السلام عليكم اخواتي ليوم قدمتلكم قاطو نيسلي لكنت وعدت بيه عضوة في المنتدى لانها طلبتو مني نبدأبمقادير القاطو لي رايحا نحط الصورة نتاعو
المقادير :كيلو فرينة + 4 مغارف كبار سكر ارطب + رطل زبدة + 1 خميرة نتاع القاطو + ماء زهر تخلطي جميع مقادير نتاعك وتلميها بالماء الزهر حتى تتحصلي على عجين طري خليها ترتاح مدة ربع ساعة مبعد تبداي تحليها بالحلال العجين ة تكون رقيقة خلاص وديري دائرة بالكاس وديريها في لمول نتاع الحديد لي يديرو فيهم قاطو نيسلي ومبعد تثقبيهم في الوسط بشوكة كي تكملي العجين نتاعك اكل دخليهم يطيبو
تحضير الحشو : 2 بطات نيسلي يطيبو في ككوطة معمرة ماء مدة نصف ساعة خرجيهم من الماء خليهم يبردو خلطيهم مع كاس كاوكاو مرحي باط صغير نتاع حلوة ترك ديري الحشو داخل حبة القاطو ثم زينيهم حسب الرغبة انا زينتهم بحبة لوز و حبة بيستاش و نصف حبة كرز مصبر
ايضا هناك عجين اخرى هاذي هي الطريقة الثانية مقاديرها كالتالي : 500غ زبدة اي نوع تفضليه + 2 حبات بيض + 300غ سكر ارطب + نصف باكي خميرة القاطو + 2 مغارف كبار لحظة + فرينة تلمي بيها العجين
الحشو : باط نيسلي مطيب في الككوطة مع الماء + كاوكاو مرحي كاس + باط صغير حلوة ترك + نصف كاس معجون تخلطيهم مع بعضاهم كي يطيب القاطو في لمول نتاع نيسلي ديري الحشو لذكرتو من قبل وزيدي شيكولا ذائبة من فوق ومكسرات لي حبيتيها او زيني بالكرز المصبر والكسرات كل واحد وذوقو
نتمنى انكم تكونو فهمتوني لي مفهمتش انا في انتظار اي سؤال وشكرا
( تقرير عن مشاركة سيئة )، و الموجودة أسفل كل مشاركة .
2013-12-24, 15:02
قاطو نيسلي بطريقتين مختلفتين
العرض المتطور
