حلويات رااااائعة ومتميزة من مطبخي تفضلو يالبنات

[هدوء الصمت]

السلام عليكم ورحمة الله اخواتي الغاليات معكم اختكم في الله هدوء الصمت عضوة قديييييييييمة بزاف بصح متخفية ههههههههههههههه
واليوم حبيت نظهر ليكم من خلال هدا الموضوع ان شاء الله يعجبكم.... هادو بعض الحلويات لي كنت نطيبهم في العيد وفي المناسبات ادا عجبكم موضوعي هدا نزيد نحطلكم موضوع اخر خاص بلاطباق والمعجنات

على فكرة انا من عشااااااق الطبخ والمطبخ
نبداو باسم الله
تشاراك مسكر 250غ مرغرين فلوريال طرية
• 2 كأس تع لتاي زيت
• 2 كأس تع لتاي ماء زهر
• م ص فاني
• باكي خمارة 10 غ
• تنطم بالفرينة سيم
للعقدة:
• 3 كيلات لوز مرحي
• ½ كيلة سكر عادي
• م ص فاني
• تنطم بماء الزهر
للتزيين:
• سكر قلاسي
• شاربات
الطريقة:
- نطري المرغرين باليد جيدا+2 كأس زيت +2 كأس ماء زهر و ندخل المكونات جيدا حتى تصبح كريمة ثم لفاني، نضع القليل من الفرينة ثم الخمارة ثم الفرينة و نخلط حتى تصبح لدينا عجينة طرية.
- نحضر العقدة ، 3 كيلات لوز+ نصف كيلة سكر عادي+ م ص فاني، تكون العقدة متماسكة.
- نعمل كويرات 25 غ للحبة ثم نعمل كعيكعات أو تشاراك.
- ندخلها إلى الفرن كي تطيب نتركها ترتاح حتى المساء أو ليلة كاملة بش نسكرها .
- للتزيين نخلط ماء زهر + قليل من السكر قلاسي ، ندخل الحبة ثم نخرجها و نسكر الحبة مرتين و نزيد نرش سكر قلاسي بالصفاية



لي كورني لوصفة..250غ مرغرين..2صفار بيض وحبة كاملة..كاس سكر قلاصي..لافاني..نص باكي خمارة وطمي بالفرينة...تتحصلي على عجينة طرية ...ديري كريات بوزن 30 او 35غ وفي يديك شكلي كورني طيبيهم في الفرن 180د
بعدما يبردو اغطسي الجهة العلوية في الشيكولا وخليها تنشف بعدما تنشف ادهني الجهة الاخرى بالمعجون بواسطة بانسو ورمديها في كوكاو محمص او قوفريط مفتت



حلوة نص بنص وصفة حبيبتي ام اماني _هدى _



حلوة الفرشيطة 125غ مرغرين+كاس تع لاتاي زيت+150غ سكر رطب خلطي الكل مليح وزيدي 2حبات بيض ولافاني+نص باكي خمارة .... خلطي الكل وطمي بالفرينة حتى تتحصلي على عجينة طرية
شكلي كرة بوزن 20غ اظغطي عليها بالفرشيطة
رشي البلا بالفرينة ودخلي الحلوة طيب في الفرن مدة 20د تقريبا...
بعدما تبرد لسقي كل زوج حبات بالمعجون واطلي الحواف ايضا بالمعجون ورمديهم في كوكاو محمص ومرحي راح يعطيلها بنة هااااااااايلة



رفيس تونسي كيلة سميد متوسط محمص+كيلة تمر الغرس من الاحسن تع الميزان+نص كيلة زبدة+نص كيلة عسيلة+حلوة الترك اولا نحمصو السميد وهو سخون نضيفولو التمر ونعجنوه مليح مليح باليد حتى يتجانسو مليح ثم نضيفو حلوة الترك ونخلطو ثم نفرغو العسيلة والزبدة لي كنا ذوبناهم مع بعض ونفرغو بالشوية حتى تتشكلنا عجينة طرية ومتماسكة نعجنوها شوية نحطو العجينة فوق ساشي ونحلوها ونطبعوها بالشكل لي نحبو..



كعيكعات مسكرين
250 غ مرغرين فلوريال طرية
• 2 كأس تع لتاي زيت
• 2 كأس تع لتاي ماء زهر
• م ص فاني
• باكي خمارة 10 غ
• تنطم بالفرينة سيم
للعقدة:
• 3 كيلات لوز مرحي
• ½ كيلة سكر عادي
• م ص فاني
• تنطم بماء الزهر
للتزيين:
• سكر قلاسي
• شاربات
الطريقة:
- نطري المرغرين باليد جيدا+2 كأس زيت +2 كأس ماء زهر و ندخل المكونات جيدا حتى تصبح كريمة ثم لفاني، نضع القليل من الفرينة ثم الخمارة ثم الفرينة و نخلط حتى تصبح لدينا عجينة طرية.
- نحضر العقدة ، 3 كيلات لوز+ نصف كيلة سكر عادي+ م ص فاني، تكون العقدة متماسكة.
- نعمل كويرات 25 غ للحبة ثم نعمل كعيكعات ندخلها إلى الفرن كي تطيب نتركها ترتاح حتى المساء أو ليلة كاملة بش نسكرها . للتزيين نخلط ماء زهر + قليل من السكر قلاسي ، ندخل الحبة ثم نخرجها و نسكر الحبة مرتين و نزيد نرش سكر قلاسي بالصفاية


حلوة المشطة 5حبات بيض مايعادل كاس+كاس سكر+كاس زيت+قشور القارض +1خمارة وطمي بالفرينة حتى تتحصلي على عجينة طرية ماتنشفيهاش بزاف
نحي كرة من العجينة ولونيها بالكاكاو
شكلي كريات بوزن 30غ من العجينة البيضاء وكريات صغييييرة من العجينة السوداء
رشي المشطة بالفرينة وحطي العجينة السوداء ثم البيضاء ابسطيهم شوية ياش يدو شكل المشط وديري الحشو 3كيلات كوكاو وكيلة سكر وقشور قارص وطمي بماء زهر واغلقي مليح الاطراق وشكلي هليلات طيبيهم في الفرن وبعدما يطيبو رشيهم بسكر رطب



تشاراك بالطلية 250 غ مرغرين فلوريال طرية
• 2 كأس تع لتاي زيت
• 2 كأس تع لتاي ماء زهر
• م ص فاني
• باكي خمارة 10 غ
• تنطم بالفرينة سيم
للعقدة:
• 3 كيلات لوز مرحي
• ½ كيلة سكر عادي
• م ص فاني
• تنطم بماء الزهر
للطلية
كاس تع لاتاي ماء زهر_كاس تع لاتاي حليب_كاس تع لاتاي زيت خلطيهم وزيدي السكر رطب حتى يثقال ثم ضيفيلو شوبة عصبر القارص وخلطي بالشوية باش مايدخلش الهوا حتى تتحصلي على قوام الطلية
الطريقة:
- نطري المرغرين باليد جيدا+2 كأس زيت +2 كأس ماء زهر و ندخل المكونات جيدا حتى تصبح كريمة ثم لفاني، نضع القليل من الفرينة ثم الخمارة ثم الفرينة و نخلط حتى تصبح لدينا عجينة طرية.
- نحضر العقدة ، 3 كيلات لوز+ نصف كيلة سكر عادي+ م ص فاني، تكون العقدة متماسكة.
- نعمل كويرات 25 غ للحبة ثم نعمل كعيكعات أو تشاراك.
- ندخلها إلى الفرن كي تطيب نتركها ترتاح حتى المساء أو ليلة كاملة من الاحسن ثم ابداي اطلي حبات التشاراك وزينيهم بخطوط من فوق



بقلاوة 4كيلات فرينة+كيلة سمن ذايب وطميت بما ومازهر ةالطريقة راهي معرةفة....



صابلي 250غ مرغرين.. زوج صفار بيض وحبة كاملة 150غ سكر قلاصي.. لافاني نص باكي خمارة وطمي بالفرينة



كعيكعات مطليين 250 غ مرغرين فلوريال طرية
• 2 كأس تع لتاي زيت
• 2 كأس تع لتاي ماء زهر
• م ص فاني
• باكي خمارة 10 غ
• تنطم بالفرينة سيم
للعقدة:
• 3 كيلات لوز مرحي
• ½ كيلة سكر عادي
• م ص فاني
• تنطم بماء الزهر
للطلية:
كاس تع لاتاي ماء زهر+كاس تع لاتاي زيت+كاس تع لاتاي حليب خلطيهم بالملعقة وظيديلهم سكر قلاصي حتى يولي الخليط ثقيل ضيفيلو قطرات من عصير القارص باش تلحقي لقوام الطلية
الطريقة:
- نطري المرغرين باليد جيدا+2 كأس زيت +2 كأس ماء زهر و ندخل المكونات جيدا حتى تصبح كريمة ثم لفاني، نضع القليل من الفرينة ثم الخمارة ثم الفرينة و نخلط حتى تصبح لدينا عجينة طرية.
- نحضر العقدة ، 3 كيلات لوز+ نصف كيلة سكر عادي+ م ص فاني، تكون العقدة متماسكة.
- نعمل كويرات 25 غ للحبة ثم نعمل كعيكعات ندخلها إلى الفرن كي تطيب نتركها ترتاح حتى المساء أو ليلة كاملة ونطليهم



تشاراك وعرايش معسلين كيلة مرغرين ذايبة+كيلة زيت+كيلة حليب+1خمارة وطمي بالفرينة تتحصلي على عجينة طرية ديريها في ساشي وخليها تريح في الثلاجة مدة نصف ساعة
خذي كرة بوزن 30غ وحطي فيها الحشو كوكاو او لوز و اعمليها شكل تشاراك انقشيها بالنقاش وطيبيها في الفرن من تحت على درجة حرارة 180 ثم حمريها من فوق وعند اخراجها من الفرن خليه يبرد شوية وعسليه بعسيلة مخففة بماء الزهر لكن تكون ثقيلة شوية ماشي خفيفة بزاف ورشيهم بالجلجلان
والشكل الثاني من نفس العجينة فقط درتو على شكل عرايش معسلين



مقروط السنيوة 3كيلات ونص سميد متوسط _كيلة فرينة_كيلة مرغرين دايبة_نخلطو الكل مليييييييييح ونخليه يبات
بعدما يبات نضيفلو نص باكي خمارة و قرصة ملح ونجمعو بخليط الماء وماء زهر
نقسم العجينة على زوج نحل العجينة الاولى في سينية الفرن ونحط الحشو (3كيلات كوكاو +كيلة سكر ونرشو بماء زهر)نحل العجينة الاخرى فوق ورق الزبدة او ساشي كما درت انا ونحطها فوق الحشو ونعدل السطح مليح
نقطع مقروضات او مستطيلات وننقشهم بالنقاش وندخلو للفرن يطيب على درجة 180 الى 200 درجة
كي نشوف الحواف حمارو نشعل من فوق
بعدما يطيب نسقيه بالعسيلة مخففة بشوية ماء زهر ...لازم العسيلة نكون بااااردة والمقروط سخون
نخليه يتشرب العسيلة ملييييييييح ولوكان تخلوه يبات احسن



كريات مطلية (للعجينة السحري)كيلة سمن ذايب+كيلة حليب+كيلة زيت وطمي بالفرينة تتحصلي على عجينة طرية.
شكلي كريات بنفس الحجم ديريلهم الحشو لي تحبيه كوكاو او لوز انا درت كوكاو محمص مع نواد كوكو وجمعت بالمعجون
طيبيهم في الفرن على نار هادية بعدما يبردو اطليهم بهاد الطلية
(كاس تع لاتاي ماء زهر+كاس تع لاتاي حليب+كاس تع لاتاي زيت خلطي الكل بالملعقة وزيدي السكر القلاصي حتى يثقال الخليط بعدها ضيفي قطرات من عصير القارص حتى تلحقي لقوام الطلية



حلوة الورقة 250غ مرغرين.. زوج صفار بيض وحبة كاملة 150غ سكر قلاصي.. ملعقتين كاكاو لافاني نص باكي خمارة وطمي بالفرينة.....



مقروط سوريا كيلو سميد متوسط-رطل فرينة-500غ سمن طري مشي ذايب -ربع ملعقة بيكاريونات ضرورية-لافاني-ملعقتين سكر قلاصي زوج صفار بيض خلطي الكل مليح وطمي بماء وماء زهر
ادا حبيتي شكل قلب شكلي كرة بوزن 40غ حليها فيدك وحطي داخلها حشو تع كوكاو ولا لوز واغلقيها مليح وديريها في طابع تع القلب باش تاخدي الشكل فقط ونقشيها من جهة وحدة فقط اما شكل مقروطات ديري حربوش داخلو حشو تع الكوكاو واغلقيه وقطعيه ونقشيه
طيبيهم في الفرن على درجة حرارة 200 بعدما يطيبو عسليهم بعسيلة خفيفة وعند التقديم عسليهم بعسيلة ثقيلة بدون ماتضيفيلها مازهر





كريات مطلية ...كيلة مرغرين ذايبة+كيلة زيت+كيلة حليب خلطي الكل وطمي بالفرينة تتحصلي على عجينة طرية
شكلي كريات بوزن 28غ وحلي كل كرية في يدك وديريلها الحشو كوكاو او لوز طيبيهم في الفرن بدرجة 180بعدما يبردو مليح اطليهم بالغلاساج وزينيهم حسب الرغبة بالنسبة للطلية انا معتمدة هادي الوصفة لانها جد رائعة وتبقى اكتر من شهر طرية عن تجربة....
-كاس تع لاتاي ماء زهر+كاس تع لاتاي زيت+كاس تع لاتاي حليب وحطي عليهم سكر قلاصي وخلطي حتى تتحصلي على قوام الطلية-

[um alaa]

امممممممممم يعطيك الصحة متميزة ماشاء الله

[fatisousou]

زيد فضلك والله بدون مجاملة حلويات في القمة ماشاء الله ربي اجزيك والله اخليك لينا شكرا مع تحياتي للجميع

[فاطمة*]

ماشاء الله حلويات روعة روعة .

[om_hadil]

روووووعة ممكن وصفة التشاراك المعسل؟؟؟؟

[RIMA.87]

و عليكم السلام و رحمة الله و بركاته أختي هدوء الصمت ،اخترتي اسم جميل
بسم الله ما شاء الله،ربي يبارك فيك و يحفظك ،حلويات بالطبع ،يشهووو
بصحتكم

[هدوء الصمت]

بااااااااااارك الله فيكن اخواتي الغاليات نورتو بمروركن العطر وسعيدة جدا بتواجدي معكن

اختي هديل تفضلي وصفة تشاراك معسل .كيلة مرغرين ذايبة+كيلة زيت+كيلة حليب+1خمارة وطمي بالفرينة تتحصلي على عجينة طرية ديريها في ساشي وخليها تريح في الثلاجة مدة نصف ساعة
خذي كرة بوزن 30غ وحطي فيها الحشو كوكاو او لوز و اعمليها شكل تشاراك انقشيها بالنقاش وطيبيها في الفرن من تحت على درجة حرارة 180 ثم حمريها من فوق وعند اخراجها من الفرن خليه يبرد شوية وعسليه بعسيلة مخففة بماء الزهر لكن تكون ثقيلة شوية ماشي خفيفة بزاف ورشيهم بالجلجلان
والشكل الثاني من نفس العجينة فقط درتو على شكل عرايش معسلين

[ام اسحاقو]

بدون مجاملة حلوياتك روووووووووووووووووووووووووووووعة

[اسمهان79]

الله يبارك ويزيد
ما شاء الله روعةةةةةةةة اختي
وين كنتي وعلاش حارمتنا من هاذ الخير كلو يعطيك الصحة
اكيد عجبونا ونستناو مواضيك بشغف
فلا تبخلي علينا
احلى تقييييييييم من عندي
ملاحظة
أرجو انك تعدلي في الموضوع وتحطي الوصفات باه الكل يستفاد منك حبيبتي
سلاااااااام

[وصال سلام]

ماشاء الله ولا قوة الا بالله

انا حاجة تنقصني في القاطو لي هي الديكوور مانعرفش ندير الديكور صراحة لكن نعرف ندير القاطو ماعنديش مشكل ابدا مع القاطو صراحة

بواش تنصحوني باه نعوود استاذة في الديكور تاع القاطو لانو الديكو ا في القاطو يجذب الانتباه

[عائشة 88]

ماشاء الله كلش شباب
بارك الله فيك

[هدوء الصمت]

الله يفرح قلوبكم حبيباتي نورتوني والله

اختي اسمهان راني عدلت الموضوع وكتبت الوصفات ان شاء الله تستفيدو منهم....
وصفاتي مضمونة وناجحة 100ب 100 ان شاء الله

[scorpionoir]

حلويات تحفة ومتقونة
وين كنتي من زمان ههههههههههه .رانا في انتظار مواضيعك بشغف امتعينا

[هدوء الصمت]

الله يحفظك حبيبتي scorpionoir

[ام نوردين]

يعطيك الصحة حلويات روعة ومعظمهم مجربتهم وفعلا يحمرو الوجه ومضمونين بوركتى