السلام عليكم ورحمة الله وبركاته
أحب أذكر نفسي وأذكركم ببعض الكلمات
يا ما غفلنا
يا ما لهينا
يا ما نسينا .. لا أقصد تناسينا !!
والنتيجة كلنا نركض ونسعى .. والبعض يلهث ورى دنيا فانية وما تسوى!
ليتنا كلنا فكرنا بعد هالعمر اللي عشناه وش مصيرنا !
اللي يتمنى الجنة ما يقصّر مع رب الجنة اللي خلقنا عشانها
المشكلة شيء واحد : كلنا نحب ربنا سبحانه ونتمنى الجنة !
خلينا نكون صريحين شوي .. اللي نقوله مجرد كلام طاير في الهواء !!
تبون الدليل : بكلمة وحده بس.
الدليل غفلتنا
اللي يتمنى الجنة بصدق لازم يعلنها توبة ويقلع عن كل اللي ما يرضي ربه (اللي يدعي حبه) ولا يخلي ربه يشوفه بمكان ما يرضى يشوفه فيه .. بالعكس يفرّح ربه !
ممكن واحد منا يسأل : هل يفرح الله بتوبتى ؟
الرسول صلى الله عليه وسلم يقول لي ولك : (لله أشد فرحا بتوبة عبده حين يتوب إليه من أحدكم كان على راحلته بأرض فلاة فانفلتت منه وعليها طعامه وشرابه فأيس منها فأتى شجرة فأضطجع في ظلها – قد أيس من راحلته – فبينا هو كذلك إذا هو بها قائمة عنده فأخذ بخطامها ثم قال من شدة الفرح اللهم أنت عبدي وان ربك – أخطأ من شدة الفرح )
سبحااان الله!! خلونا نتخيل نفس القصة لكن تحدث لك أنت كم مقدار الفرح اللي بتفرحه لما تشوف راحلتك ؟!
أخواني خلونا نتوب .. كل يوم اليوم ولا تبنا !
ألحين طبعا الشيطان الملعون يتفنن فوق رأس كل واحد ..وكل واحد يعرف شيطانه ..اللي يذكره بمعصيته ويقول ربي ما يغفر لك !
الله يرد عليه : (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ)
واللي يقول توك كنت مع ربعك ما صليتوا وألحين تصلي بيضحكون عليك!
نرد عليه ونقول : عاادي يضحكون أهم شيء ربي ما يكون زعلان
واللي يقول حجاب توك صغيرة عيشي حياتك !
نرد عليه ونقول : وش بيضمني أكبر وأعيش؟!
واللي يقول تترك الأغاني حياتك مالها طعم بتصير حزن ونكد!
نرد عليه ونقول : الحزن والنكد في المعصية لأن الله يقول : (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)،(أَلَا بِذِكْرِ اللَّهِ تَطْمَئِنُّ الْقُلُوبُ)
واللي يقول وخر زين يتوبون العالم إلا أنت !
نرد عليه ونقول : هذا عمر بن الخطاب رضي الله عنه كان من أعداء الإسلام وألحين يفتخر فيه ومن العشرة المبشرين بالجنة!!
واللي يقول توبة خلها لما تكبر بعدين !
نرد عليه مثل الرد السابق ونقول : وش بيضمني أعيش؟!
وعلى هالحااال واللي واللي...
الشيطان هذا خبيث يدعوك ألحين تستمر على المعصية وما تتوب ؛ لأنه عرف مصيره النار ومن الحقد والحسد يبينا نكون مثله حتى يوم القيامة لما يدخل الناس الجنة والنار بيخطب في أهل النار خطبه ما ينسونها طول حياتهم..خطبة مليانه ندم .. مليانه حسرة تبون تعرفونها؟!
الله يقول في القرآن: (وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ * وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي * فَلَا تَلُومُونِي وَلُومُوا أَنفُسَكُم * مَّا أَنَا بِمُصْرِخِكُمْ وَمَا أَنتُم بِمُصْرِخِيَّ * إِنِّي كَفَرْتُ بِمَا أَشْرَكْتُمُونِ مِن قَبْلُ * إِنَّ الظَّالِمِينَ لَهُمْ عَذَابٌ أَلِيمٌ)
البعض يمكن ما عنده احد يعينه على التوبة بس لو يفكر أن الله معه الله اللي بيده ملكوت كل شيء الله المعين اللي بيعينه على قرار التوبة لما يأخذه ربي ما ينساك يلي تبت ولا ناوي تتوب ادع ربي يثبتك على التوبة لأنه أقرب إليك من حبل الوريد.
( تقرير عن مشاركة سيئة )، و الموجودة أسفل كل مشاركة .
2010-05-22, 21:37
تحب الله سبحانه وتتمنى الجنة ... تعاااال !
جزاك الله خيرا 
العرض العادي
