عودة ام مريم من جديد .......... لنشاط المعهود ههه - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الأشغال اليدوية > قسم الاعمال الفنية

قسم الاعمال الفنية الرسم - السراميك - اشغال الابرة ابداعات و اعمال فنية مختلفة

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

عودة ام مريم من جديد .......... لنشاط المعهود ههه

إضافة رد
 
أدوات الموضوع انواع عرض الموضوع
قديم 2014-06-10, 14:45   رقم المشاركة : 1
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي عودة ام مريم من جديد .......... لنشاط المعهود ههه

بسم الله الرحمن الرحيم



لبنات ليوم محيب نحطلكم هاذ الشغل البسيط جدا الا مشش مكلفف ثانيا اللوازم متوفرة ثالثا كم جميل انو نصنع تحفة من ايادينا المتحوفة هههههههههه عكذا تعطي لبيتك لمستك الخاصة

اولا نحتاج

غراء الخشب يتباع عند الكانكايري من الافضل تشرو هاذ العلبة لاستعمالاتها المتعددة

هاذ الحبل او الحلفة يستعملوها في الفو بلافون تتباع ايضا عند الكانكايري

هاذ السبراي الذهبي البخاخ هاذ الماركة جيدة جدا

قشور الفستق الحلبي البيستاش

اعراف ورود ملونة عندك او اعراف - اغصان طبيعية - و اغصان عرف عرجون التمر الي عندكم استعملوه دعو العنان لخيالكن الابداعي


خيط عادي او ذهبي انا استعملت خيط صدور الكروشي -ذهبي - او اي لون لانو راح نلونوه في النهاية

مسدس الشمع

قارورة بلاستيك ماء او مشروب غازي او حتى كرتونة حليب كانديا او عصير تقدري تعملي الشكل المربع


الطريقة :
اسفة مصورتش المراحل لكن من المستلزمات راح تفهموني
نجيبو قارورة الماء نقصو الجزء العلوي حسب الطول المرغوب فيه - باستعمال كيسور او سكين او مقص - ثانيا نكونو جهزنا مكان العمل نفرشو ورق الجرائد و نوجدو خصل الحلفة بالشكل طولي نحكو الغراء باستعمال فرشاة اسنان او اي اداة باش نغطو المساحة نتاع القارورة لكن افضل العمل جزء بجزء للحصول على نتيجة مرضية
نبداو نلسقو في الحلفة على القارورة و نثبتو حوافها بمساكات الملابس - الغسيل - باش ميتحلش لانو غراء الخشف يطول ما يجف نسبيا
كنغطو كامل الجزء المرئي نلفو خيط خشين بشكل عشوائي منها باش نشبتو الحلفة منها باش نتحصلو على شكل مشبك يبان عند التلوين

نخلوها تجف نص ساعة او ساعة او اكثر حسب سمك الغراء

بعد ذلك نجيب البخاخ انا اخترت لون ذهبي تقدرو تلونو فضي او الللون الي حبيتوه
قبل ذلك نجيبو مدس الشمع نلسقو قشور الفستق الحلبي - البيستاش - بالشكل الي نحبوه
و نحرك قارورة التلوين و نرجها جيدا قبل الاستعمال و نحرص عن الابتعاد ب 4 شبر عن المجسم المراد تلوينه و نبخ حتى نغطي كل الاجزاء و كذا القاعدة و القاء .......... نرش الاغصان و الاعراف و الورود الي حطيناها في الفاز

انا هنا استعملت اعراف التمر و لسقت الورود و لونت و حبيت نحلي بقع خضراء باش نخلي لون الاخضر الزيتي الي يتماشى مع لون الحطب و ديكور الصالون

انتهينا الحمد لله

نقدرو نلونو باي لون هنا راكم تشوفو لون اخضر بيستاش يمشي مع البرتقالي


هنا راهي بلاست الديجونكتور نتاع التريسيتي محبيتوش يبان ..... جبت علبة قميص رجالي تكون كرتون قاسي عملت بيها رف و تبتتها بدبابيس و حطيت هاذاك الناب قصيتو من ستار قدييييييييييييييييم اكل عليه الدهر
و حكيت البوكي

حبيت نوريلكم فكرة انو باشياء بسيطة تقدرو تحولوها الى تحف و تعطوها لمسة جمالية ...... بعدما كانت نفايات قابلة للرمي
و تكونو من مشجعي الروسيكلاج - اعادة التدوير -

هنا جبت اغصان من بستان قاحل هههههه حولتها الي تحفة رشيت الللون الذهبي فقط ....... علاش نشري غصن واحد 250 دج



هنا بنفس البخاخ لونت كيسان شاي قدم ..... و حولتهم الى تحف تقدري تعمريهم بالشمع و تزيني بيهم غرفتك صالونك حمامك باللون الي تحبي




باذن الله راح نحطلكم ورشة شموع في رمضان ان شاء الله


هنا جاتني الفكرة اني نغطي هاذوك الرفوف نتاع الجبس و خفت نحط حاجة ثقيلة تطيح على راس واحد ههههه قلت نخدم حاجة تفي بالغرض




و الي قرعجت و شافت الفراشات نقلها تشجعني نعمللكم فراشات 3D

راني اكرمتكم و كثرتلكم الصور لانو عارفة مش غير انا الي نحب الصور

مع السلامة









 


رد مع اقتباس
قديم 2014-06-10, 15:15   رقم المشاركة : 2
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

يعطيك الصحة ام مريم افكارك نتاع مبدعة وهذه هي مريم اللي نعرفوها مثل النحلة النشيطة ربي يبارك
عجبتني الفاز كثيرا رغم اني مافهمتش 2 حوايج
كيفاش لصقتي الحلفة وكيفاش لصقتي القشور يعني نتمنى تعاودي تصوري الفاز وتقربي مليح باش نشوفو القشور والحلفة
شكككككرا وبارك الله فيك










رد مع اقتباس
قديم 2014-06-10, 15:15   رقم المشاركة : 3
معلومات العضو
farah dz
عضو مشارك
 
الصورة الرمزية farah dz
 

 

 
إحصائية العضو










افتراضي

هايلة يعطيك الصحة
اسمحيلي مي تصويرتك راي تبان يا طاطا
هههههههه
بلاكي صورتي روحك مع الصور










رد مع اقتباس
قديم 2014-06-10, 15:19   رقم المشاركة : 4
معلومات العضو
ندى جزائرية وافتخر
عضو مجتهـد
 
الصورة الرمزية ندى جزائرية وافتخر
 

 

 
إحصائية العضو










افتراضي

رووووووووووووووعة مشاء الله ربي يحفظك ام مريم اسراء مبخلتيش علينا ربي يجازيك الفردوس الاعلى
في انتضاار طريقة الفرااشات ههههه










رد مع اقتباس
قديم 2014-06-10, 15:20   رقم المشاركة : 5
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

اهلا حبوبتي الغالية عطر .... علاش مظهرولكش الصور ؟؟؟؟؟؟؟؟؟ظ انا بانو عندي










رد مع اقتباس
قديم 2014-06-10, 15:20   رقم المشاركة : 6
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

لمزية نبهتيني جوزيتي الفردوس
لمزية محيتها بارك الله فيك ..اختي فرح الي نبهتيني... يا يما السخانة صرعتلي راسي هههههههه










رد مع اقتباس
قديم 2014-06-10, 15:33   رقم المشاركة : 7
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

اسمحيلي ام مريم الصورة الاولى هي اللي ماظهرتليش وضرك راهي تبان ربي يبارك تهببببببل كون نلقاوها في محل ضرك ندفعو فيها 200 الف وندوها فرحانين بيها وهي هاي البساطة والاناقة
ان شاءالله نخدم وحدة ونحطهالك تطبيق
تعيشي رجعي الصورة نشوفك وارجعي نحيها هههههههههه










رد مع اقتباس
قديم 2014-06-10, 16:20   رقم المشاركة : 8
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

ربي يبارك فيك
هههههه اسكتي برك خلعت يقولو ام مريم ديكلارات و حكت صورتها في شعبان و رمضان ههههه و الله الخلعت حكمتني لمزية نبهتني على بكري الصورة منبعثلكش اذا حبيتي تشوفيني مرحبا بيك تزوريني في الاغواط










رد مع اقتباس
قديم 2014-06-10, 16:54   رقم المشاركة : 9
معلومات العضو
fati13
عضو متألق
 
الصورة الرمزية fati13
 

 

 
إحصائية العضو










افتراضي

روووووووووووووووووووووووووعة ماشاء الله يعطيك الصحة










رد مع اقتباس
قديم 2014-06-10, 17:10   رقم المشاركة : 10
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

اختي عطر راني صورتلك الفاز عن قرب
اولا الحلفة قتتلك عملت طبقة غراء الخشب و فرشت الحلفة في الارص و لفيت و شديت الحواف بمساسك اللباس المغسول من فوق باش متتحلش و جبت خيط خشين لفيت فوق الحلفة و كنشفت لونتها

البيستاش - او قشور الفستق لسقتهم بالبيستولي مسدس الشمع

هاهي الصور













رد مع اقتباس
قديم 2014-06-10, 17:12   رقم المشاركة : 11
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

ايه ام مريم كانش نهار تسمعي البراح يعيط وين راهي دار ام مريم اسراء لان عطورة جات تزورها هههههه










رد مع اقتباس
قديم 2014-06-10, 17:15   رقم المشاركة : 12
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

شككككرا ام مريم تعبتك معايا
راني وريتها لزوجي قلتلو تجيبلي نخدم وحدة زيها قاللي ايه بالصح قاللي انت تخدمي وانا نبيع










رد مع اقتباس
قديم 2014-06-10, 18:00   رقم المشاركة : 13
معلومات العضو
الصمت حكمة
عضو مميّز
 
إحصائية العضو










افتراضي

الله يعطيك الربح راني ميتة بالضحك على كل يعطيك الصحة ماشاء الله










رد مع اقتباس
قديم 2014-06-10, 18:00   رقم المشاركة : 14
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

لا تعبك راحة ههههه شفتي الرجال ....... راه يديرلك في الكوراج نتمنى تخدميها والله الرحة لا وصف










رد مع اقتباس
قديم 2014-06-10, 18:01   رقم المشاركة : 15
معلومات العضو
Maria dadi
مُتألّق ديكوري
 
الصورة الرمزية Maria dadi
 

 

 
الأوسمة
موضوع مميز 
إحصائية العضو










افتراضي

يعطيك الف عافية عزيزتي










رد مع اقتباس
إضافة رد

الكلمات الدلالية (Tags)
.........., مريم, أوساط, المعهود, جديد, عودت

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 06:58

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc