تحلية بسيطة ولذيييذة بالنيسكافي ........

zahra30 · 2013-03-07, 15:23

السلام عليكم
راني جربت تحلية بالنيسكافي جات رووووعة المذاق تفضلو شوفو معايا الصور وبلا ما نطول عليكم ....
المقادير //
فلان فانيلا * حليب ( انسيت ما صورتوش ) * بيسكويت عادي *سكر* قهوة نيسكافي * زبدة * قهوة نيسكافي للتغميس *شكولاطة مسكرفجة * نشاء

حضري اولا الفلان / ( الكمية كل واحد والعائلة انتاعو .. انتاعي صغيييرة )
02 كيسان حليب * 02 م ك فلان *01 م ك سكر *01م ك نشاء
حضري كريمة النيسكافي /
كاس ماء *03 م ص نيسكافي * 01 م ك نشاء * حطيها على النار حتى تغلي وزيديلها الشكولاطة و مع التحريك المستمر وفي الاخير زيدي * 01 م ص زبدة راح تتحصلو على هذي ...( اذا تحبي الحلاوة زيدي 01 م ك سكر ..)

اذا كان عندك مول يكون افضل راح تجيك على شكل تارت انا اللي عندي كبار ..المهم
غمسي البيسكويت في القهوة ورتبيه ثم حطي عليه الفلان ( تقدري اديري عدة طبقات ) انا حطيت بيسكويت ماشي مغمس جا مقرمش ثم الفلان ثم الكريمة وتزينيها بالمكسرات انا درت نواة كوكو ذوقو بنين والى الثلاجة ...

ان شاء الله يعجبكم وتجربوه
دعوة خير تكفيني .....
تحياتي