لمقطعة

[ali sali]

شكون منكم تعرف طريقة عمل شخشوخة لمقطعة تقولي
الله يستركم

[زهرة النرجس2]

والله مافهت لا تحوسي على الشخشوخة ولا المقطعة
حنا عندنا المقطعة اكلة وحدها والشخشوخة والا حبيتي نعطيلك المقادير تاع المقطعة

[ali sali]

المشاركة الأصلية كتبت بواسطة زهرة النرجس2

والله مافهت لا تحوسي على الشخشوخة ولا المقطعة
حنا عندنا المقطعة اكلة وحدها والشخشوخة والا حبيتي نعطيلك المقادير تاع المقطعة

ايه خيتو انا تاني نحوس على لمقطعة الله يعيشك اعطيني المقادير
وحبذا لو مرفوقة بالصور
وكيفية صنع لمقطعة وشكرا لك

[mimicha1977]

طريقة العمل …
قبل البداء في عمل هذا الطبق يجب تحضير الرشتة قبلها بساعة علي أقل تقدير …
عمل ( الرشتة ) …
كوبين من دقيق +الفارينة و الماء فقط … و تعجن حتى نتحصل علي عجينة قاسية بعض الشيء , نتكرها تستريح ساعة من الزمن








يتيع

[ali sali]

اختي يعني لازم نقطعها فلاباراي تاع الرشتة انا معنديش
كيفاه نقطعها
وزيد كفاه ندير لمرقة

[mimicha1977]

نقوم بغربلة الرشتة من الدقيق


حضري مرق حمراء تغلي ثم ارمي المقطعة اتركها حتى تخثار اطفئ النار اخيرا ضفي قرنين فلفل اخضر وثومة مدقوقة وكسبر

[mimicha1977]

لا اختي انا نعملها بيدي
حلي عجين مثل الصورة بالحلال ثم قطعها على 2 لفيها 3لفات ثم بواسطة سكين قطعيها مع رش الفرينة كل مرة حتى لاتلصق فى بعض ثم تكملي غربليها باه تنزعي فرينة لصقة و ارميها فى المرق
اي استفسار راني هنا

[mimicha1977]

تحضير المرق
هنا لكي الخيار تحبي تحطي شوية لحم لكن مشي شرط ممكن تستغني

فى طنجرة ضعي البصل المطحون + الزيت +فلفل اسود+ الملح + قطعة لحم للبنة فقط + الطماطم حب مطحونة1 + راس الحانوت + فلفل احمر مطحون + كاس ماء غليهم 5د ضفي الطماطم المصبرة+ الماء يعني مرقي اتركها مدة ثم ارمي المقطعة اتركها حتى طيب
اتركها حتى تخثار اطفئ النار اخيرا ضفي قرنين فلفل اخضر وثومة مدقوقة وكسبر

[mimicha1977]

اي استفسار راني هنا

[cilhem]

هادي اسمها التريدة و ليس الرشتة

[mimicha1977]

المشاركة الأصلية كتبت بواسطة cilhem

هادي اسمها التريدة و ليس الرشتة

راكي غلطة اختي الوصفة الاولى هي مقطعة و احنا عندنا فى المنطقة معروفة جدا نعملوها كما قلت للاخت اما تريدة هي هذا لفي الصور

[ياسمينة بيضاء]

المشاركة الأصلية كتبت بواسطة mimicha1977

راكي غلطة اختي الوصفة الاولى هي مقطعة و احنا عندنا فى المنطقة معروفة جدا نعملوها كما قلت للاخت اما تريدة هي هذا لفي الصور

سلام اختي ربي يحفظك كيفاه نديرو تريدة وتاني نفوروها كيما الكسكس ولا كيفاش

[mimicha1977]

المكونات
بصلة مفرومة
قطع دجاج
زيت + شوية زبدة
ملح وفلفل اكحل
لحم مرحي ( اختياري)
حمص منقوع
بيض للتزيين

الطريقة
اولا نحضر مرق الدجاج
نقلي حبة البصل المفرومة + شوية زبدة وزيت وقطع الدجاج والحمص المنقوع+ ملح وفلفل اكحل ومن بعد نمرقها ونغلق عليها طنجرة الضغط
كي تطيب نصفيها
ونشكل كويرات من اللحم المرحي + ملح وفلفل اكحل + صفار بيضة ونقليهم في شوية زيت حتان يتحمرو
وفي الاخير نحط كويرات اللحم تكمل طيابها في مرقة الدجاج

ثانيا نحط التريدة في جفنة ونصب عليها كمية قليلة من الزيت ونفركها قليل حتى يغلف الزيت كل قطعة منها
ومن بعد نفورها في الكسكاس لمدة 10 الى 15 دقيقة
نفرغها في الجفنة ونصب عليها كمية من مرق الدجاج ( مش بزاف باه ماتعجنش) ونتركها تتشربها مليح لمدة 5 الى 10 دقايق
و نفورها للمرة الثانية لمدة حوالي ربع ساعة
نكرر العملية للمرة الثالثة
في الاخير نحط في قدر على النار كمية قليلة حوالي نصف كاس من مرق الدجاج مع كويرات اللحم وعندما تسخن مليح نفرغ عليها التريدة مع قطعة زبدة ونخليها تتجمر على نار هادئة
نطفي عليها النار

تحياتي اختك ميميشة

[تغرينية]

شكرا منكم نستفيد

[ريتاج الجلفة]

السلام عليكم
راح نقدملك حلقوم بالطريقة التقليدية باسم الله
حلقوم السفرجل نضرا لصوعبة اكل السفرجل وتوفره كل الاشياء التقليدية معدة منه معجون السفرجل حلقوم السفرجل ...


1 غسلي سفرجل مليح مليح قطعيه على 4 طوليا وانزعي الزريعة ضعي القليل من الزريعة في شاش حطيه في ماء وليم باه ميتأكسدش يكحال

2ديره في طنجرة ثقلية بزاف اذا قدرتي والا في كيكوت ومتغلقيش ديري ماء يغلي وقرصة شب
والشاش نتاع الزريعة يملس لعجينة كي يغلي الماء ارمي السفرجل او السفنجر حقا متقشريهش

3كي يطيب طحنية في مكسار وصفيه في كسكاس رقيق

4شوفي كل كيلة سفنجر بيري يعني الصافي لنزل من الكسكاس ديريلو كيلتين سكر ورجعيه في الطنجرة تكوني رميتي الشاش والشب طبعا كان مدقوق ناعم

وقعدي حركي حتى يذوب السكر وتكون عندك عجينة متلصقش في طنجرة

خليها تبرد شوي و حليها في سنيوا مطلية بالزبدة وخليها تنشف حتى لغدوة من ذاك
قطعيها مرمديها في سكر حرش

ماتكليش بزاف