مشكلتي مع الخطوبة

[مشكلتي]

السلام عليكم خاوتي

عندي مششكلة في الخطوبة وهي اني منذ مدة خمسة سنوات تعرفت على فتاة في الجامعة ومنذ ذاك الحين كنت على نية معهاا ان اتزوج بها ... و هاا انا الأن أكلت دراستي و الخدمة الوطنية العسكرية وو جدت عملا و الحمد لله . الآن وصل الوقت لكي أخطبها من عند أبوها و هنا تكمن المشكلة وهي أني لم أعرف كيف أتكلم مع أبوها علما أننا لا تربطنا صفة أي قرابة بين عائلتها بمعنى أنني شخص غريب بالنسبة له جاء لخطبة إبنته . فأنا متخوف تماما من رفضه لي لو يشك مثلا أني أعرف إبنته وكانت بيننا علاقة . فجزاكم الله خيرااا دلووني على طريقة مااا أو طريقة حديث ماا لكي أتكلم به لأبوها حتى يقتنع و يقبل .. و السلام علييكم .

[ايمان4]

روح اخطبها عادي ....اتوكل على الله ليه لازم تتزوج غير من العائلة هاد البنت ما يقول والو الله يسخرلك

[ع.عيسى]

اخبر البنت انك تنوي خطبتها وهي تخبر اهلها وتحل المشكلة

[صمت الرجوله]

و الله يا اخي اسمحلي لكن هاذي جياحة...راني نقرى مؤخرا بزاف مواضيع مشابهة لموضوعك...واحد يقولك ماهي الكلمات لخطبة فتاة و الثاني في عمر النبي عيسى يقولك انا راني نخجل بزاف و معرفتش كيفاه نخطب و لخر يقولك عندي خمس سنين وانا ناوي الزواج بطفلة و كي فاق يقول حان وقت الخطبة.....انفظوا شوية الغبرة على رواحكم راكم رجالة هابن عمي و موش راحا تريب السما كي تروح تخطب....اسمحلي خويا على كلامي الا بانتلك بلي قستك

[محمد جديدي التبسي]

وعليكم السلام
يعني جاتك عادي انك تكون على اتصال معها وفي علاقة محرمة لمدة خمس سنوات ولما نويت تخطب وتدخل في الحلال جاتك صعيبة؟؟؟؟
هذا من الشيطان اخي انت رجل لازم تتميز بالشجاعة وقوة الشخصية اذهب واحكي مع والدها بهدوء وعرفوا بنفسك وبعد ذلك ارسل والدتك تتتفق مع النساء ثم تأتي الخطبة الرسمية وربي يسهلك.

[اناناسة]

يا اخي لا يفضح الانسان الا لسانه ...انت يجب ان تتحكم بنفسك و لا تتعرض لموضوع 'كيف تعرفت عليها' ...بعبارة اخرى : ايلا انت ما جبدتش الموضوع شكون راح يعرف ؟ حاول ان تتجنب الحديث عن الموضوع و اتفق معها على ان تخبر الوالدة الكريمة بانها موافقة عليك ..هكذا ستختصر الوقت و الجهد ...اذا حدث و عرف الوالد عن الامر فتحمل النتائج لان الامر ليس هينا على من ربى و تعب و تاتي انت هكذا متجاوزا هيبة الوالد و احترامه ...ضع نفسك مكانه ...ستشعر بالخيبة و بان احدا تجاوزك دون اعتبار لمكانك كولي امر الفتاة ...فكرو في عرض الرجل كما تفكرون في اعراضكم ...

[ابو سليمان10]

المشكلة هي كانت الخمس سنوات الغير شرعية...اما الخطوبة فهي شىء حلال
ابعث النساء من اهلك الى منزلهم يتحدثوا مع امها ...عادي..(نحن لدينا العادة ان تذهب النساء لانه في القديم النساء هي من تدلك على الفتاة بعد معرفتها

[أم رامي أحمد]

يا اخي ا من المتعارف عليه في بلادنا ان ام الولد وخالته او عمته او اخته من تذهب اولا لزيارة العائلة و الاخبار بنية الخطوبة و عندها تكون مرحبا بك بينهم لانك ستدخل العائلة من الباب مثل اي محترم و هكذا و الله ستجد من والديها كل الترحاب والاحترام لانك طبقت شريعة الله في الزواج الله يسهل لكل اخواننا و اخواتنا في الحلال

[أثيلة]

السلام عليكم و رحمة الله وبركاته
أخي لن نتحدث عن الماضي فأنت تريد التوبة بالتقم لخطبتها اعانك الله على الأمر و ربي يسهلك
عادي أرسل والدك يقول ابني شاف بنتك و عجباتو حاب يخطبها و انتهى الأمر
في أمان الله

[زهرة وهران]

توكل على ربي الله يسخر

[misktyba]

توكل على ربي الله و أبعث الوالد يخطب لك و الله يتمم على خير

[الصديق قروف]

ساهلة اخويا قلو شفتها برا عجبتلي
هوا من الافضل مش انت الي تروح لابوها
لوكان اخوها ممكن تتكلم معه انت لانه يقاربك فسن

[chahla samia]

السلام عليكم خويا

نصيحة من اختك في الله كن غير ما حكيتيش بلي كنتي تعرفها وعندك خمس سنوات , كون كتبتي قلتي مثلا انصحوني بماذا اتكلم مع اب اللي حنخطبها

ندخلوا للمفيد

عقليات الناس تختلف من شخص للاخر و العادات تختلف من منطقة الى اخرى

اول حل اذا كانت الطفلة تحكي مع امها تنجم تقولها جاي واحد حاب يخطبني هكذا تسهل عليك الطريق دجي انت و باباك تقولوا انا فلان فلتان نسكن في منطقة كذا نخدم الخدة الفلانية و ناوي للحلال
ومبعد تمشي مراسيم الخطبة

الحل الثاني انك تقول لباباك انك ناوي تكمل نص دينك يروح يحكي مع باب لعروسة

الحل الثالث اذا حشمتي من باباها تكلم مع خوها

الحل الرابع تروح امك تحكي مع امها

وعندك كي تروح تهدر معاهم دقول بلي كنتي تعرفها و الله تصعابلك قول شفتاها عجباتك صقسيتي علاها قالولك بنت فاميليا وناس ملاح , او انك كنتي تدرس معها مثلا , او ان اختك صحبتها ....... علاخاطر كون دقولهم بلي كنتي تعرفها تعشي في مشكلة

اذا خيرتي احد الحلول هاذي استنا مدة بعد ما يساقسيو عليك العايلة تاحها اذا انت خدام , ناس ملاح , خاطيك المشاكل , تخاف ربي و تصلي
يتصل بك او بعايلتك احد افراد اسرتها

اذا قابلين حدد معاهم نهار يروحوا غير امك و باباك برك يتفاهموا مع دار لعروسة على امور العرس مثل الشرط , السكن , ........الخ بعد ما يتفاهموا ما بيناتهوم يحددوا يوم للخطبة صح انا قتلك هكا لكي تتلافى حرج العائلة معناها كون تروحوا عايلة كاملة تخطبوا وانتم ماتفاهمتوش بلاك تصرا مشكلة او احد الاطراف معجبتوش حاجة عاداكا قتلك ابعت امك و باباك باش يتفاهموا

يوم الخطبة ادي عايلتك قصدي عماتك , عمامك , ...........

نصيحة اخيرة من عندي دير الخطبة و الفاتحة في نهار واحد يعني تنقص عليك التكاليف و انت داخل على عرس وشرط و ذهب وفر على قد ماتقدر

وان شاء الله ربي يجمعكم في الحلال

و ماتنساش تعرضنا ههههههههه

[بشرئ عاشقة العلم]

ها قول لماماك مثلا تقول شافتها في عرس و لا سمعتهم يهدرو عليها و لا هكا
انا نسمع قاع الدنيا تقول هكا