الجزء 169 من واش طيبتي اليوم - الصفحة 2

أ م ساجد وسيم · 2016-09-17, 15:00

ربي يعوضك ختي على الخسارة هذي ماعليش المهم النية وربي يتقبل منكم مام حنا بزاف ناس نعرفهم فسدلهم التريسيتي دارتها بيهم

انا هي رزيقة · 2016-09-17, 15:01

ياي ام ساجد وسيم الروز يسخففففف و الله جميل جميل و حتى البوري مخلاتش قوليلي واش درتيلها الفوق لحم مصوصي ولا واش

أ م ساجد وسيم · 2016-09-17, 15:01

رزيقة عطيني طريقتك تاع سفنج عقدني المخلوق هذا ف ي دار بابا يجيني هايل وفي داري يبهدلني خخخخخخخ حلفت مانزيدش نديره

حبيبة اولادي · 2016-09-17, 15:03

مبرووووووك الكوزينة الجديدة وان شاء الله تكون عامرة وبما اني جديدة علموني كيف نحمل الصور باه نحط ابدااااعاتي ههههههه

انا هي رزيقة · 2016-09-17, 15:06

اختي ام ساجد هذاك سفنج بطريقة ابله ام وليد ربي يحفظها و الله خفيف و جميل و الاهم الاهم اسهل منو مفيش الوصفة راهي في اليوتوب ديري سفنج بدون عجن و تلقايها

أ م ساجد وسيم · 2016-09-17, 15:10

الله يسلمك حنونة سخفتيني بكلامك احم احم شوفي درت لاصوص نورمال اع لحم قطعت البصل رقيقي رقيق ولا رابيها درت نص حبة وقطعت شوي ثوم رميت ورقة رند ملح شوي زيت فلفل كحل وكركم ومورصو لحم مليح قليته مليح مليح ودرت قيس كاس ما ونقصت نار وخليه يطيب مليح كييطيب لحم تحبي تحمريه في الفور ولا تقدميه مقطع هكذاك..انا راجلي يتفنين ساعات ويقولي فتيهلي هكذا برك
وعلى روز درت لحم يتحمر في الكوكوط بصح زيدتله شوي ماء برك ونقصتله نار كي طاب نحيت لحم حمرته ورميت روز مع معدنوس والقصبر والحار وذوقيه في الملح اذا خاصه زيديه ورسة فلفل كحل وغلقي عليه يطيب وقدميه درت مع لول بصلة مقطعة قرفة ورند وتوابل

انا هي رزيقة · 2016-09-17, 15:10

حبيبة اولادي اهلا بيك معانا متشرفين حبيبتي و متشوقين لابداعاتك شوفي هذ الرابط حنونة https://www.djelfa.info/vb/showthread.php?t=1933988

omelbanin · 2016-09-17, 15:10

مبروووك حبيبتي جازيا افتتاح الكوزينة الجديدة، وتفضلو الباروك. صابلي بالزيت، ما تحقروهش والله غير جا هاااايل. هاداوين كملتو صورتو.

أ م ساجد وسيم · 2016-09-17, 15:11

صحيتي رزيفة ربي يفرحك خرجلك تحفةةةةةةةةة شهيتيني فيه امممممممممممم

أ م ساجد وسيم · 2016-09-17, 15:12

بصحتك صابلي مع قهيوة امممم الله اله عليهاشاطرة خموس عليك

انا هي رزيقة · 2016-09-17, 15:15

ام ساجد وسيم شكرا على الوصفات الجميلة يا جميل و الله تبان مشهية دون مجاملة

أ م ساجد وسيم · 2016-09-17, 15:18

حبيبة اولادي مرحبا بيك معانا كاين بزاف مواقع تحميل جربي ليقاتلك رزيقة عليه ولا لي نحمل منه تاع عيون العرب

https://up.arabseyes.com نستناو ابداعاتك

أ م ساجد وسيم · 2016-09-17, 15:19

والو يارزيقة نعيا نعيا ابداعاتك وحدهم والله العظيم المهم يعطينا صحة في زوج وكل افحلات لي معانا امممح ليكم

زهرة الريف* · 2016-09-17, 15:19

لبنات اللحم والله مايغيض قد مايغيض الإستهزاء بأرواح الناس وصلت بهم حتى للحاجة النضيفة لي نتقربوا بها لربي سبحانه وين رايحين من غضب الله
وغاضني أيضا الفقير وصدقوني أخواتي مش رياء مني استغفر الله بصح لي فسدلي الجزء المليح لي خصيتوا لي مذبحش ....والله خسارة على الضمير لي مات

حياتي كلها امل · 2016-09-17, 15:21

اهلا بيك ام ساجد وسيم يعطيك الصحة على واش حطيتي رزيقة خفافك هايل وراح ينطق بصحتكم ام البنين يعطيك الصحة على الصابلي انا درتو مرة بالزيت جا يذوب في الفم
ولاحول ولا قوة الا بالله ولا كلش مدغول حتى لحم العيد منعو ناس تفرح بيه وتاكلو يا والله كاين ناس ماتكلش اللحم غير في العيد ربي يهدي ماخلق