من لم يتزوج شامية فقد مات اعزب - الصفحة 2

faty05 · 2012-07-30, 17:39

لوكان يديرلي راجلي شهرية نحبس الخدمة
أيا وش رايكم

hyoucef32 · 2012-07-30, 17:57

الان تاكدت ان هناك فتيات ماديات ان اشرف عمل تقوم به المراة هو خدمة زوجها يا امة الله اوصيك بالتفقه في الدين

faty05 · 2012-07-30, 18:01

ادري ادري شكرًا
كان اقتراح لمعرفة الارآء

عُضو مُحترم · 2012-07-30, 18:12

اقتباس:

المشاركة الأصلية كتبت بواسطة faty05

ادري ادري شكرًا
كان اقتراح لمعرفة الارآء

شكرا على السؤال

وبكل صدق والله يشهد عليّ لقد فكرت في الموضوع مسبقا

و قلت ربما مبلغ 5000دينار شهريا يكفي زوجتي؟؟؟؟

مارأيك هل تقبل النساء بهذا المبلغ؟؟؟

و لا تصرف دينار في البيت يعني مرتب لها خاص بها حلال عليها

و لا ينقص من نفقتي عليها دينار واحد لبستها و تحواسها و دوائها و كل يبقى عليا كالعادة

عهد الله · 2012-07-30, 18:19

انا رانى رايحة جيب فى شامية تخدم عندى وبس

faty05 · 2012-07-30, 18:50

اقتباس:

المشاركة الأصلية كتبت بواسطة عُضو مُحترم

شكرا على السؤال

وبكل صدق والله يشهد عليّ لقد فكرت في الموضوع مسبقا

و قلت ربما مبلغ 5000دينار شهريا يكفي زوجتي؟؟؟؟

مارأيك هل تقبل النساء بهذا المبلغ؟؟؟

و لا تصرف دينار في البيت يعني مرتب لها خاص بها حلال عليها

و لا ينقص من نفقتي عليها دينار واحد لبستها و تحواسها و دوائها و كل يبقى عليا كالعادة

امر مقبول يا اخي
مبلغ معقول

Nesrine-nina · 2012-07-30, 18:52

مثل رائع و لكن لا اصدقه هههه

soso sirin · 2012-07-30, 19:01

اقتباس:

المشاركة الأصلية كتبت بواسطة عُضو مُحترم

شكرا على السؤال

وبكل صدق والله يشهد عليّ لقد فكرت في الموضوع مسبقا

و قلت ربما مبلغ 5000دينار شهريا يكفي زوجتي؟؟؟؟

مارأيك هل تقبل النساء بهذا المبلغ؟؟؟

و لا تصرف دينار في البيت يعني مرتب لها خاص بها حلال عليها

و لا ينقص من نفقتي عليها دينار واحد لبستها و تحواسها و دوائها و كل يبقى عليا كالعادة

هاذي فكرة شابة راح نديرها في شروط الزواج تاعي 5000 د ماشي قليلة و انا مريحة في الدار والله فكرة هايلة مي خايفة الا يقولي روحي تخدمي خير ههههه انا نقلو هاذي هدرة راجل رايح يطبقها كي يتزوج .نقلك حاجة والله المراة كون تصيب الراجل الي مايغبنهاش و عارفة بلي راح يحافظ عليها و يديرلها كيما كان دايرلها باباها والله تسمح في الدنيا ماشي حتا في الخدمة

ام احمد الغالي · 2012-07-30, 19:34

عشت في الاردن لقيت الاردنيين هازيين بناتهم في السماء النشمييات النشمييات عشت في الخليج لقيت الخليجيين يقولك مافيش احسن من بناتنا والمصريين يقولو المصرية ست الستات ومالقيت واحد مهبط قيمة بنات بلاده غير في الجزائر رغم اني وعمر طويل في الغربة لقيت مكانش مرا تصبر وتهز راجلها في السراء والضراء كيما الجزايرية بالصح يبقى حاجة وحدة تعرف تختار بنت الاصل واللي تعرف ربي وتخاف منه واللي تعيش معاك وتحملك في الايام الخايبة قبل الايام المليحة وكل وحدة وتربيتها
وعن العمل اللي زوجها قايم بالدار وقايم بيها وعلاش تخدم

نتمنى من الاخوة احترام الاراء والتعقيب على الموضوع وليس على اراء الاعضاء كي نرتقي بتفكيرنا ونحترم بعضنا هذه ملاحظتي لتعقيب بعض الاعضاء على اراء الاخرين وتركهم الموضوع الاساسي

rafik__87 · 2012-07-30, 21:44

اذا سنموت عزاب
اكثر ما يزعجني في الجزائريات فظاظة الكلام والمغالاة وايضا الميول للبراني وتسهيل له كل امور الزواج بينما ولد البلاد يخلقوا له الف عقبة .
هل من سورية تكون نبراس ينير دربي في الحياة فاغلبهن صدقت اذا تحدثت وحتى اذا غضبت حلمت فلا تشعرني بشيء يزعجني واذا ضحكت تبسمت ولاتقهقه مثل فاقدات الحشمة ودودة في معاملتها وتعينني في ديني فلا تقبل مني تكاسل في طاعة الرحمان .
ما اجمل الاحلام

جسر الأمل · 2012-07-30, 21:50

اللي يلقى شامية نمدلها 100 ميل حاسبينهم راهم يتقايسو ؟؟؟؟؟؟؟؟؟
وهوما كثر منا شروط تعجيزية ووووو هههههههه راكم راقدين تاع الصح

جسر الأمل · 2012-07-30, 21:54

اقتباس:

المشاركة الأصلية كتبت بواسطة hyoucef32

الان تاكدت ان هناك فتيات ماديات ان اشرف عمل تقوم به المراة هو خدمة زوجها يا امة الله اوصيك بالتفقه في الدين

هدا وين تأكدت صباح الخير ههههههههههههه ياو خلات عليك ابدا توجد من دوكة شكارة دراهم وياربي ادا كفاتك وقداتك هههههه
شوف خويا والله كاين المادية وغيرها شوالا انت برك ماحوستش غايا زيدي حوس غايا ودوك تلقاها
والله والله يا عمي البوليس رانا متفقهين في الدين وصح الخدمة تاع المراة هي راجلها

بالتوفيق خويا ماتقطعش رحمة ربي ماتخليش موضوع يخلخلك هاخلادار شرك ههههههههههههههههههههههههههه

أسطورة الخريف · 2012-07-30, 21:55

تزوجوا بسورية فحسب ،’ لا داعي لتبرير ذلك بهذا القول [ من لم يتزوج بشامية فقد مات أعزب أو بقي طول حياته أعزب ]

هناك من يخاف من نظرة الناس له بإحتقار لأنّه وجد الفرصة المناسبة للزواج من بنات لا يعرف أصلهن ولا نسبهن لمجرد مهرٍ قيمته قليلة ..

بالنسبة لي أقول :

تزوّجوا بنات الجزائرْ أفضل لكمْ

أسطورة الخريف · 2012-07-30, 21:58

اقتباس:

المشاركة الأصلية كتبت بواسطة rafik__87

اذا سنموت عزاب
اكثر ما يزعجني في الجزائريات فظاظة الكلام والمغالاة وايضا الميول للبراني وتسهيل له كل امور الزواج بينما ولد البلاد يخلقوا له الف عقبة .
هل من سورية تكون نبراس ينير دربي في الحياة فاغلبهن صدقت اذا تحدثت وحتى اذا غضبت حلمت فلا تشعرني بشيء يزعجني واذا ضحكت تبسمت ولاتقهقه مثل فاقدات الحشمة ودودة في معاملتها وتعينني في ديني فلا تقبل مني تكاسل في طاعة الرحمان .
ما اجمل الاحلام

حقًا مـا أجمل الاحلام ، لكن حاول أنْ تصبَّ هذا على واقعك

ستجد أنّ الجزائرية أفضل من السورية بألف مرّة

delpiero16 · 2012-08-02, 08:53

هذه المقولة قالها مستشرق اوروبي نسيت اسمه وهذا لشدة اندهاشه من جمالهن