للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[وَ بشّر الصّابرين]

المشاركة الأصلية كتبت بواسطة .زَيْنْ الْدِيِنْ.

شكـــــــــــــرا على المداخلة القيمة
أظنني عرفت صاحب الخط من يكـــــــون ،،، كيف كانت السنة الأولى ؟


الله يبارك ماشاء الله
بالنسبة للتحويل نظن تلزمك الاقامة و الا معريييفة صحيحة
فالعاصمة ،، طلبة السنة الاولى يقراو فالكلية الجديدة ،، في بن عكنون

السّلآم عليكمـ

امممـ صـآر الخطُّ بصمـة اذن ...!!

الحممدُ للهـ ، مرّت على خيْــر ،تعلّمنا فيهـا الكثيــــر

جزآكـ الله خيرآ

سلآم

[abdelkader1996]

الطب العسكري .. من وينتا يبدا يتصلو بينا باش نفوتو الفحص الطبي ؟

[حمودي نسرين]

المشاركة الأصلية كتبت بواسطة .زَيْنْ الْدِيِنْ.

نعطيك une vérité general في بلادنا ،،،
الأستاذ يقولك ماديرش التعليم ،،، الطبيب يقولك اخطااااك من الطب ،،، المهندس يقولك دير اي حاجة بخلاف الهندسة .. ..

كون تبعيهم ماتفرآآآش
وهل كل الاطباء مجانين .. ؟؟ يعني ماكيش نتي أول و آخر وحدة راح تقرا الطب ،،، القراية عادية فيها تعب و تحتاج تضحيات لكن توالفي الريتم العالي بكل بساطة ،،، :d:d:d
اختي اذا كان حبيتي تكوني طبيبة فماتخلي حتا انسان يأثر عليك ،،، لأنو مستقبلك و هي حياتك

ماهي درجة الصعوبة فيها,?

[lamismissa]

المشاركة الأصلية كتبت بواسطة .زَيْنْ الْدِيِنْ.

لا تقلقي مطلقا من هذا الجانب ،،، دراسة الطب ماهي الا مصطلحات طبية فقط تكتسبينها بمرور الوقت ،، فحتى الممتاز فاللغة الفرنسية لا يعرفها ،، فقط الفرق الوحيد هو في التواصل مع الاساتذة و طرح الاسئلة اللذان يحتاجان اتقانا للغة بعض الشيئ :d:d
عندك الصيف حسني مستواك على قد ما تقدري


اهلا اخي ،، والله في نعمة الحمد لله ،، كيف كانت النتيجة ؟؟
مرحبا بيك في أي وقت يا خويا لعزيز
بالنسبة لعدد الامتحانات فعلا حسب الكلية ،، كيما قسنطينة عندنا 3 ثلاثيات على غرار باقي الكليات اللي يعتمدو نظام السداسيات
كاين مواد دير فيهم 3 امتحانات فالسنة و كاين مواد دير فيهم 2 برك (( علم الاجنة_امبريولوجي - الاحصاء - الفيزيولوجي - الهيستولوجي_ علم الانسجة ))
الاسئلة في معظمهاتكون متوسطة ليس تلك التعجيزية '' تقدر تضمن 15 بمجهود متوسط '' و اذا حبيت 20 لازملك تجتهد و تقرا من مصادر اخرى ،، فقسنطينة ــ جميها بنظام ال qcm يعني نظام الاختيارات ،، لكنو صعب من ناحية التصحيح '' الكل او لا شيئ '' ماتخافش تقرا تجيب كيما قلتلك من قبل ــ و كاين مواد يتصححو بال partielle يعني سهل ماش كي tt ou rien
بالنسبة للتخصص ،، بعد ما تكمل السنوات العجاف خخخ '' قصدي ال7 '' تدخل امتحان و اسمو residanat تُسأل فيه عن كل ما درسته ،، و علا حسب ترتيبك تخير التخصص اللي راك حاب ...
الجراحة تعتبر تخصصا ،، كاين جراحة عامة ، جراحة القلب ، جراحة الاعصاب ، ....
Maitre assistant ممكن تكون واحد 13-14 عام تقريبا برك ،،، بالنسبة للبروفسور فليست لدي معلومات كثيرة ،، نسقسي و نقولك
خويا العزيز مرحبا بيك فأي وقت ،،، سقسي اللي تحب والله نجاوبك و بلا مزية '' آو لازم ههه ''
و صحآ صحورك


و عليكم السلام ،، مرحبا بيك أخي
بالنسبة لطريقة الدخول ،،، وش راح نقولك ،، بعد مايقبلوك فالطب المدني ،، تسجل فالجامعة و يعطوك شهادة التسجيل و وثائق اخرى ... ،،، نتا كي تطبع ورقة التوجيه من النت ،، دير عليها نسخ ،، و هوما يفتحو الدخول في تاريخ معين ،، سقسي برك يقولولك عادي ،، تأخذ ملف اولي برك مافيهش وثائق بزااف ،، '' نحاول نلقاهولك '' و تدفعو فالمستشفى العسكري فعين النعجة كتسجيل أولي ... ممبعد اذا قبلوك راهم يعيطولك تكمل الملف النهائي '' كبييييييييييييير '' و تفوت عالفحص الطبي و الرياضي و ترجع لداركم و أخيرا اذا قبلوك يعيطولك توجد حوايج و تروح مرة وحدة يدخلوك لشرشال و مرحبا بك في سلك الصحة العسكرية
بالنسبة للمعدلات ،، هوما راهم يقولو علا حسب الولاية ،، يعني كل ولاية عندها عدد مقاعد محدد ،، نتا و ترتيبك و الطلب على الطب العسكري في ولايتك ،، يعني كيما قادر يكون 17 في ولاية قادر يكون 15 في ولاية ،، و أنا العام اللي فات نعرف اللي دخلو ب 14.71 و كاين اللي ب 17 و مادخلش ماتنساش قضية المعريييفة راهي كل محضر تحضر خخخخ
بالتوفيق أخي

شكـــرا على المساعدة

شكرا جزيلا على الاجابات واسفة لم انتبه اليها جزاك الله خيرا

[نسرين سامي]

سلام اخ زين
مشكور على الموضوع كيف هي احوال الدراسة معك ? استسمحك للاجابة على الاخت

المشاركة الأصلية كتبت بواسطة romi rosa

السلام عليكم ربي يجازيك على هذه النصائح القيمة والله استفدت كثيرا انا اعشق الطب بمعنى الكلمة تحصلت على 15.90 في الباكالوريا شعبة رياضيات فهل يمكن قبولي !! ....وعن الدراسة سادرسها في البليدة باذن الله فهل لديك معلومات تخص الطب في البليدة !!..
وانا مستواي متوسط في الفرنسية اما عن الحفظ فالحمد لله ....كما انني اخذت نظرة سطحية على البرنامج وانا متشوقة جدا لدراسته فيا تري ان تعبت واجتهدت هل اتميز في هذا المجال !!..وسؤال اخير عن رابط تحميل الدروس اتمنى ان يكون فعالا لاطول وقت ممكن لاني احتفظت بالرابط الى حين ولا يمكن ان احمل كل الدروس الصخمة في وقت واحد فهل سيدوم الرابط !!..كثرت عليك الاسئلة يعطيك الصحة وربي يجازيك ان شاء الله ....سلام

انا ادرس طب في البليدة اي استفسار انا هنا
بما انك تحبين المجال اجتهدي وسوف تتميزين

[bastori27]

المشاركة الأصلية كتبت بواسطة هوارية 123

سلاااام اخي

انا كون نختاااار الطب نقرااااااا في وهراان وهي قريبة ليناا يعني حولي 2 ساعات بالكثير

بصح انا راني حاابة الجزائر العاصمة لانوو تباالي القراية فيها مشي كيف مع وهران هل هذا صحيح ؟؟ واش تنصحني انت

شكرااا

نفس المشكل و نفس التوجيه ربي يستر

[bastori27]

فكرة ابتعادي عن البيت تؤرقني خاصة انا ما نعتامدش على نفسي كثيرا هذا اول مشكل
معظم من اعرفه لم يتحصل على معدل مليح فانا احس بالوحدة من الان زد الى ذلك اني مجبرة
على الدراسة في وهران
واعاني من نقص في الفرنسية لكن ارادتي من فولاذ و الحمد لله
ولا املك اي فكرة عن الطب كل ما اعرفه عنه هو انني اعشقه و يمكن ان اتخلى عن اي شيء مهما كان من اجله
ولن اتردد عن ذلك ولا لحظة
رجاءا من كل طلاب وهران التفاعل حتى لا اشعر بالوحدة
و النصائح من الاخ الكريم رعاك الله

[جوجيتي]

المشاركة الأصلية كتبت بواسطة romi rosa

انا من ولاية المدية ماذا عنك !!

انا من عين الدفلى ^^

متشرفين

[موتي ولا دمعة أمي]

الاخ bastori حنافان رانا في وهران (طلاب ولاية الشلف) ان شاء الله لكن ملي راني مع صحاباتي راني صابرة مننجمش نبعد على دارنا بزااااف ربي يسترو مع حبي وتعلقي بالطب كلشي يهون ولا لالا

[.زَيْنْ الْدِيِنْ.]

المشاركة الأصلية كتبت بواسطة abdelkader1996

الطب العسكري .. من وينتا يبدا يتصلو بينا باش نفوتو الفحص الطبي ؟

بعد ماتحط الملـــــف الأولي ،،، و يقبلوك تقنيا ،، يعيطولك باه تجوز الفحص الطبي

ماهي درجة الصعوبة فيها,?

والله ماش صعيبة لدرجة كبيرة ،، فقط مجهود متوسط بقليل من التركيز ،، راح تجيبي نتائج مرضية

سلام اخ زين
مشكور على الموضوع كيف هي احوال الدراسة معك ?

أهلا بك والله الحمد لله الدراسة ماشية top و انت كيف كانت تجربة السنة الاولى معك ؟

[Jessica_Joli]

[SIZE="6"]بارك الله فيك اخي زين استفدت كثيرااااا

لكن انا متحصله على البكالوريا ب 16 من ولالاية ام البواقي اريد طب لكن لم يمنح لي الا في جامعة باتنة مع العلم اني اريده في قسنطينة فمالعمل +++++++

لقد قلت بان علينا تسجيل المحاضرات بماذا...موبايل طابلاط.....هل ستكون جودة الصوت مفهومة

صح صحوركم شكراااااااااااا جزيييييييلا[/SIZE

++ هل يجب توفر pc ??????????? في ماذا نستعمله

++++اريد تحسين لغتي الفرنسية هل توجد مدارس خصوصية قريبة من الجامعة و هل ساجد الوقت للدراسة بها ام انها مجرد مضيعة للوقت ???????????

[amine 1995]

المشاركة الأصلية كتبت بواسطة bastori27

فكرة ابتعادي عن البيت تؤرقني خاصة انا ما نعتامدش على نفسي كثيرا هذا اول مشكل
معظم من اعرفه لم يتحصل على معدل مليح فانا احس بالوحدة من الان زد الى ذلك اني مجبرة
على الدراسة في وهران
واعاني من نقص في الفرنسية لكن ارادتي من فولاذ و الحمد لله
ولا املك اي فكرة عن الطب كل ما اعرفه عنه هو انني اعشقه و يمكن ان اتخلى عن اي شيء مهما كان من اجله
ولن اتردد عن ذلك ولا لحظة
رجاءا من كل طلاب وهران التفاعل حتى لا اشعر بالوحدة
و النصائح من الاخ الكريم رعاك الله

انا من ولاية وهران و ساتفاعل معكم ان شاء الله ........... و الشكر الكبير الى الاخ زين الدين على موضوعه الاكثر من الرائع

[the noble]

لمادا كنت ستندم ادا اخترت طب الاسنان ؟ ارجو ان تكون الاجابة بالتفصيل يعني ما هي سلبياتها بالتفصيل و بارك الله فيك

[bastori27]

المشاركة الأصلية كتبت بواسطة موتي ولا دمعة أمي

الاخ bastori حنافان رانا في وهران (طلاب ولاية الشلف) ان شاء الله لكن ملي راني مع صحاباتي راني صابرة مننجمش نبعد على دارنا بزااااف ربي يسترو مع حبي وتعلقي بالطب كلشي يهون ولا لالا

انا نصفي الثاني من شلف يعني خوالي من هناك اذا ممكن معدلك و من اي مكان بالضبط
اذا ما فيهاش احراج

[bastori27]

المشاركة الأصلية كتبت بواسطة amine 1995

انا من ولاية وهران و ساتفاعل معكم ان شاء الله ........... و الشكر الكبير الى الاخ زين الدين على موضوعه الاكثر من الرائع

متشرفين اذا ممكن سؤال هل اخترت الطب