حلقات السيدة يعلى حصريا - الصفحة 34

lamiak1 · 2012-07-25, 02:11

اعطينا وصفة حلوة الطبقات

lamiak1 · 2012-07-25, 02:18

واو روعة يعطيك الصحة

aziza05 · 2012-07-25, 04:06

يعطيك الف عافية اختي الكريمة
mille merci

mimi53 · 2012-07-25, 11:08

اقتباس:

المشاركة الأصلية كتبت بواسطة منارة الوفاء

السلام عليكم ماشاء الله عليكم تبارك الله نشكركم على المجهودات الي تقوموا بها وأنا راني استفدت معاكم الكثير جعلها الله في ميزان حسناتكن يا بنات
رمضان كريم وصح صحوركم
وأكيد راني متتبعة وفية تقبلوا تحياتي

يسلمك حبيبتي ربي يخليك صح رمضانك انت تاني واهلا بكي يننا

mimi53 · 2012-07-25, 11:09

اقتباس:

المشاركة الأصلية كتبت بواسطة aicha3357

rabi ya3tikom matetmaney wasfat alyoum

حاظرة حبيبتي انت تامرين

mimi53 · 2012-07-25, 11:10

اقتباس:

المشاركة الأصلية كتبت بواسطة lamiak1

واو روعة يعطيك الصحة

اللع يعافيك تسلمي

mimi53 · 2012-07-25, 11:11

اقتباس:

المشاركة الأصلية كتبت بواسطة aziza05

يعطيك الف عافية اختي الكريمة
mille merci

الله يسلمك ويخليك حبيبتي الف شكر ونورتي

امال7 · 2012-07-25, 11:29

رمضان كريم لكل العضوات و شكرا للأخت ميمي و ان شاء الله تصومي بالصحة و الهناء ويتوحشك الخير
لقد جربت طاجين بطاطا كباب و خرج هايل و لكن مازال عندي مشكل رداءة الصور المهم هذه بعض الصور و ان شاء الله تون واضحة

و بالنسبة لقلب اللوز رانى خدمت صينية كبيرة كلينا الحمد الله و عطيت منه و مازال رانى نحطلك الصور

mimi53 · 2012-07-25, 12:01

واو يعتيك الصحة شهيتيني تعيشي ادا عاودتي القلب اللوز صوريلي مورسو ياك

mimi53 · 2012-07-25, 12:21

حلقة السيدة يعلى ليوم 24-07-2012

**الحريرة
**بوراك في الكوشة
**سلطة على شكل تورتة
**طاجين الزيتون
**زلابية البنان

الحريرة

اطراف لحم غنمي- 2حبات بصل كبار مقطعين كي التشكشوكة- 2حبات زرودية- 2 حبات طماطم -1 بطاطا – ربطة حشيش كسبر على شكل باقة – ملح- ملعقة سكنجبير –كروية – قرطوفة كاس اتاي زيت
ملعقة طماطم مصبرة تكون معمرة -1/2كاس فرينة – عصير القارص

في قدر نضع الزيت وبصل ونحط الخضر المتبقية مع التوابل ونخليهم يتحمصو مليح على نار هادئة
نوجد 2 ل ماء ساخن يغلي و نزيد الطماطم – حمص والكسبر نخليهم يطيبو بعدما يطيبو ننزع الباقة العطرية مع الحمص
واللحم
نرحي الكل الخضر والمرقة جيدا بواسطة الروبو
ونعاود نضيفهم للقدر مع الحمص واللحم
ادا كانت الحريرة عاقدة نضيف لها الماء الساخن
اما ادا كانت سائلة نضيف لها خليط الفرينة والقارص
ونعاود نرجعها للنار تطيب

mimi53 · 2012-07-25, 12:41

البوراك

في مقلاة نضع 4 ملاعق زيت المائدة مع 1 بصل مقطعة رقيق –الملح- فلفل اسود
نضيف اللحم المرحي حوالي 200غ –معدنوس- ثوم – شونبنيون وحبة طماطم مقطعة مربعات
نحمص جيدا وكي تطيب نطفي عليها ونخليها تبرد
ناخد الديول وفي كل ورقة نضع ملعقة من الحشو وطرف فرماج ونلوي كيما سيقار
نستفهم في بلا نتاع الفور نرابي فوقهم زبدة يابسة فوقهم
كي تطيب نزوقها بزيقزاق نتاع الفرماج

mimi53 · 2012-07-25, 13:36

سلطة على شكل تورتة

[COLOR="Red"]المقادير[/COLOR]

كاس روز طايب
(جلبانة- زرودية – بطاطا ) تكون مقطعة مكعبات ومفورة
نفورها فوق الحريرة باش تتلق البنة نتاع الحريرة
نخلط الروز مع الخضر نضيفلها ½ علبة ماييز – 2ملاعق مايوناز كبار ومعمرين
ناخد مول دائري نضع فيه ½ كمية الخليط ونضغط جيدا بظهر الملعقة ونضع فوقه 2 علب تونة طماطم ثم نضيف ½ الخليط الاخر نضغط ايضا بظهر الملعقة جيدا نخليها ترتاح 10 د في الثلاجة ثم نقلبها في صحن التقديم

التزين

نزين اطراف التورتة بالمايوناز خفيفة اي بالبانسو نرشق في الاطراف بعد المايوناز المعدنوس مقطع رقيق
في وسط التورتة
ناخد 2 حبات بيض مغلي نقطع الحبة على 2 بالقطاعة المبرجة
ننزع الصفار ونزيدلو معدنوس - مايوناز- ثوم نكرازيه بالفرشيطة
نعاود نحط خليط الصفار داخل بياض البيض ونحطو في فوق التورتة

في الفراغ الي بين كل حبة وحبة نضع الفرماج الابيض +المايوناز
نضعها في البوش ادوي ونضع وردات بين كل قطعتين من البيض
في كل وردة نضع نقطة من الكيتشوب
وفي الاخير وفي الوسط نضع الفرماج نتاه الهمبورقر دو اللون الكروفات والابيض الحليبي
بعد تشكيلهم ورود ونحكمهم بالكوردو ونحطهم في الوسط
ونوجد الصلصلة اللي نسقيها بها

( عصير حبة قارص- ياغورت طبيعي – كاس اتاي زيت – شوية قارص)

oum salim · 2012-07-25, 23:02

ما شاء الله و بارك الله فيك . ويعطيك الصحة.

ربي اتوب اليك · 2012-07-26, 04:03

يعطيكم الصحة يا الحراير اول مرة ندخل لهاد التجمع
بارك الله فيكم
رمضان كريم

sisi 26 · 2012-07-26, 21:30

اقتباس:

المشاركة الأصلية كتبت بواسطة oum salim

رمضان مبارك للجميع وكل عام وانتم بخير.تفضلوا الشربة .
في صحن عميق (saladier) نضع 2حبات بصل مقطع رقيق + 2 حبات جزر -2حبات طماطم-1حبة قرعة -1 حبة بطاطا مقطعين مكعبات صغيرة-قطع لحم غنمي من الافضل (cotelette) - شوية كسبر +شوية نعناع مقطعين رقيق +ملح +زنجبيل +1 ملعقة كروية +قرصة قرفة نمزج جيدا .
نضع كاش صغير زيت في مقلاة عريضة نحمس فيها الخضر مع اللحم جيدا.
في قدرة نضع واحد ونصف لتر ماء يغلي نفرغ عليها الخضر المحمسة +1ملعقة معجون طماطم +حميصة نغطيها ونتركها تطيب .بعد الطياب نصفي الخضر في كسكاس .نعيد المرق للنار يغلي ونحط فنجان فرميسال مع شوية كسبر ونعناع مقطع رقيق .بعدما نطفي النار ندردر شوية كسبر ونعناع.
ملاحظة= الخضر لا نعيدها للشربة.
بصحتكممممممممممممممممممممم

سلام و صح فطوركم و يعطيك الصحة ميمي و امال 7 و جميع الاخوات راكم منشطين الموضوع
هذا تطبيقي لشربة فارميسال ذوقها رائع