قررت ترك زوجي

[مشكلتي]

السلام عليكم
متزوجة منذ اربع سنوات
زوجي رائع معي انسان بمعنى الملنة طيب و عشرته طيبة
لكن يعمل في منطقة نائية في شركة كبيرة ،وانا من مدينة كبيرة و عندما اتيت الى منطقته تغيرت حياتي،لانني اعمل في ميدان به تعامل كثير مع الشعب
لم يتخملو نظامي
فصارو يعاكسونني في عملي
زملائي يحاولون احباطي فهم همج،اجد مكتبي متسخ مرات حتى نجس،يثقبون عجل سيارتي
تصرفات لا تحتمل تعرضت لمخاولة اعتداء من طرف شعبي و انا متاكدة انه كان مشحون من طرف طاقم العمل،قدمت شموى في عملي و حتى عند الدرك الوطني،لكن الغيت ااشكوى ولا اعلم كيف استطاعو فعل ذلك
قررت ان اطلب التخويل الى مدينتي،سوف ارجع للعمل بين اهلي و ناسي
واتي لزوجي فقط في نهاية الاسبوع ووالعطل،لم استطع التحمل و لا استطيع ترك عملي ايضا،فنحن في امس الحاجة اليه،

[مراد سابقا10]

يا اختي بالنسبة للداواور هذوك صعيب عليك المعيشة فيها

الناس لي تعيش فيه اوكل كرهانة

عقليات متحجرة

لازم تسايسي قد ما تقدري ومتخرجولهمش كونتر كلش سيئ يديروه ضرب اعتداء يسحروك كلش

انا ننصحك قولي لزوجك يحوس على كاش خدمة في بلاصة اخرى اذا الشركة انتاع زوجك معندهاش فروع ويت تسكني انت

مكانش حل زوجك هذاك هو عملوا يا يحوس يقرب وين تسكني يا عن طريق التحويل لشركة فرع او لازم يحوس على عمل اخر

ولكن منصحكش تبعدي على زوجك كيما تقولي انت راهي تحدث مشاكل وقادر يخطفوهولك رانا في زمان ماشي مليح

[toulay]

وعليكم السلام ورحمة الله وبركاته
Pardon اختي بصح la faute فيك انت لقبلتي فيه من المرة الاولى normalement كان علابالك الظروف تاع العمل تاعو وتاني وين يسكن كون حبيتي مين شفتي المكان ça va pas مقبلتيش
درك بعد اربع سنوات قررتي تخليه
وفيما يخص الخدمة تاعك انت اخدم بضمير واخدم خدمتك يعاكسوك ولا لا مراحلكش فيهم
خمم مليح يا اختي
احسن العون شويا علاش زوجك راهو راضي يخدم في هاذيك المنطقة النائية الله غالب الخبزة جات تماك donc لازم تصبر معاه وتوقف معاه مشي تزيد تنكد عليه
فالاخير نقولك ربي يفرج عليك ان شاء الله
بالتوفيق

[محمد جديدي التبسي]

الأفضل لك ترك العمل وتكوني قنوعة شوية زوجك عامل في مؤسسة كبيرة وغالب الظن راتبه جيد يعني يكفيكم ان كنت قنوعة
بما انك تملكين سيارة يعني انك من النوع الذي يحب العيش برفاهية وترين كل شيء ضروري
ربما انتم كاريين ولا تملكون سكن وهذا ليس مبرر لاصرارك على العمل في الظروف التي ذكرتها من اختلاط وتحرش!
صححي نظرتك للحياة والزمي بيتك فعمل المرأة لا يأتي بخير غالبا
اي حياة ستعيشينها ان كان لقائك بزوجك مرة في الاسبوع وفي العطل؟؟؟ هذه ليست حياة ولا مبرر لها..ربي يصلح حالكم

[yasso_213]

اقرئي كتاب (كيف تاثر على الناس وتربح الاصدقاء) لديل كارنيجي لقد جربت بعض اساليبه ونجحت معي فالسبيل لكسب الناس هو طريقة التعامل معهم

[غزلانْ]

السلام عليكم

هل أنت في غابة كيف لهم ثقب عجلات السيارة و التطاول عليك
كوني قوية و لا تنسحبي و قبل ايداع شكوى للدرك
أليس الأفضل لك تقديم شكاية لرئيسك بالعمل

بالتوفيق

[مخلوقة فضائية]

ليس بقرار حكيم ترك زوجك وزيارته في العطل كالجنود!! ستندمين، ربما.
لا أدري ما طبيعة عملك وقراراتك فيه التي نجم عنها سخط شعبي، ولكنني سأنصحك بالصبر والهدوء لفترة أخرى تحاولين فيها مجاراة زملائك بما لا يناقض المبادئ. وإن لم يتغير شيئ فاتركي لزوجك مسألة إيجاد الحلول.

[زبدة ذايبة]

من هذ الحكاية كامل الزوج الطيب أين هو بالنسبة إليك ؟؟؟؟؟؟؟؟

راجلك وين راكي حاطاتيه ؟؟؟؟؟؟؟؟

يعني هل هو آخر من يعلم ؟؟؟؟؟؟؟؟

سبحان الله

تتخبطي في مشاكل وظيفية جمة

وأول الحلول اللي يتبادر إلى ذهنك هو التفريط في زوجك !!!!!!!!!!!!!!!!!!!!!

حيرتيني يا أختي !!!!!!!!!!!!!!!!!

رايحة نكون قاسية عليك تحمليني لعل الشدة تفتحلك عينيك

رجال يعاكسوك !!!!!!!!!!!!!!!!

شكوى للدرك !!!!!!!!!!!!!!!!!!

ممارسات من الموظفين أقل مايقال عنها أنه تأخذ طابع المؤمرات !!!!!!!!!!!!!!!!!!

وقاعدة انت تواجهي في الرجال وحدك

تاع الصح ماتخرجيش من المشكل وتبقاي اللي تباتي فيه تصبحي فيه

ماكاين حتى جديد سوى الضغوط الممارسة ضدك

مارانيش عارفة إذا كنت بلغتي زوجك

لكن من خلال ماكتبت والله أعلم نحن الأعضاء عندنا علم بما حصل معك وزوجك لا علم له

والدليل هو محاولة حل مشكلتك باستخدامه( الزوج)

اسمحيلي ماشي هكذا تسير الحياة الزوجية

للأسف راكي غالطة في حق زوجك وفي حق نفسك

الطيبة اللي يعاملك بيها ماتخليكش تنساي أنه رجل

إذا كان طيب معاك هذا مايعنيش ماشي راجل ردي بالك تعطيه أقل من حقه ومن مكانته

مدار مشكلاتك الوظيفية راهي هنا

لو كان هدرتي مع راجلك على أول مشكلة حصلت معك

لو كان شفتي وش دار أقلها يجي لمكان عملك يخبط عليهم الباب برك ويحلف فيهم

ويكشر على أنيابه. على الأقل ماينساوش أنه عندك راجل

كانت مشاكلك هذي اللي راكي رايحة تضحي بيها حياتك الزوجية كلها تتحل

حافظي على زوجك وبيتك

وماتحطيهش على الهامش هذا راجلك

لازم تقوليلوا وش راه يصرى معاك ومايكونش آخر من يعلم ومديريهش كبش فداء

راكي الآن سيدة متزوجة وفي ذمة رجل ماكالاه ديري روحك راجل وامرأة في نفس الوقت

ديري في بالك كلما زادت المسافة بين الزوجين وطال البعد بينهما كلما فترت العلاقة

وكلما فترت العلاقة كلما كان هناك من يسد هذا الفتور

بالتالي ماتخليش المكان لأخرى تاخذ قلب زوجك

تتركي زوجك = الله يعوض عليك من جهة أخرى

من رأيي أطلعي زوجك على مايحصل معك

وفكروا مع بعض في إيجاد الحل

وابتعدي كل البعد عن أي حل تكون فيه حياتك الزوجية طرفا فيه

ماتلعبيش بزوجك ماكاين حتى إمرأة عاقلة تفكر بالطريقة تاعك

هذا كي مليح معاك وهايل وماكاش خير منو ديريلوا هكذا !!!!!!!!!!!!!!

ماتكونش خدمتك أهم من بيتك ومن زوجك وخاصة وعلى مايبدو مما كتبت أنه لاأولاد بينكما

بالتالي انتبهي مليح مليح لدارك ماتخربيهاش بيدك

لأنك إذا خربتيها انت واحد مايقدر يصلحها

رب يهديك ويوفقك