ورشة علاقة المفاتيح - الصفحة 10

zofa · 2013-02-11, 09:40

اني حشماااااانة منكم بديت بدية مليحة عاود نعميت الله غالب هدي هي الظروف مع اني في طريق الامتحانات مي مقلقة نرفد هد الموتيف الشباب .....
وفيما يخص النت لو كان نقبض لي راه متقلها نخنقوووووووووو
انا كي جيت في السطر ما قبل الاخير بلوكيت لانو الصور من32 حتى40 ما حبوش يبانو يعني السطر الاخير من السلة و اليد ما قدرتش نكمل بلا شرح بالصور فهل من الممكن تشرحيلي هداك الجزء وشكرااااااا

kiya · 2013-02-11, 09:59

معليش عزيزتي ماتقلقيش روحك درك نعاود نحطلك الصور في هاذي الصفحة باش يتفتحولك

kiya · 2013-02-11, 10:05

بعد ماكملنا السطر ونلينا وحدة ماخدمنهاش
نرجعو على لي خدمناها
انديرو بين كل عمودين 2عمود 1سلسلة و2 عمود

ومن بعد نزيدو فوقهم ثاني 2عمود 1سلسلة و2عمود

نواصلو بنفس الطريقة ونديرو 20مرة

كملنا العشرين تاعنا درك يعود ندنا مثل الشريط نعدلوه مليح باش مايجيش مقلوي ولا داير

بعد ماعدلناها وجات مليحة نلسقوها 2منزلقة

بعد ما لصقناها نديرو سلسلة فيها 3

ومن بعد عمود وسلسلة فيها 3 وندوروها بمنزلقة على العمود كيما درنا في السطر الاخيط لي اقبل اكيد راكم فاهمين
نديرو اربعة اعمدة بهذه الطريقة ومن بعد سلسلة تاع 3 ومنزلقة

نواصلو بنفس الطريقة حتي نكملو كامل الشريط

وراكم متفكرين يخي خلينا وحدة اقبل ماخدمنهاش درك نخدموها

درك كملنا العلاقة نتاعنا نروحو نغسلوها لي نتاعها نظيفة وماتحبش تغلسها هي حرة بصح انا دايما نحب نغسل الغدمة تاعي حتي ولو كانت نضيفة
بعد ماتنشف شوية يعني تكون فيها ريحة الندا
نجبو قطعة قماش نضيفة ونحطوحا فوقها ونحدودها بالحدادة يعني المكواة
ونحاولو نكسلو شوية باش تجينا كي الفونتاي
بعد ما كملنا راكم متفكرين السكر والماء ندروه في كسرونة ونخلوه يتقلي شوية مش يحمار كيما العسيلة تا البقلاوة
لازم يكون ابيض

بعد مايكون برد
نديرو فيه العلاقة تاعنا

ومن بعد نقطروها مليح ونحطوها فوق قطعة قماش نظيفة
ونحاولو نعدلوها من كل الجوانب

لازم تكون معدولة مليح

ونخلوها تنشف

بعد ماتنشف نحشوها بشوية قطن في المكان لي عدلناه بصبعنا
ونركبولها الورد ونديرولها بابيون بالريبون
وتصبح واجدة[

راني عاودت حطيتلك الشرح بالصور
خلي الصفحة مفتوحة باش يطلعو واذا مابانوش قوليلي وين راكي حابسة ونفهمك
موفقة في امتحاناتك وماتقلقي روحك ماوالو

zofa · 2013-02-11, 13:26

بارك الله فيك راني حمتهم في wrd بعد عناء طويل مي لازمتني خطوة و هي الي رني حبسا فيها (تاع السطر الاخير من السلة قبل ما نبداو في اليد ) يعني ما فهمتش بعد ماكملنا السطر ونلينا وحدة ماخدمنهاش
نرجعو على لي خدمناها

kiya · 2013-02-12, 08:35

شوفي عزيزتي راهي ساهلة بعد مارجعنا على لي خدمناها نديرومابين كل عمودين 2عمود1سلسلة و2عمود ونزيدو فوقها نفس الشئ 2عمود1سلسلة 2عمود
ونكررو 20مرة
واذا مافهمتيش حاجة راني هنا

kiya · 2013-02-12, 09:59

هيا لبنات شوية نشاط
باش ندديرو ورشة اخري
راه العمل ساهل ويحتاجش وقت
ورولي تطيقاتكم وفرحوني

zofa · 2013-02-12, 12:02

سمحيلي راني نرفيتك و قلقتك معايا مي مزال ما حبيتيش تفهميني
راني على السلة مزال ما وصلتش لليد راني على السطر الاخير في السلة قبل ما ننتقلو لليد هداك السطر ما يشبهش لصحابو و خوتو مسكين عندو حل عقدة في راسو و هايا الصورة وين راني حابسة ان شاء الله تكوني فهمتيني

سدرةالمنتهى · 2013-02-12, 12:12

اقتباس:

المشاركة الأصلية كتبت بواسطة zofa

سمحيلي راني نرفيتك و قلقتك معايا مي مزال ما حبيتيش تفهميني

راني على السلة مزال ما وصلتش لليد راني على السطر الاخير في السلة قبل ما ننتقلو لليد هداك السطر ما يشبهش لصحابو و خوتو مسكين عندو حل عقدة في راسو و هايا الصورة وين راني حابسة ان شاء الله تكوني فهمتيني

واش ما فهمتيش حبيبتي نعاونك راكي على اليد نتتع السلة معرفتيش تلصقيها؟

حكيمة باري · 2013-02-12, 12:34

السلام عليكم

zofa · 2013-02-12, 12:36

ala hbiba rani ala star li 9bal l yad 9bal ma nablassiwha wala nakhadmoha kayn ha star kima hadok stora thata bassah ma ychabhlhomch bih ha 3o9dat et mrc

زهرة الهضاب 19 · 2013-02-12, 12:50

اقتباس:

المشاركة الأصلية كتبت بواسطة kiya

هيا لبنات شوية نشاط
باش ندديرو ورشة اخري
راه العمل ساهل ويحتاجش وقت
ورولي تطيقاتكم وفرحوني

خلاص أنا طبقت ههههه

و عدد كبير ما شاءا لله تفاعل من ورشتك الرائعة

مطوليش علينا أستاذة و ديرينا الورشة القادمة

تحياتي

kiya · 2013-02-12, 13:51

يعطيك الصحة زهرة
وانت لي طلبتي من العلبة تاع المدينة راني درت اعلان عليها
روحي شوفيه باش توجدي روحك

kiya · 2013-02-12, 13:57

اقتباس:

المشاركة الأصلية كتبت بواسطة zofa

سمحيلي راني نرفيتك و قلقتك معايا مي مزال ما حبيتيش تفهميني

راني على السلة مزال ما وصلتش لليد راني على السطر الاخير في السلة قبل ما ننتقلو لليد هداك السطر ما يشبهش لصحابو و خوتو مسكين عندو حل عقدة في راسو و هايا الصورة وين راني حابسة ان شاء الله تكوني فهمتيني

يا عمري ماقلقتيني ماوالو
انا برك لي مافهمتكش وش تحوسي
شوفي راكي درك في السطر الاخير وش ايري تبعي معايا مليح
اديري عمود ومن بعد 3سلسلة لحد الان واضح
ومن بعد في هذاك العمود اديري منزلقة ومن بعد تزدي عمود 3سلسلة ومنزلقة في العمود الثاني وهكذا حتي تكملي اربعة اعمدة دافيها 3سلسلة ومنزلقة ومن بعد اديري 3سلسلة ومنزلقة في وسط السلاسل ومن3سسلسلة وترجعي كيما بكري اديري عمود و3سسلسلة ومنزلقة
نتمني يكون شرحي هذا وافي اذا مافهمتيش راني موجودة

زهرة الهضاب 19 · 2013-02-12, 14:24

اقتباس:

المشاركة الأصلية كتبت بواسطة kiya

يعطيك الصحة زهرة
وانت لي طلبتي من العلبة تاع المدينة راني درت اعلان عليها
روحي شوفيه باش توجدي روحك

بارك الله فيك أختي و الله غير كثر خيرك انا اول مرة نطلب منك حاجة و لبيتيلي رغبتي

ربي يعيشك و في ميزان حسناتك ان شاء الله

kiya · 2013-02-12, 14:32

بلا مزية حبيبتي زهرة
كثريلي من الدعاء برك وقولي لماماك تدعيلي في صلاتها