كوكوت مينوت seb

[wahibaazel]

السلام عليكم أخواتي العزيزات لدى مشكلة في لا كوكوت seb الجدد كي نغلقها. البخار يخرج من الجوانب والقفل الأحمر، نورمالمون يخرج من القفل الاسود من فضلكن من لديها فكرة. لا كوكوت جديدة استعملتها مرتين فقط ثم خسرتلي ما عرفتش السبب. يارب ما تقولوليش بلي خسرت. ساعدوني خواتاتي

[onedzone]

إن شاء الله موفقة

[mereyoucef]

اختي مساء الخير انا عندي واحدة كيما انتاعك عندها الان 4 سنين هايلة اختي رجعي فورا للحانوت الي باعهالك و حكيلو على المشكل لاخاطر joint ديالها ما يخرجش البخار ارجعيلو و هو يدبر راسو

[ذكرى أبي]

عندي وحدة منذ 11 سنة ، و ما خسرت و ما بدلتلها حتى joint
أظن راكي تكثري الماء فيها ، لأنه فيها حد نص الكوكوت برك الي تتعمر ، ما نظنش خاسرة

[الشاوية07]

بالاك المشكل في الجوان ممكن يكون مرخوف

[lilii7179]

ممكن كيما قالو الاخوات المشكل في الجوان, انا صراتلي انو ما يكونش معدول مليح, تولي تخرجلي الماء. منطقيا الجوان نتاعها ما يبداش يفزد الا بعد عامين من الاستعمال اليومي , بصح نتاعك جديدة , اذا تحتم الامر رديها للسيد اللي شريتيها من عندو يلقالك حل.

[wissem setifienne]

حنا تاعنا ثاني كانت ما تطيبش لقينا بلي المغط تاعها مرخوف

[روح مراد]

[seb.jpg]انا اللي عندي كيما هاذي اللي في الصورة
راكي شوفي حفرات صغار على الجوانب غير تعمري فوقهوم تعود تخرج البخار

[rymsirine]

السلام عليكم .كيما قالو الاخوات متعمريهاش بزاف حبسي تحت الدرعين او زيدي اتاكدي من الجوى ممكن مرخوف ولا ماهوش في بلاستو اوكي اتقفلي اعدلي الغلاق مليح وادا بقات تخرج رجعيها بالخف

[oumyacine]

hadi imma machi mzayra mlih wella m3amra akthar men llazem wella joint merkhouf wella asslan mafihach lik techrilha wahed .. bitawfik outhti

[alg04000]

إن شاء الله موفقة و تحلي المشكل

[wahibaazel]

بارك الله فيكن اخواتي ،الجوان مرخوف عليها تخرج البخار .