مشاركتي في احسن طبق تقليدي بين الولايات - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المسابقات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مشاركتي في احسن طبق تقليدي بين الولايات

إضافة رد
 
أدوات الموضوع انواع عرض الموضوع
قديم 2016-11-22, 12:08   رقم المشاركة : 1
معلومات العضو
om kamilia
عضو محترف
 
إحصائية العضو










Icon24 مشاركتي في احسن طبق تقليدي بين الولايات

[COLOR="SeaGreen"][FONT="Comic Sans MS"]السلام عليكم ورحمة الله وبركاته


في الحقيقة عشقي للماكولات التقليدية عشق ابدي , ماعلباليش , وين نلقى تقليدي في اي منطقة من الوطن يستهويني , اتمنى الحفظ على تراثنا و نتمنى لوكان نقدرو نوصلوه للعالمية , عندنا غير الكسكسي لي لحق بصح مش بالصورة لي حبيناها , لان كامل دول العالم عندها اطباقها المتميزة لي تعبر عنهم
وحنا بلادنا تزخر من الشمال الى الجنوب و من الشرق للغرب بالذ و اشهى الاطباق التقليدية بنينة بنينة بزاف , حتى كي نذوقو الاكلة تبقى راسخة , وتتنوع بين معجنات وحلو واطباق و شوربات و الاهم من ذلك صحية صحية بمعنى الكلمة و معظمها اقتصادية , عكس الاطعمة المعاصرة التي نتناولها الغلبية فيها مواد لا نعرف مصدرها , يعني من غير المنظر و البنة تبقى ناقصة في الصحة وكذلك مكلفة.
وحنا منطقتنا تزخر بالعديد من الاطباق اللذيذة , لذلك حرت واش نقدملكم , ومع ضيق الوقت , نهديلكم هذا الطبق سريع وخفيف وبنين يصلح في حالة مكاش حتى حاجة في دار و للاطفال و للكبار , آمممم واحد اللذة

برك انا كنت حابة ندير موضوع آخر لضيق الوقت ما قدرتش







هذي الوصفة من ترراثنا الامازيغي والجزائري ككل واكيد طبعا تتشابه الاكلات وتختلف في بعض النقاط بما انو ما شفتهاش في المنتدى و ما حبيتش ندير مواضيع نكرر فيهم الوصفات المتواجدة , فهذه وصفة حصريا لمنتدى الجلفة ولكل الفحلات
وصفة لذيذة و مشبعة خاصة كي تكون بمواد طبيعية و صحية للاطفال واكثر من ذلك بنينة
و الاهم جد اقتصادية ومقاديرها متوفرة عند الجميع

هذي الكلة نحبها بزاف في فصل الشتاء مع برودة وتساقط الثلوج ممممم





نمر للمقادير

عجينة المسمن بصح ماتكونش جارية تكون حاكمة روحها
حليب
ملح زيت زيتون أو زبدة
الفرينة نحتاجها لعملية التوريق






واللآن مراحل التحضير


نعجن عجينة المسمن عادية كما موالفين تديروها بصح ما نطريوهاش يعني العجين يكون شاد شوية روحو
ونكورو الكويرات عادي كما المسمن بصح اقل شوية
















بعدما يرتاحو مليح ناخذ كل زوج كويرات نبسطهم شوية بالزيت ونلصقهم بالزيت ونبدى نحلها ونقلب بمساعدة الفرينة

ونكملوا بالحلال باه تجي مستوية نتحصلو ا على قرص كبير نكونو وجدنا طاجين الفطير نحطو القرصة و نخلوها تنتفخ و نقلبوها تطيب كما نديرو مع

التشخشوخة كي نشوفها تحمرت مش لازم كليا نحلوها وهي سخونة ما تنساوش راهي دوبلي ونفتتوها قطع متوسطة مش كبار مش صغار بزاف
هكدا حتى نكملوا الكمية














نقدرو نستملوها مباشرة او نخلوها تنشف ونخبوها في المجمد ولا في خزانة الطعام عادي رايحة تاخذ اشهر




في مرحلة طياب
نحتاج الحليب وخاصة تاع البقرة حسب العائلة لتر او زوج او نص ليتر نحطوه يدفى شوية ونرو عليه قطع الشبات ونخلوه يغلى حتى تعقد الصلصة تاعو ويولي كريمي ولآ تحبوه شوية جاري ضيفو لحليب ولآ نقصو الكمية تاع الشبات








تحطيوه في قصعة تاع فخار و لآ لحطب مع شوية زيت زيتون مممم روعة ولذيذ بزاف
وانا عن نفسي نفضل الزبدة وولكانت حرة احسن ويقدم








جربوه حبيباتي وردولي في لخبر ونسنى تطبيقاتكم بالصور هذي المرة هههههه



[/CENTER]


فقط دعوة لاخي بالشفاء








 


آخر تعديل زينب 83 2016-11-22 في 22:06.
رد مع اقتباس
قديم 2016-11-22, 12:38   رقم المشاركة : 2
معلومات العضو
القبايلية
عضو مجتهـد
 
الصورة الرمزية القبايلية
 

 

 
إحصائية العضو










افتراضي

يعطيك الصحة أم كاميليا للأسف الصور ماظهروش










رد مع اقتباس
قديم 2016-11-22, 12:57   رقم المشاركة : 3
معلومات العضو
انا هي رزيقة
عضو محترف
 
إحصائية العضو










افتراضي

يا عمري شكون جات و جابتلنا الخير معاها و الله فرحتي لا توصف بدخولك المسابقة يا ام كامي الف شكر لمشاركتك حبيبتي سورتو بهذ الوصفة الزينة التي اؤكد انا ايضا من جهتي عن بنتها التي لا تقاوم بحكم اني كليتها مرات و مرات في حياتي لطويلة العريضة .... ربي يباركلك في كل عزي ز عليك اختي و بالتوفيق ان شاء الله ....بصح للاسف الشديد الصور لا تظهر .....وععععععع










رد مع اقتباس
قديم 2016-11-22, 13:08   رقم المشاركة : 4
معلومات العضو
om kamilia
عضو محترف
 
إحصائية العضو










افتراضي

شكرا عزيزاتي
الصور في الموضوع درتو قبل مضوع










رد مع اقتباس
قديم 2016-11-22, 13:18   رقم المشاركة : 5
معلومات العضو
انا هي رزيقة
عضو محترف
 
إحصائية العضو










افتراضي

خلاص ام كامي راني شفتهم حنونة ربي يباركلك في دوك اليدين تع الفحلات شرفتي الجدات القبايليات يا احلى ام كامي ماشاء الله عليك الله










رد مع اقتباس
قديم 2016-11-22, 13:22   رقم المشاركة : 6
معلومات العضو
om kamilia
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة انا هي رزيقة مشاهدة المشاركة
خلاص ام كامي راني شفتهم حنونة ربي يباركلك في دوك اليدين تع الفحلات شرفتي الجدات القبايليات يا احلى ام كامي ماشاء الله عليك الله
الله يسلمك حنونة و نتي طلعتي و خرجتي اكلاتنا للنور هههه
بصح كت حابة ندير موضوع واحدآخر كما ما عنديش الوقت درجت غير هذاك مابيد نطلع الصور









رد مع اقتباس
قديم 2016-11-22, 14:10   رقم المشاركة : 7
معلومات العضو
mosta*limoges
عضو مميّز
 
إحصائية العضو










افتراضي

بارك الله فيك أختي الطبق رااااائع بالتوفيق










رد مع اقتباس
قديم 2016-11-22, 16:34   رقم المشاركة : 8
معلومات العضو
حياة نور الدين
مشرفة منتدى الطبخ
 
الصورة الرمزية حياة نور الدين
 

 

 
الأوسمة
الوسام الذهبي  لقسم الأسرة و المجتمع 
إحصائية العضو










افتراضي

بارك الله فيك ام كامي ومتشرفين بالطبق حبيبتي










رد مع اقتباس
قديم 2016-11-22, 16:42   رقم المشاركة : 9
معلومات العضو
ام هدول
عضو متألق
 
الصورة الرمزية ام هدول
 

 

 
إحصائية العضو










افتراضي

شكرا ام كامي ..الطيق فعلا بسيط ولديد...ويعبر عن بساطة اجدادنا ..دكائهم في استعمال المواد الموجودة في البيت .....فعلا تعرفنا ..على ترات غني من هاد المسابقة ....ومازال الخير










رد مع اقتباس
قديم 2016-11-22, 18:11   رقم المشاركة : 10
معلومات العضو
كوثر التائبة
عضو محترف
 
الصورة الرمزية كوثر التائبة
 

 

 
إحصائية العضو










افتراضي

راهو يشهي بصحتكم ويعطيك الف صحة










رد مع اقتباس
قديم 2016-11-22, 20:57   رقم المشاركة : 11
معلومات العضو
زهرة الريف*
عضو محترف
 
الصورة الرمزية زهرة الريف*
 

 

 
إحصائية العضو










افتراضي

بارك الله فيك اختي أم كامليا نحب نشوف اطباقك كونها معظمها صحية شكراً على مجهوداتك وموفقة إن شاءالله










رد مع اقتباس
قديم 2016-11-22, 22:07   رقم المشاركة : 12
معلومات العضو
زينب 83
مشرف منتديات الطبخ
 
الأوسمة
أحسن موضوع المرتبة الثالثة افضل تقرير ديكوري نجمة المطبخ 
إحصائية العضو










افتراضي

يعطيك العافية ام كاميليا راني عدلت الموضوع و حطيتلك الصور
بالتوفيق حبيبتي










رد مع اقتباس
قديم 2016-11-22, 22:38   رقم المشاركة : 13
معلومات العضو
أم أسرار
عضو مميّز
 
الصورة الرمزية أم أسرار
 

 

 
إحصائية العضو










M001 السلام عليكم و رحمة الله تعالى و بركاته

باك الله فيك أختي ام كاميليا على الوصفة و التقديم الله يدوم عليكم و علينا النعم ما ضهر منها و ما بطن أمين









رد مع اقتباس
قديم 2016-11-22, 23:31   رقم المشاركة : 14
معلومات العضو
نور الإسلام26
عضو مميّز
 
الصورة الرمزية نور الإسلام26
 

 

 
الأوسمة
نجمة التحديات 
إحصائية العضو










افتراضي

سلام عليك
الله يبارك يعطيك الصحة
بالتوفيق ان شاء الله










رد مع اقتباس
قديم 2016-11-23, 04:47   رقم المشاركة : 15
معلومات العضو
ام حمزة22
๑ஐ◄مُتألِّق ديكوري►ஐ๑
 
الصورة الرمزية ام حمزة22
 

 

 
الأوسمة
نجمة التحديات العضو المميز 
إحصائية العضو










افتراضي

السلام عليكم
يعطيك الصحة ام كميليا على هدا الطبق الصحي
بالتوفيق ان شاء الله










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:40

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc