مــآنيش حابا نفقد الامل و الله !

[bella18]

السلام عليكم و رحمة الله تعالى وبركاته حبيت نحكيلكم على عامي هدا كيفاش جاز في بداية السنة كنت مجدة و كلش مع العلم اني معاودة ماجبتوش العام لي فات بسبب ظروف الله غالب و كنت من المتفوقين
دارتلي صدمة لكن يقيني في الله كان اكبر و صبرت وتحملت و واجهت الحساد لي ستشفااو فيا كيماجبتوش بالاحتساب و الصمت احيانا و بالردود الوافية احيانا اخرى المهم فوت فترررة ارهاق و مجاهدة باش نصبر و ماسمحت لحتى واحد يشوف دمعتي تنزل و ديما كنت نمثل انني قوية فعلا و صنديدة المهم مبعد انفجرت من الضغط و كلش دارتلي وحد لاديبريسيون يا لطيف ديسمبر و جانفي كانت دراستي متدهورة نقرا سمانة نورمال و نكملها سمانتيين نحب نقرا نتغم و تعرفوا القراية نهار تطلق و تتكاسل و تفوت وقت طويل ماقريتش راح تنسى كلش شغل مادرت والو في اواخر فيفري بديت ندير ليكور و نقرا و حسيت بلي الوقت صح راهو يمشي كاين حاجات الحمد لله مشيت فيهم و كاين حاجات راني روطار و حابا نجيبو مونسيون و الله نظل نحسب صدقا عاونوني ولوبدعوة ~~ بكلمة طيبة ، نصيحة ، واحد فيكم ولا وحدة جازو على نفس تجربتي و حلمي و الله حابا نوصل ليه و اود ان احارب من اجل احلامي كي تحارب من اجلي لكن ساعات نحس بلي مانقدرش نجيب لامونسيون ..... و نتمنى تفيدوني كيفاش نحفظ للفلسفة اني حاصلة شحال من مقالة لازمني نحفظ و من اي مرجع ربي يخليكم افيدوني و ربي ينجحنا كامل و ينورلكم الدرب اتمنى لكم كل التوفيق و السداد و الله ولي التوفيق في انتظار تعليقاتكم و شكرا مسبقا

[bella18]

أين انتــــــــــــــــــــــــــــم ؟

[Blanca]

و عليكم السلام و رحمة الله و بركاته
اختي مازال الحال و هاذي مش قصدي باه نطلعلك المورال لا صح صح مزال بصح لازم تستغليه احسن استغلال
انا ثاني مجبتش الباك العام لفات و غاضتني بزاااف لانو خدمت بصح وش نديرو ربي مكتبها فيها خير ان شاء الله
متديريش في بالك الناس ليكرهوك ،،،،،،الخ تذكري برك والديك لازمك تفرحيهم كيما اي مترشح ،،يعني حتى هوما من حقهم يفرحوا ببنتهم
ديري بروغرام و امشي عليه بصح اقري 4 ساعات على الاقل يعني حاولي تزيدي و اقري بتركييييييييز مش سوايع بلا فايدة
افتحي سلاسل رح تفرحي كل ما تحلي صحيح ،،،،،،،،
تذكري الارادة تحطم المعجزات
نعرف شخص قرا في ماي جاب 14 بصح مش بالساهلة قتل روحوا باه ينجح
يعني نتي و ارادتك الا حابة تجيبي مليح لازمك الصبرررررر ثم االصببر و المثابرة و الدعاء ،،،،،
اليوم ديري برنامج يساعدك و ابدي بشوي مش ضربة وجدة تقولي نحل عشر تمارين اذا مش موالفة ابدي بالزوج
اذا كنتي حرة عندك متسع من الوقت يعني تقري في راحة
اما اذا كنتي نظامية لازمك تنظمي وقتك تعودي تبكري باه تحفظي و تسهري ل 12 كأقصى حد ،،،،
ابداي ضرك صباح احفظي و عشية مواد علمية و الويكاند مواد ادبية

نقلك على المراجع الملاح و لي شفت فيهم افكار بزااف هايلين

الرياضيات : سلاسل مصطفاي عبد العزيز و فيديوات الاستاذ نور الدين
الفيزيا : المغني و سلاسل الاستاذ شريفي تلقي حتى فيديواته في النت اسم قناته ADRENALINE Mahmoudi و كاين استاذ مولاي عمر
العلوم انشطة الكتاب و يقولو تمارين الاستاذ بوالريش و احمد امين خليفة ،،اااااايه و مننساااااش كاين سلاسل و دروس الاستاذ عقريب كمال كامل يشكرو فيه و ملخص بن خريف مصطفى (مجلة المجتهد ) و ملخص سمراني حمزة
اللغات البكالوريا السابقة نظن تكفي
الفلسفة من الاحسن افهمي الدروس و ارسلي لاستاذ شهاب يبعثلك مقالاته هايلة مانعها من النشر و ادخلي لقسم العلوم التجريبية تلقي الاخت تفاؤل شارحة الفلسفة ،،،،،،و ملخصات
اجتماعيات كتاب محمودي عادل
شريعة ملخصات تحقيق الامنية و كتاب جمال مرسلي


المهم و اهم شي اوثقي في نفسك عارفة بلي ساعات تجيك فترة احباط ،،،الخ بصح حطي هدفك قبل كل شي ،،،،،،و اتذكري الناس لحابة تفرحيهم و لي مش حابينك تجيبيه ،،،،،،

"سر النجاح ان تكون مخلصا لاهدافك " انتي تستطعين فعلها " you can do it

بالتوفيق

[bella18]

المشاركة الأصلية كتبت بواسطة blanca

و عليكم السلام و رحمة الله و بركاته
اختي مازال الحال و هاذي مش قصدي باه نطلعلك المورال لا صح صح مزال بصح لازم تستغليه احسن استغلال
انا ثاني مجبتش الباك العام لفات و غاضتني بزاااف لانو خدمت بصح وش نديرو ربي مكتبها فيها خير ان شاء الله
متديريش في بالك الناس ليكرهوك ،،،،،،الخ تذكري برك والديك لازمك تفرحيهم كيما اي مترشح ،،يعني حتى هوما من حقهم يفرحوا ببنتهم
ديري بروغرام و امشي عليه بصح اقري 4 ساعات على الاقل يعني حاولي تزيدي و اقري بتركييييييييز مش سوايع بلا فايدة
افتحي سلاسل رح تفرحي كل ما تحلي صحيح ،،،،،،،،
تذكري الارادة تحطم المعجزات
نعرف شخص قرا في ماي جاب 14 بصح مش بالساهلة قتل روحوا باه ينجح
يعني نتي و ارادتك الا حابة تجيبي مليح لازمك الصبرررررر ثم االصببر و المثابرة و الدعاء ،،،،،
اليوم ديري برنامج يساعدك و ابدي بشوي مش ضربة وجدة تقولي نحل عشر تمارين اذا مش موالفة ابدي بالزوج
اذا كنتي حرة عندك متسع من الوقت يعني تقري في راحة
اما اذا كنتي نظامية لازمك تنظمي وقتك تعودي تبكري باه تحفظي و تسهري ل 12 كأقصى حد ،،،،
ابداي ضرك صباح احفظي و عشية مواد علمية و الويكاند مواد ادبية

نقلك على المراجع الملاح و لي شفت فيهم افكار بزااف هايلين

الرياضيات : سلاسل مصطفاي عبد العزيز و فيديوات الاستاذ نور الدين
الفيزيا : المغني و سلاسل الاستاذ شريفي تلقي حتى فيديواته في النت اسم قناته adrenaline mahmoudi و كاين استاذ مولاي عمر
العلوم انشطة الكتاب و يقولو تمارين الاستاذ بوالريش و احمد امين خليفة ،،اااااايه و مننساااااش كاين سلاسل و دروس الاستاذ عقريب كمال كامل يشكرو فيه و ملخص بن خريف مصطفى (مجلة المجتهد ) و ملخص سمراني حمزة
اللغات البكالوريا السابقة نظن تكفي
الفلسفة من الاحسن افهمي الدروس و ارسلي لاستاذ شهاب يبعثلك مقالاته هايلة مانعها من النشر و ادخلي لقسم العلوم التجريبية تلقي الاخت تفاؤل شارحة الفلسفة ،،،،،،و ملخصات
اجتماعيات كتاب محمودي عادل
شريعة ملخصات تحقيق الامنية و كتاب جمال مرسلي


المهم و اهم شي اوثقي في نفسك عارفة بلي ساعات تجيك فترة احباط ،،،الخ بصح حطي هدفك قبل كل شي ،،،،،،و اتذكري الناس لحابة تفرحيهم و لي مش حابينك تجيبيه ،،،،،،

"سر النجاح ان تكون مخلصا لاهدافك " انتي تستطعين فعلها " you can do it

بالتوفيق

ربي يجااازيك و اله كلامك اثلج فؤادي تقدري تقوليلي وين نلقا برك الاستاد شهاب ممكن تبعثيلي رابطو او اي حاجة في الخاص المهم و ربي يعطيك الصحة و الفرحة

[Blanca]

اسمه في الفيس بوك Chiheb Derouiche
و في المنتدى دكتور شهاب تجيدينه ضمن اصدقائي في ملفي
بالتوفيق

[أسيل 0022]

تحلي بالامل و الصبر عزيزتي
لا شئ مستحيل و لا تجعلي خطأ الامس يتكرر اليوم
فكري انك قادرة على فعل هذا
عزيزتي ما مخاوفنا ليست سوى أوهام من صنع أيدينا للأسف نحن من يضخم الامور و أكبر أعدائنا بالنسبة إلي غالبا ما يكون نحن
لا تجعلي للسلبية مكانا داخلك
و تذكري ما عليك سوى هزيمة نفسك و إثبات جدارتك لنفسك و ليس لاي احد آخر