نحكو شوية على الدوارة (الكرشة) في عيد الكبير

[zokhrofa]

تعلقوها ماني كانت تدير هكذا لكن اذا تدريها برة لا أنصحك خطش تطم الجراثيم

كيفاش الجير مافهمتش ؟

[fyfy_top216]

واه ختي ماما تعلقها تنشف فقط في بالكون تع كوزينة زيد نتي ومبعد راح تغليها اكيد مراحش تبقى ريحة جراثيم
اما الوصفة تع الجير او الجبس هداك لبيض تع البناء لي جي كما اسمنت الابيض انا شفتها عند ام وليد
راح نحطلك الصورة [IMG]مركز تحميل الصور[/IMG]

[zokhrofa]

أاأأأأ مليحة هادي ممممم اذا لقيت الجير فالدار نديرها

[ساجده 82]

سلام .طريقتي كيما الاخوت نغليو الماء وهو يغلي ندهلو الكرشه ثواني ونحيو نقشرو وهي متعبه قليلا .وخاصه اللي تربي هههه كاين طريقه اخرى تحطي كميه لاباس بيهاتاع ملح في الكرشه وتخليها من الصباح لليل او تبات راح كل شئ يطير وحدو وانا مجربتها.لمصارن نغسلهم جيدا بادخال راس الحنفيه حتى يفوت عليهم الماء من بعد نقيهم بالخل والملح.
ولكن.رجاءا لاتستعملو الجافيل في الاكل لان اصبح ممنوع .يشكل خطر على صحه الانسان.تقبلي مروري

[zokhrofa]

صح بزاف الي يستعملو الجافيل شيء ماشي مليح

[أ م ساجد وسيم]

سلام البنات تقريبا نفس طريقة بصح ماننصحكمش بلجير ماشي صحي وربي يحفظكم البنات

[zokhrofa]

صح مقبيل قلت للزوج تاعي جيبلي الجير قالي شبيك مادة سامة هو

ابتعدو عنو حتى يالوكان يغلي يبقى سام

[abouzahir]

شششششششششششششششششششششكرا لك

[om mouez]

اولا عيدكم مبارك حنا بالنسبة للدوارة المصارن ندخلو فيهم التويو تاع الماء ونحلو العين يتنفخو ويخرج كامل الاوساخ وتولي بيضا و نظيفة و الكرشة نحلها ونرمي الفضلات لي فيها ونغسلها مليح من بعد نغليهم في ماء مع الخل الصراحة منقلبوهمش والكرشة حنا منكرطوهاش نخلوها هكاك ونطيبو بيها اما العصبان او البكبوكة ونخبي شوية في الكونجيلاتور كي نجي نطيب الملوخية نطيبها بيها تجي روووووعة

[مريم ريمة]

انا ندير الملح ذريه عليها كامل بصح كثرو الملح خليها تبات والغدو كرطيها بالموس راهي فوووور بزاااف جربوه ما تندموش

[zokhrofa]

Oum mouez jarbi tkartiha khatech hadik el mada elkahla eli fiha machi mliha la preuve kinkartouha tekhrej menha riha kariha yalatif. Nhar tkartiha qolomili rayek please jarbiha fikhatri

Ama nti meryam 3lach day3i el waqt ? Choufi qbal matedabho diri kamiya ta3ma taghli kiyatouk eldowara ykoun ghla dakhliha tem tem o kharjiha melma matkhalihach waqt kbir sinon hadak el kholiya telsaq badelma tetnefakh hadi hiya l'astuce

[tiima]

السلام عليكم أنا هذا العيد ما فهمت والو وجدت الدوارة و الماء السخون لكن قبل ما ندير الما الدعارة كانت تتكرط و حدها غير باليد بعدين شديت الموس و بديت نكرط فيها بلا ما سخون بلا والو حتى ولات قاع بيضة.

[sunshine2013]

صح عيدكم و يعطيكم الصحة نفس طريقة التنظيف تاع الدوارة بالما يغلي و المصارن ندخلو فيهم تويو تاع الما و مبعد نشلوهم مليح و الدوارة نقلو منها شوية ادا كانت طرية و الباقي نديروه بكبوكة و مرات عصبان

[zokhrofa]

المشاركة الأصلية كتبت بواسطة tiima

السلام عليكم أنا هذا العيد ما فهمت والو وجدت الدوارة و الماء السخون لكن قبل ما ندير الما الدعارة كانت تتكرط و حدها غير باليد بعدين شديت الموس و بديت نكرط فيها بلا ما سخون بلا والو حتى ولات قاع بيضة.

tima parce que nti mwalfa kitsakhni el ma tdakhli el dewara fih bezaf
anna sratli el3am eli fat
lazem gheir tdakhliha ya rabi 10 secondes tkharjiha malazemch kamel tebta sinon hakid lek7ouliya telse9 fiha

[zokhrofa]

المشاركة الأصلية كتبت بواسطة sunshine2013

صح عيدكم و يعطيكم الصحة نفس طريقة التنظيف تاع الدوارة بالما يغلي و المصارن ندخلو فيهم تويو تاع الما و مبعد نشلوهم مليح و الدوارة نقلو منها شوية ادا كانت طرية و الباقي نديروه بكبوكة و مرات عصبان

3idek bel sa7a o lehna sunshine
bakbouka hiya douwara mer9a 7amra yèk ??