الجزء163من كوزينة واش طيبتي اليوم ؟؟.؟؟؟.؟؟

[أم سدرة]

مرحبا بيك ام إسلام توحشناك

[RIMA.87]

المشاركة الأصلية كتبت بواسطة ام فراس اصيل

لبنات يعطيكم الصحة كامل حبيت تحطولي مقروط لمقلة مجربينو راني نستنى وشكرا مسبقا راني طلبتو من البنات في الفايس بصح مشحاحين ما يحبوش يحطو الحاجة بالسيف ما يمدولك قلت لبنات انتاع الكوزينة خير وخير

السلام عليكم اختي
بالنسبة للمقروط يعجبني بزاف و كل مرة نجربو ما يصلحش لكن
في العيد لي فات جربت وصفة الاخت faizarb و كانت نتيجة مرضية و الحمد لله،لكن واحد الاخت ربي يحفظها عطاتني astuce ساعدتني و ربما الكثير من الاخوات يستعملوها،اولا نستعمل السميد المتوسط،
عينك ميزانك اذا شفتي في السميد المتوسط لي شريتيه غالبة الحرشة فيه غربليه و نزعيها و اذا شفتي غالبة عليه الرطبة كذلك غربليه و نحيلو الرطبة
هذا هو رابط وصفة الاخت faizarbh جزاها الله خيرا https://www.djelfa.info/vb/showthread.php?t=982529
و هذا هو تطبيقي

[حياة نور الدين]

تفضلوا عشايا
فول مقلي بالبيض وسلطة وخبز الطاجين

[RIMA.87]

يعطيك الصحة ام سدرة راكي شاطرة ،ربي يعينك
و ندعو بدعاء الرسول صلى الله عليه و سلم: "اللهم بارك لنا في رجب و شعبان و بلغنا رمضان"
مرحبا بك اختي ام اسلام راكي منورة الكوزينة بعودتك و بصحتك العطلة مع الوالدين ربي يحفظهم و كيما تقول ميمتي ربي يحفظها دار الوالدين عز.
و هاد الوردات ليك و لكل اخت من اخوات الكوزينة الصور التقطتها من حديقة امي الغالية ربي يحفظهاو يبارك فيها و جميع امهات المسلمين.

[حياة نور الدين]

ام هدول يعطيهم الصحة البنات وربي يحفظهم

ام سدرة بصحتك النقا وربي يقويك على الباقي

ام اسلاام اهلااااهلااا الحمدد الله اللي راكي بخير وانا عرفتها انك زدتي بصحتك حنونة

ام تاجو بصحختك العشاء

اريج بصحتك البيتزا

المعلمة اطايبك امممم عندهم لمسة خاصة

ام سارة بصحتك واش طيبولك هههه

اسيا اهلااا كلشي فوووووور

[حياة نور الدين]

ريمة المقروط يشهي وشكرااا على الورد وربي يحفظ ميمتك

البنات الي هناوني على ريحان ربي يخليكم

[أم سدرة]

المشاركة الأصلية كتبت بواسطة rima.87

يعطيك الصحة ام سدرة راكي شاطرة ،ربي يعينك
و ندعو بدعاء الرسول صلى الله عليه و سلم: "اللهم بارك لنا في رجب و شعبان و بلغنا رمضان"
مرحبا بك اختي ام اسلام راكي منورة الكوزينة بعودتك و بصحتك العطلة مع الوالدين ربي يحفظهم و كيما تقول ميمتي ربي يحفظها دار الوالدين عز.
و هاد الوردات ليك و لكل اخت من اخوات الكوزينة الصور التقطتها من حديقة امي الغالية ربي يحفظهاو يبارك فيها و جميع امهات المسلمين.

الله يسلمك ريمة

[أم سدرة]

المشاركة الأصلية كتبت بواسطة حياة نور الدين

تفضلوا عشايا
فول مقلي بالبيض وسلطة وخبز الطاجين

بصحتكم العشا حياة ومشكورة على كلامك الزين ربي يقدرني مع الاولاد راكي تعرفي خخخخخ

[ام هدول]

المشاركة الأصلية كتبت بواسطة oum ibrahim

صباحكم ورد وهناء و سعادة كيف احوالكم يا غوالي
البارح حطيت الصور و خرجت وكي وليت النت كااااااااارثة تكره ماقدرت نراجع والو حتى لليوم و ان كان ماشفتش كلش لكم ماعليش خير من والو هههه يعطيكم الصحة يا الحراير كل وحدة باسمها و لمستها بداية من الفحلة البسكرية حبيبة طاطاها اريج و اطايب العسل ليزا و هذاك الكيك ياااااااااااااااااااااي ماشاء الله عليك يخزي العين كما يقولو السوريين و خيرات ام سارة و هذيك البطاطا و الدجاج امممممممممممممممممم ماتغيبيش علينا والكوكا و البطاطا اكسبرس لام هدول تشهيييييييييي و الف شكر على رابكط الكيك فعلا رائع وخيرات زيكا و معجوناتها ليها و لزيكو بصحتكم و ربي يهنيكم والبطاطاالصحية الي دارتها حياة للعشا و المقيرط اممممممممممممممم و الغرس كي خرجلك ممكن يكون طري انا هذا واش لاحظت كي درتو و قوارب البادنجال للغالية ست الكل ام رحاب ربي يشفيك و يعافيك و نتمتعو دائما باطايبك و اخيرا هذا وش هز راسي اسفة اذا نسيت وحدة
ام هدول وصفة رولي الدجاج و اللحم المفروم
نرحي صدر الدجاج الكمية حسب ما حبيتي و نتبلو بسنة ثوم و ملح و فلفل اسود وشوية معدنوس
و نتبل اللحم المرحي بالملح و الفلفل اسود و شوية بصل مقطع رقيق و شوية معدنوس
ناخذ قطعة بلاستيك غذائي شفاف نحل عليها الدجاج و نحل اللحم المرحي فوق قطعة ا بلاستيك خرى و نقلبو فوق الدجاج و نرولي بالشوية و نضغط باه يتماسكو مع بعض ونغلق مليح الورق الشفاف و نغلفو بالالمنيوم و نديرو في بلاتو فرن فيه ماء مغلي و ندخلو للفرن مدة نصف ساعة لانو الدجاج و اللحم مرحي مايطولوش في الطياب لما نخرجة ننحي البلاستيك و الالمنيوم اما تحبي تدهنيه بالزبدة و ترجعيه للفرن يتحمر تحت الشواية او تحمريه في مقلاة في شوية زبدة و تقطعيه و تقدميه كما تحبي و الف صحة و هناء

نشكرك ام براهيم على الوصفة ربي يبارك فيك وفي وليداتك

[ام هدول]

ريمة شكرا على وصفة المقروط وعلى الورود يا احلى وردة وربي يحفض امهاتنا ويخليهم لينا
حيوتة بصحتك لعشا خفيف علكيف

[اريج 07]

هااااااااي حبيباتي انوشاتي زاقزوقاتي خخخخخ
صحى عشاكم حيوته وينها تارت زيحان الا مديرتلهاش ابعتيهالي نديرهالها

ام سدره يعطيك الصحة كون جيتي جارتي راني جيت كملتلك الكوزينة غدوا دوماج
ام هدول معرفتيش لاغوسات تاع الغريبة قرعجينا من بناتك و طيحي بالوصفة
ريمة عشانا كان بيتزا و لوخر من الارشيف خخخخ هذيك اجنحة الدجاج بصلصة البافالو و معاها بطاطا سوتي للهلوبة
ام اسلام نورت الكوزينة بطلتك
طاطاتي ليزاتي زيكا ام برهوم ام سارة18 رزيقة16 و الجميع صحى عشاكم

[حياة نور الدين]

البنات الي عجبهم عشايا ربي يخليكم عينيكم الشابين
اريج مدرتلهاش باباها من العشية وهو يقولي نشريلها ولا نشريلك الصوالح اخدميلها تارت محبيتش قلبي برد على اعياد الميلاد وما تعرفي بلاك من على يامات ههههه تخمام جزائري ياجل عيد الميلاد خخخ
وربي يخليك حنونتي كانه عملتيلها يا حلوة

[حياة نور الدين]

اصبحتا واصبح الملك لله والحمد لله ولا حول ولا قوة الا بالله

[آسيا 27]

صباااااااحووووووو
[IMG][/IMG]
أصبحنا و اصبح الملك لله
الاول ليا

[om kamilia]

نهاركم مبروووك و يومكن موفق, دعولي لبنات, يوم حكمتني فشلة حتىى نحس ان موعدي حان