الجزء 180 من الكوزينة (رمضانكم كريم )

[بيان 5]

هههههه
صح فطورك

[zokhrofa]

الله يسلمك كان غير صح يأذن ضرك ههههههههه

[zokhrofa]

لبنات شكون جربت les cornets تاع كاش وحدة وخرجولها بنان تعطيني الوصفة فضلا لا امرا

[zokhrofa]

لبنات صح فطوركم

حبيت نقوللكم انو رانا فتحنا قناة يوتيوب اسمها zokhrofa officiel

و راح نديرو مسابقة رمضانية غدا السبت 24 جوان 2017 على الساعة 11 و 30 دقيقة ليلا

شوفو الفيديو لي في القناة لتفاصيل اكثر

الهدية عبارة عن 100دج رصيد لتعبئة خط هاتفك النقال عن طريق رقم بطاقة تعبئة

كونو في الموعد

[ضآحكة مستبشرة]

صح فطوركم لبنآت

[أم يوسف2]

وحدة ماجاوبتني بصح درت المقروط الوصفة لي موالفة نديرها زدت عليها زوج مغارف فرينة جا هايل وماتحليش الحمدلله مالقري ظهري راه يوجع وعييت بصح معليش فال
زخروفة بصحتك القناه ضك نضرب طلة

[zokhrofa]

ههههههههههههه ام يوسف اختي والله حسبالي شفتي موضوعي تاع المقروط

يبارك فيك اختي نتمنى تعجبك اعطيني رايك

[x ام رحاب x]

]السلام عليكم ورحمة الله وبركاته
دعاء اليوم التاسع و العشرين

أللّهُمَّ غَشِّني فيهِ بالرَّحْمَةِ ، وَ ارْزُقني فيهِ التَّوفيقَ وَ العِصْمَةَ ، وَ طَهِّر قَلبي مِن غياهِبِ التُّهمَةِ ، يارَحيماً بِعبادِهِ المُؤمنين

[zokhrofa]

سلام خواتاتي

حبيت نقوللكم انو رانا فتحنا قناة يوتيوب اسمها zokhrofa officiel

و راح نديرو مسابقة رمضانية اليوم السبت 24 جوان 2017 على الساعة 11 و 30 دقيقة ليلا

شوفو الفيديو لي في القناة لتفاصيل اكثر

الهدية عبارة عن 100دج رصيد لتعبئة خط هاتفك النقال عن طريق رقم بطاقة تعبئة

كونو في الموعد

[crono]

المشاركة الأصلية كتبت بواسطة بيان 5

سلام ستنيتوني خرجت ودخلتوا كامل
ماشاء الله حياة حلوياتك راااااائعة
اختي كرونوا خرجلي غير نوع واحد لكن اكيد كلها تحفة

صباح الخير الله يسلمك اختي بيان النات مهبلتني تقيلة راني نقصي معها نحول نحطهم في موضوع وحدو

المشاركة الأصلية كتبت بواسطة دمعة فرح*

سلام عليكم
حبيت نسالكم انا اول مرة نجرب قاطو
جربت قاطو الحلزون
جانى يتشقق ماهو سبب
مارغرين استعملت مانى
وفرينة مطاحن الفلويا نتاع 25 كيلو
حبيت نسالكم ماهى احسن ماركة نتاع فرينة ومارغرين

وعليكم السلام اختي دمعة المشكل كطلتي فرينة و عجينة كي تكون مبسسة تشقق


[
]بصحتكم واش درتو لبنات حلوتكم هايلة يعطيكم الصحة

[crono]

المشاركة الأصلية كتبت بواسطة أم يوسف2

وحدة ماجاوبتني بصح درت المقروط الوصفة لي موالفة نديرها زدت عليها زوج مغارف فرينة جا هايل وماتحليش الحمدلله مالقري ظهري راه يوجع وعييت بصح معليش فال
زخروفة بصحتك القناه ضك نضرب طلة

سمحني هاد وين قريت بصحتك أنا عندي الوصفة لي شاف مصطفى هايل فيه سميد متوسط و سميد رطب و قرينة كنت حبة نديرو بصح ولادي مايبغوش المقروط

المشاركة الأصلية كتبت بواسطة zokhrofa

لبنات شكون جربت les cornets تاع كاش وحدة وخرجولها بنان تعطيني الوصفة فضلا لا امرا

كنت رايحة نزيد المقروط بنتي كي وليدي محبوش منبعد بدلت راي درت les cornets موالفة ندريهم مقليين امقرمشين و الحشو كيما تحبي خرجتلي تقريب 60حبة دورك نولي نكتبلك الوصفة

[zokhrofa]

راني نستنى كرونو ربي يسترك

الحشو عندي شوية كوكاو و جلجلان واش رايك نشري البيمو كيما ام وليد ؟

خفت نديرو يجي حلو بزاف

[crono]

المشاركة الأصلية كتبت بواسطة zokhrofa

راني نستنى كرونو ربي يسترك

الحشو عندي شوية كوكاو و جلجلان واش رايك نشري البيمو كيما ام وليد ؟

خفت نديرو يجي حلو بزاف

مليح كي عندك جلجلان لالا انا جربت شوية ب البيمو ماعجبنيش اجيك حلو و معجن
ا
هاهو الشرح
500غ فرينة +حبتين من البيض+كأس شاي سكر نستعمل كأس الشاي من النوع الصغير

+كأس شاي زبدة ذائبة و باردة لا تكون ساخنة +كأس شاي زيت +كأس شاي جلجلان غير محمصة

+فانيليا و نعجنها بماء الزهر حطي عجينة داخل كيس لمدة ساعة او اكثر انا وجتها على 11صباح حتى 4 مساء بديت نحل فيها
منبعد كي تحليها مليح وقطعي اشرطة و نلف على الكورني خسارة حبيت نحطلك صور باش تفهميني بصح علابالي راكي قافزة مشاء الله عليك
اثناء القلي افرغي الزيت فوغ الكورنيات
الحشو كالتالي
كمية من الكاوكاو المحمص و المفروم خشنا + نصف كمية من الجلجلان المحمص

نسخن العسل و نفرغه عليه و نخلط و نحشي الكورنيات

احشي الكورنيات مين تخلطي الكاوكاو و الجلجلان بالعسل الساخن

ملاحضة الكورنيات خليهم حتى يبردو و عسليهم و ممبعد احشيهم

[حياة نور الدين]

السلام عليكن واش راكم البنات كاش سخانة وكاش قطوات

زخرفة راني زرت صفحتك بصح من هاتف زوجي انا من عندي منقدرش نشوف فيديوات
عجبني الموضوغ بزااااف واللي عجبني اكثر الكلام وصوووتك خخخخ حبيت نقولهم هدي صحبتي خخخخ
بالتوفيق وخسارة منكونش معكم في الليل راجلي يخرج

كرونو منورة الكوزينة بوصفاتك وحلوياتك عيدك سعيد

بيان، ام يوسف ودمعة منورات خياتي

ام رحاب بارك الله فيك يا درا مقلتلناش درتي الفال ولا مزال

[بيان 5]

زخرفة راني شفت القناة