي ... معاناة إلى الأبد♥

[منار المنتدى]

المشاركة الأصلية كتبت بواسطة حيهتى كلها امل

بكرى ف دارنا كنا ساكنين ف عمارة وف الطابق الارضي واش نقولك اكثر من معاناة
ادا غسلو تواقيهم يدخلك الما وتتمرمد الحالة
اذا نشرتى الحوايج ينفضو فوقهم الفراش و و و تظطرى انك ماتنشري والو ،وحتى لازم البالكون والتواقي تاعك يبقاو مغلوقين خاطر كى ينفظو الغبرة كامل تدخلك
الجيران اللي فوقك اذا تقربيع تقول شي راهم عندك ،حنا اللي فوقنا الله يرحمها ويغفرلها كانت خياطة وتخدم الصوف تان الماشينة تاعها تبات تخدم لل 3 تاع الصباح نسمعوها تحسبي راهى عندنا
الما يقطر علينا
الدخلة تاع العمارة اذا ما سيقتيهاش مكاش اللي ياكلو قلبو
حاجة وحدة مليحة الما ما يروحلناش دايما عدنا لا بريسيون باغ كونتغ الجيران اللي لفوق يروحلهم الما ء،وتبدا لاشان عند بابنا بالبيادن هههههههههه ايام زمان رجعتينى للماضى
كل هدا وكى رحلنا مانكدبش عليك بقات غايضتنى لانو فيها كاااامل ذكرياتنا
والحمد لله على كل حال
المهم اختى قالك اذا عمت خفت ،احمدي الله راكم ساكنين ومستورين كاين اللي راهم بايتين تحت الشتا،واصبروا هدا واش نقدر نقولكم لعل الله يحدث بعد ذلك امرا

السلام عليكم ورحمة الله وبركاته
هههههه
لقد صورتِ واقع الحياة الجماعية داخل العمارة إلى حد الإتقان، أختي الكريمة. فالذي يده في الماء ليس كالذي يده في النار، وأنت عانيت الأمرّين عندما كنتم تقطنون في الطابق الأرضي. الحمد لله أنّ معاناتكم قد انتهت واستبدلتم مسكنكم بمسكن آخر تنعمون فيه بطمأنينة أكثر وراحة أوفر.و الحمد لله أكثر أن انعم علينا بسكن رغم معاناتنا مقارنة بمن لا سكن له إطلاقا.
شكرا أختي الكريمة على الوصف الدقيق والمرور الجميل
أختك نوارة