هل أقيم مع أهلي ؟

[مشكلتي]

السلام عليكم و رحمة الله و بركاته

انا شاب في أواخر العشرينات متوسط الحال و مقبل على دخول القفص الذهبي في هذه الصائفة ان شاء المولى عزوجل.

مشكلتي هي انني اريد الاقامة مع اسرتي المتكونة من 4 أفراد كحل مؤقت لان دخلي بسيط لا يتعدى 34000 دينارا و زوجتي لا تعمل.

لكنني خائف من المشاكل التي يمكن ان تحدث فأمي للأسف عصبية قليلا و قد تختلق المشاكل لأتفه الأسباب و تقوم بتصرفات مستفزة.

فأخي الأكبر كان في بداية زواجه يقيم معنا و حصلت مشاكل كثيرة لدرجة ان زوجته تركت المنزل عدة مرات خلال الأشهر الأولى من زواجهما رغم انها انسانة مسالمة و خلوقة و لحد الساعة مازالت العلاقة متوتّرة بين امي و زوجة أخي.

للأسف أمي من النوع المتحكم و المتسلط و أنا لا أريد خسارتها لانها امي مهما كان طبعها و اريدها ان تكون راضية عني و زوجتي طيبة لأبعد الحدود و لا اريد ان أظلمها.

في البداية لم افكر في الموضوع إلا انني الآن و بعد اقتراب موعد زواجي صرت أفكر في هذا الأمر كثيرا ....

من فضلكم و خصوصا لأصحاب الخبرة .. هل اسكن مع الأهل ؟ و هل ستتحمل زوجتي كل هذا ؟ او أقوم بكراء شقة و اتحمل كل الصعوبات المادية عل حساب راحتي ؟

انصحوني رجاءا انا في حيرة من أمري...

[مراد سابقا10]

يا خويا نورمالموا التفكير هذا راك فكرتوا قبل ما تخطب وتزوج

واش نقول لحبيبي جيبها للدار واذا صرات مشاكل روح اكري وتحمل مسؤوليتك كاملة يعني اجرتك ضعيفة .

ناس بزاف ماهيش تتزوج للأسباب لي راك تحكي عليها

[kacimo.samy]

سلام
حكمة شخص عمره 71 سنة متزوج اربع مرات ومطلق
رابعة صلحت ..
التقيته صدفة في الحافلة قلت له نصيحتك لي
قال لا تسكن مع العائلة
ربي يسهلك

[محارب الحمق]

لا تسكن مع العائلة

[محارب الحمق]

https://ferkous.com/home/?q=fatwa-980

[هـــدوء]

حتى و تكون عائلتك نعم الناس و مسالمين و مرتك مسالمة ماتسكنش معاهم.
الموضوع يتعدا الحساسية بين الأشخاص .
راه موضوع خصوصية بالدرجة الأولى لي مش راح تلقاوها
و ثانيا مرتك راح تحب مطبخها الخاص و حمامها الخاص
و يجوها ضيوفها الخاصين من اهلها و صديقاتها لي ممكن يضايقو اهلك.
ممكن تسكن مع عايلتك بصح نصيحة خليها لفترة مؤقتة و ماتعولش تبقى ثما.
اقعد عندهم حتى تلم مبلغ مليح من المال يساعدك تكري بأريحية.

[sokalitnin]

لا فض الله فاك. مشكور اخي فقد نصحت واحسنت النصيحة انا من راي المشاكل بين الام والزوجة اصبحت في كل اسرة. وسببها هي ان الزوجة عند دخول منزل اهل الزوج تاتي وفي ذهنها انها ستجد عدو تقليدي امامها وهي ام الزوج كما ان هدفها الاسما منزل خاص فتجدها تختلق المشاكل للخروج من منزل اهل الزوج اما عن امك فلا تستطيع ان تحكم عليها بانها تختلق المشاكل لان نساء هذا الوقت الا من رحم ربي وعصم جل وقتهم يقضونه في غرفهن الخاصة مع النت او التلفاز ولا يخرجن الا لاعداد وجبة خفيفة مع قليل من التنظيف وكانهن موظفات في المنزل وهذا كله يؤدي الى حدوث حروب متواصلة.
ختاما اذا كنت تستطيع ان تتحكم بزمام الامور وتحل المشاكل بوقت سريع ولا تغضب امك حتى ولو كانت مخطئة فيجب على الزوجة ان تكون ذكية فذلك عين الصواب اما اذا كنت لا تستطيع فلا تغامر لانه اذا غضبت عليك والدتك فقد هلكت ولن تنفعك زوجتك وفقك الله

[toulay]

السلام عليكم
مكانش كيما السكن المستقل باش يبقى القدر
بالتوفيق

[رندة.]

لا تسبق الأحداث، تزوّج وأسكن مع عائلتك وتحدّث مع زوجتك في الموضوع باش تكون متفهمة، على أساس أنو هاذي أمك وماتحبش تزعفها عليك، وأن راتبك قليل على الكراء والسكن المستقل، وان شاء الله ما يكون غير الخير، مش شرط يتكرر نفس السيناريو الي صار مع أخوك.
ربي يسهلك ويوفقك ان شاء الله

[محمد جديدي التبسي]

اسكن مع عائلتك اخي وسبق الخير تلقاه ان شاء الله
سيذهب نصف راتبك في الكراء لذلك اقتصد وعيش مع عايلتك وفهم زوجتك ان تكون واعية وترتفع بتفكيرها عن العصبية ومشاكل النساء وما يكون غير الخير

[ابو سليمان10]

حتى لو كان اهلك من ام او اخت و زوجة كلهم مسالمات فالمشاكل تحدث لان النساء لما تجنمع في مكان واحد تبدا المشاكل ..لاكن ربما يمكن السيطرة عليها ان كن طيبات نوعا ما
اما و انت تعرف مسبقا ان والدتك حفظها الله من ذاك النوع فانصحك بالسكن وحدك و لو صادف ان كانت زوجتك من نفس النوع فالحرب قادمة لا محالة

لاكن يجب على الواحد منا ان يفكر في هذه الاشياء قبل ان يقدم ....الان انت امام مشكلين احلاهما مر...الكراء او الحرب

[المـتفائل]

سلام
يعني أنت خايف يصرالك واش صرا مع خوك
يا خويا مش شرط
كل واحد وواش كاتبلو ربي
انت جرب وشوف
عيشها شهر مع اهلك ادا كانت الامور تمام
هذا المراد
واذا ماتفاهموش شوف كيفاه تأمن الدراهم واكري
يعني الناس راها تحوس على راحة البال بالدراهم ومالقاتهاش
روح اكري على الأقل كي تحط راسك على المخدة في الليل ترقد مرتاح
ربي يوفقك في حياتك أخي

[كاميلا]

المشكل ان كل مراة تحب يكون ليها مملكتها الخاصة ولو كان قربي تتصرف فيه وتحب تتزوج تخرج من سيطرة الام كاين وحد الحكيم وصف بيت المراة وكانو مملكة ملك لا يريد احد ينازعه فيه متلا الوالدة تاعي حفظها الله ومنقدروشس نتصرفوا بمطلق الامر في البيت كنت كي نحب نوجد حلاويات العيد خصوصا المقروض ولا البقلاوة توقف على راسي وتغير مني والله كيما نقلك لاني عملت دورات مهنية في الحلويات فمابالك ام الزوج تجيها وحدة برانية اقل شي يحدث تصادم في المسؤوليات وصدقني مكانش منها مرا بنت ناس واصل تدخل مع عايلة وتفتعل المشاكل لانه وبكل بساطة رانا مجتمع حقار يستغل مراكز القوة اهل الزوج مركزهم قوي وهاديك الزوجة ابسط حاجة يقلك طلقها وجيب 20 وامك تسعا منها وحدة هدا مش من الدين ولا اخلاق المسلمين
وكاين يقلك مع الام ظالمة او مظلومة هدا الجهل والظلم بعينه ادا كان في ديننا الحنيف لزوم شهادة الحق ولو على حساب الوالدين لان دكر خلاف الحقيقة او السكوت عنها شهادة زور فمابالك بالاشياء الاخرى
حاول يا اخي ادا قررت تكري شوف ستوديو وحوس على عمل في نهاية الاسبوع تجيب بيه مصيرفة اكل وشرب
ربي يهديها الوالدة تاعك مكانش احسن منك يعرف والدتو حتى الزوج تاعي في نفس حالتك وحماتي كثيرة المشاكل من النوع اللي تقول شي وتقولها هيه هكاك وميعجبهاش الحال منفرة لدرجة كبيرة مع عرايسها

[حاملة المصحف]

اذا كانت زوجتك متفهمة اتكل على ربي و اسكن مع اهلك ... انا نسكن بعيد على اهل زوجي الزوج فهمني في عقلية امه من الاول... رغم اني منسكنش معاها لكن لازم نشاورها حتى كنروح لدارنا كنعود خارجة نشري حاجة كون منقلهاش تزعف و متزيدش تهدر مع ابنها لاز يكون القلب كبير و الخاطر مستع

[أم فاطمه]

السلام عليكم يقول المثل كي يتقاربو يتعادو وكي يتباعدو يتحابو يا ابني ادا عندك الامكنيات باش تسكن لوحدك احسن باش تتفاد المشاكل وتبقى المحبا بين امك وزوجتك


وادا معندكش فهم زوجتك بلي لازم تكوني صبورة مهما سمعتي من امي ماتعنديهاش وحبيها باش نديو دعاوي الخير منها كي تشوفك تحب امك وتوقرها اكيد رايحة تتفهم اتمنى لك التوفيق وتوكل على ربي ماتسبقش الاحداث الله يسخرلك امين