ّّ طفح الكيل .. وبلغ السيل الزبا .. ولم يبق في قوس الصبر منزع ّّّ

سطايفية بكل فخر · 2012-08-01, 13:48

السلام عليكم ورحمة الله تعالى وبركاته

مند حوالي شهرين وانا ادخل جميع المواضيع الخاصة باصحاب الباكالوريا الجدد فكانو يرددون ان شاء الله نجيبو الباك برك

لكن فالاونة الاخيرة تفشت ظاهرة لم تعجبني واقلقتني كثيرا من بعض المتكبرين من اصحاب الباك

هده الظاهرة هي "جبت معدل مليح مي رماوني نقرا مع صحاب ال10"

وكل مرة كنت نقلهم متقولوش هكا مي اليوم طفح الكيل .. وبلغ السيل الزبا .. ولم يبق في قوس الصبر منزع

كرهت وانا نقلهم متستعظموش

وزيد

علاه صحاب ال10 مهمش عباد

مكانوش يقراو للباك

ولا انتم برك لي قريتو وهوما صدقوه عليهم

لعلمكم ياصحاب المعدلات الكبرى

اصحاب ال10 يبعثوهم تيكنو وهي اصعب الشعب في دراسة لما فيها من مواد تقنية

هكاك ويقراو وينجحو ويطلعو عوامهم

ولا يبعثوهم حقوقو وادب وعلوم انسانية واجتماعية وين لحفاظة تهلكهم

وزيد السابوطاج فوق روسهم لانو عددهم كبير باش ينقصو منهم
وهكاك ويقراو

صحاب ال10 لي تحكيو عليهم راهم يقريو فيكم فالجامعات راهم دكاترة

+
فالجزائر ماشي المعدل لي يحكم فالجامعة وانما واش خيرت تخصص

كاينين طلبة جابو 16 بالمواد الادبية ولحفاظة فالباك حطو روااهم منهم حدت ودارو الصيدلة لكنهم راهم مباصيين معاها

لانو ميفهموش الكيمياء وعاودو عوامهم

وكاييني جابو 16 ويفهمو الرياضيات والفيزياء مي حقرو تخصصاتها لي فالجامع ةالجزائرية ودارو الطب لي يعتمد على الحفاظة وراهم مباصيين وعاودو عوامهم ولا دارو ترونسفار

وطايين صحاب 10 كيما تقولو نتوما تحداو تخصصاتهم والسابوطاج وقراو حتى الدوكتةراه وراهم يقريو فالجامعات ولا يخدمو فميادين الشغل

لهدا يرحم والديكم متزيدوش تقولو هدي الجملة قولو ربي يوفقنا ونخيرو شعبة تليق بينافي بلاصة متقولوو تقراو مع صحاب 10ولا حتى قولو منقراوش شعبة ال 10ومتستعظموش لانو ربي يمهل ولا يهمل

نقطة اخرى ولتني ليها الاخت مند قليل

+

اقتباس:

المشاركة الأصلية كتبت بواسطة princess optimism

صحا

فطروكم
ناسنا

اختي كاينة نقطة مهمة حبيت نقولك عليها و ياليتك تعدلي موضوعك و تكتبيها فيه

النقطة المهمة هي احتقار التخصصات فمثلا نجد طالب وجه لتخصص لا يريده لكنه لا يكتفي بهذا بل يسب التخصص و لا يرى من الوردة سوى شوكها فيؤذي بهذا مشاعر من حوله

اقول لهذا الشخص تخيل انك كنت تقوم بعمل ما ثم رآك ابوك او امك او صديق قريب منك فقال لك ان عملك هذا غير مجدي و اخذ يشتمه و لا يأبه حتى لردك ...........ماذا تشعر حينها .............لنبدل المثال : معظم الطلبة يسعون لللدراسة لاتخاذ منصب فتخيل مثلا انك وظفت في شركة و كنت منهمكا في عملك فمر عليك صديق لك بمقر عملك و اخذ يستهزئ بنوعية عملك و يقول ان عملك سهل او انك لا تستحق مثل هذا العمل......ماذا ستشعر حينها ؟؟ ...........نفس الشيئ بالنسبة للطالب حينما تمس تخصصه بسوء فإنه يشعر بحزن عميق و يصبح يحتقرك فتكون ثقيلا عليه و لو لم تشعر انت بأنك اسأت اليه

ارجو التفهم فكلامي من صميم التجربة

هي احتقار التخصصات
كيما شايعة عدنا تقرا ولا حقوق
او تقرا ولا تيكنو
يعني يحتاقرو الشعب وعلاش هدا الشيء تيكنو لي يقراو فيها مهمش طلبة ولا يقراو في محو الامية

ولا مدسين ولا مدارس عليا والباقي ميقراوش قاعدين يلعبو

من فضلكم كل واحد يهتم بشانو وكل واحد يرضى بتخصصو وبمعدلو وميعاريش لوخرين لانو اسلوب غير حضاري والبمتفوقين تاع الصح متفوقين باخلاقهم وبحضارتهم وثبقافهم ماشي متكبرين بمعدلاتهم

شكرا اختي للاضافة

وفالاخير بالتوفيق لجميع الطلبة من لي جاب 10 حتى لي جاب 18

pretty DoOra · 2012-08-01, 13:54

عندك الحق اختي و بالتوفيق للجميع

منصف512 · 2012-08-01, 13:55

شكراااا أختي على طرح الموضوع
والله صحيح كلامك سليم 100/100
طب ليس شعبة الوحيدة التيتستحق الاهتمام كامل كاين شعب تعتمد عليها الدول المتقدمة
مثلا التكنو بسببها اخترعت الاجهزة التي تسهل عمل الذين يدعون دراسة الطب
وكلهم 000000 شفناهم في المستشفياتنا وليت نخاف نسلم جسمي لطبا تاع ذرك
كون تفتش عليهم لقاهم كل ناجحين بتحراز

مع تحيا تي اخيتي

maymay · 2012-08-01, 14:00

هوا عندك الحق اختي...الجميع قرا و الاغلبية تعبوا...لكن الخلل الآن ماهوش في التلميذ لي يقول كيفاه نقرا مع تاع 10..البروبلام راهو في النظام التعليمي تاعنا لي خلا المفارقات بين صحاب 18 و صحاب 10 تنشأ...لوكان كان كاين اهتمام بالطالب من اول مشوارو،و تقييم مستمر ليه و معرفة لميولاته،كون ماصراش هاد الشي...هاداك صاحب العشرة،ممكن يكون خيرمن صاحب 18 في مجال معين..هاداك هوا المجال لي كان لازم المدرسة تاعنا توفرهولو و تنمي قدراتو فيه باش يقدر يبدع في المستقبل...حنا ارواح 13 سنة غير عمر عقول التلاميذ و ماتسمعلهمش وش حابين ولا مرة وحدة؟؟؟ماشي خدمة هادي..

وتاني ماندرقوش الحقيقة،انو واحد جاب 18 في الباك،مارحش يكون عندو نفس مستوى واحد جاب عشرة..وراح تغيظو طبعا كي يشوف روحو يقرا مع واحد هو يحط روحو افضل منو..لهذا،لازم المنظومة التربوية تاعنا تتعاااااود من الجذور..و لازم تتخلق تخصصات تليق بكل واحد..ماشي فقط بناء على معدلو،لانو اي واحد يقدر يروح يحفظ اجتماعيات و تربية اسلامية وفلسفة و يزيدلها شوي و يجيب عشرة في الباك..يعني بالمختصر،نظام الباك هدا لازم يتبدل...

هدا يبقى رأيي..و ممكن توافقيني ولا تخالفيني...

سطايفية بكل فخر · 2012-08-01, 14:06

اقتباس:

المشاركة الأصلية كتبت بواسطة maymay

هوا عندك الحق اختي...الجميع قرا و الاغلبية تعبوا...لكن الخلل الآن ماهوش في التلميذ لي يقول كيفاه نقرا مع تاع 10..البروبلام راهو في النظام التعليمي تاعنا لي خلا المفارقات بين صحاب 18 و صحاب 10 تنشأ...لوكان كان كاين اهتمام بالطالب من اول مشوارو،و تقييم مستمر ليه و معرفة لميولاته،كون ماصراش هاد الشي...هاداك صاحب العشرة،ممكن يكون خيرمن صاحب 18 في مجال معين..هاداك هوا المجال لي كان لازم المدرسة تاعنا توفرهولو و تنمي قدراتو فيه باش يقدر يبدع في المستقبل...حنا ارواح 13 سنة غير عمر عقول التلاميذ و ماتسمعلهمش وش حابين ولا مرة وحدة؟؟؟ماشي خدمة هادي..

وتاني ماندرقوش الحقيقة،انو واحد جاب 18 في الباك،مارحش يكون عندو نفس مستوى واحد جاب عشرة..وراح تغيظو طبعا كي يشوف روحو يقرا مع واحد هو يحط روحو افضل منو..لهذا،لازم المنظومة التربوية تاعنا تتعاااااود من الجذور..و لازم تتخلق تخصصات تليق بكل واحد..ماشي فقط بناء على معدلو،لانو اي واحد يقدر يروح يحفظ اجتماعيات و تربية اسلامية وفلسفة و يزيدلها شوي و يجيب عشرة في الباك..يعني بالمختصر،نظام الباك هدا لازم يتبدل...

هدا يبقى رأيي..و ممكن توافقيني ولا تخالفيني...

وصلت للوتر الحساس الخلل فالنظام ماشي فالطلبة
لهدا لما يلومو يلومو النظام ملاشي يقولة صحاب ال10 شكرا لي تدخلك لقاس اهم نقطة وهي انو باكنا ربنا وانت الغفار

سطايفية بكل فخر · 2012-08-01, 14:07

اقتباس:

المشاركة الأصلية كتبت بواسطة منصف512

شكراااا أختي على طرح الموضوع
والله صحيح كلامك سليم 100/100
طب ليس شعبة الوحيدة التيتستحق الاهتمام كامل كاين شعب تعتمد عليها الدول المتقدمة
مثلا التكنو بسببها اخترعت الاجهزة التي تسهل عمل الذين يدعون دراسة الطب
وكلهم 000000 شفناهم في المستشفياتنا وليت نخاف نسلم جسمي لطبا تاع ذرك
كون تفتش عليهم لقاهم كل ناجحين بتحراز

مع تحيا تي اخيتي

شكرا لمروروك
ونوليو لكلام اختي مايمي النظام هو لي فرض علينا هدا

meriem bogao · 2012-08-01, 14:13

ايه ختي مارسي على هذا الموضوع انا سبق و ان علقت على فتاة قالت انها اخذت معدل كذا... و رماوها مع صحاب 10 و الله عيب حنا عرب و كل واحد منا يعرف ربي بالاك ربي شاف الخير في هذذيك الشعبة لي بعثك ليها اتمنى ان تقدرو كلامي و صاحا فطوركم

سطايفية بكل فخر · 2012-08-01, 14:19

اقتباس:

المشاركة الأصلية كتبت بواسطة meriem bogao

ايه ختي مارسي على هذا الموضوع انا سبق و ان علقت على فتاة قالت انها اخذت معدل كذا... و رماوها مع صحاب 10 و الله عيب حنا عرب و كل واحد منا يعرف ربي بالاك ربي شاف الخير في هذذيك الشعبة لي بعثك ليها اتمنى ان تقدرو كلامي و صاحا فطوركم

بارك الله فيك صح بلاك ربي شاف فيها خير
عندي صحبتي تحوس على الميدسين سيف عاودت الباك ثلاث مرات ومقراتش فالجامعة حنا رانا طالعين للسنة الثالثة ليسانس وهي مسكينة مجابت الطب مدخلت للجامعة وهكاك ومحبتش تستعرف
ربي يوفقها ويوفقنا كامل الواحد برك يزون الامور بعقلو
والحمد لله على النعمة لي عطاهالنا

.صفاء. · 2012-08-01, 14:27

اختي هذا شيئ صار منتشر بكثرة جدا ....... اعرف من تحصلوا على باكالوريا ب 10 لكنهم صاروا من المتفوقين في الجامعة ........ هذه االتصرفات تعود للتكبرو عدم الاعتراف بالغير و الاعتزاز بشخصية الأنا ...... كما تعود لان التلميذ المقبل على الجامعة لم يتلقى التهيأة النفسية اللازمة بحيث انه يعتبر ان شخصيته كتلميذ و دراسته كتلميذ ستبقى نفسها لما يدخل الجامعة فيعتبر انه اذا تحصل على 16 في الثانوية سوف يتحصل عليها او على معدل اكبر منها في الجامعة كما يعتبر انه الافضل و انه اعلى مستوى من الجميع...........فيحلق به تفكيره المتغطرس الجامح الى اعلى درجات التكبر فيكره ان يقارن او يخالط او يصاحب او يكون معه احد دون مستواه او معدله فتجده ساخطا على من حوله من الذين تحصلوا على معدلات دنيا اقل من معدله ........... التهيأة النفسية سبب من اسباب كثيرة لهذه المشكلة ............الرجوع للدين و الالتفاتة لموضوع التكبر و حكمه في الدين و الالتفاتة لموضوع الرضا عن الله كما الالتفاتة الى ان هذه الدنيا طريق للاخرة و انا الله لن يسالنا عن شهادة الماستر او الدكتوراة بقدر ما سيحاسبنا عن افعاالنا و اقوالنا و بما نحفظ من قران ...هذا كله كفيل برجوع التلميذ الى صوابه و تصرفه بمسئولية و تخلصه من التكبر

سطايفية بكل فخر · 2012-08-01, 14:31

اقتباس:

المشاركة الأصلية كتبت بواسطة princess optimism

اختي هذا شيئ صار منتشر بكثرة جدا ....... اعرف من تحصلوا على باكالوريا ب 10 لكنهم صاروا من المتفوقين في الجامعة ........ هذه االتصرفات تعود للتكبر و عدم الاعتراف بالغير و الاعتزاز بشخصية الأنا ...... كما تعود لان التلميذ المقبل على الجامعة لم يتلقى التهيأة النفسية اللازمة بحيث انه يعتبر ان شخصيته كتلميذ و دراسته كتلميذ ستبقى نفسها لما يدخل الجامعة فيعتبر انه اذا تحصل على 16 في الثانوية سوف يتحصل عليها او على معدل اكبر منها في الجامعة كما يعتبر انه الافضل و انه اعلى مستوى من الجميع...........فيحلق به تفكيره المتغطرس الجامح الى اعلى درجات التكبر فيكره ان يقارن او يخالط او يصاحب او يكون معه احد دون مستواه او معدله فتجده ساخطا على من حوله من الذين تحصلوا على معدلات دنيا اقل من معدله ........... التهيأة النفسية سبب من اسباب كثيرة لهذه المشكلة ............الرجوع للدين و الالتفاتة لموضوع التكبر و حكمه في الدين و الالتفاتة لموضوع الرضا عن الله كما الالتفاتة الى ان هذه الدنيا طريق للاخرة و انا الله لن يسالنا عن شهادة الماستر او الدكترواة بقدر ما سيحاسبنا عن افعاالنا و اقوالنا و بما نحفظ من قران ...هذا كله كفيل برجوع التلميذ الى صوابه و تصرفه بمسئولية و تخلصه من التكبر

شكرا على مشاركتك هوما راهم في ضغط نفسي بسبب التوجيهات لكن هدا لا يخولهم الحق في قول هدا بامكانهم التلفشش فالنظام ماشي فالطلبة لي كيفهم
شكرا على كلماتك

meriem bogao · 2012-08-01, 14:33

اقتباس:

المشاركة الأصلية كتبت بواسطة Princess optimism

اختي هذا شيئ صار منتشر بكثرة جدا ....... اعرف من تحصلوا على باكالوريا ب 10 لكنهم صاروا من المتفوقين في الجامعة ........ هذه االتصرفات تعود للتكبرو عدم الاعتراف بالغير و الاعتزاز بشخصية الأنا ...... كما تعود لان التلميذ المقبل على الجامعة لم يتلقى التهيأة النفسية اللازمة بحيث انه يعتبر ان شخصيته كتلميذ و دراسته كتلميذ ستبقى نفسها لما يدخل الجامعة فيعتبر انه اذا تحصل على 16 في الثانوية سوف يتحصل عليها او على معدل اكبر منها في الجامعة كما يعتبر انه الافضل و انه اعلى مستوى من الجميع...........فيحلق به تفكيره المتغطرس الجامح الى اعلى درجات التكبر فيكره ان يقارن او يخالط او يصاحب او يكون معه احد دون مستواه او معدله فتجده ساخطا على من حوله من الذين تحصلوا على معدلات دنيا اقل من معدله ........... التهيأة النفسية سبب من اسباب كثيرة لهذه المشكلة ............الرجوع للدين و الالتفاتة لموضوع التكبر و حكمه في الدين و الالتفاتة لموضوع الرضا عن الله كما الالتفاتة الى ان هذه الدنيا طريق للاخرة و انا الله لن يسالنا عن شهادة الماستر او الدكتوراة بقدر ما سيحاسبنا عن افعاالنا و اقوالنا و بما نحفظ من قران ...هذا كله كفيل برجوع التلميذ الى صوابه و تصرفه بمسئولية و تخلصه من التكبر

بارك الله فيك يا اختي لقد اصبتي

الغزالة الشاردة · 2012-08-01, 14:37

بارك الله فيك اختي ميرسي بوكو

meriem bogao · 2012-08-01, 14:38

اقتباس:

المشاركة الأصلية كتبت بواسطة سطايفية بكل فخر

بارك الله فيك صح بلاك ربي شاف فيها خير
عندي صحبتي تحوس على الميدسين سيف عاودت الباك ثلاث مرات ومقراتش فالجامعة حنا رانا طالعين للسنة الثالثة ليسانس وهي مسكينة مجابت الطب مدخلت للجامعة وهكاك ومحبتش تستعرف
ربي يوفقها ويوفقنا كامل الواحد برك يزون الامور بعقلو
والحمد لله على النعمة لي عطاهالنا

صدقيتي ختي انا كل يوم نعمل جولة في المنتدى و الله وجعني قلبي كل واحد يقول انا جبت كذا .... و جبت كذا... و هوما دزوني كذا.... بزاااااف كرهونا فيها

سطايفية بكل فخر · 2012-08-01, 15:05

اقتباس:

المشاركة الأصلية كتبت بواسطة meriem bogao

صدقيتي ختي انا كل يوم نعمل جولة في المنتدى و الله وجعني قلبي كل واحد يقول انا جبت كذا .... و جبت كذا... و هوما دزوني كذا.... بزاااااف كرهونا فيها

اهدرو الساكت عن الحق شيطان اخرس
وحاجة الحق نقولوها

♫ وهج الأمـل ♫ · 2012-08-01, 15:14

السلام عليكم

عندك حق أختي

أنا شخصيا نعرف أخرين يقراو خير من اللي جابو معدلات كبيرة

و بسبب ظلم التصحيح جابو 12 و 11 و 10

التخصص هو اللي يحكم من بعد ماشي المعدل

تقبل الله طاعتك

سلا~~مـ