اقترحوا عليا !!!!!!!

[sido-mascara]

السلام عليكم خاوتي راني حاب نأخذ projet لونجام و راني محتار واش من projets نديرو انا راني نخمم في supérette و انتوا خاوتي اقتارحوا عليا des projets ساعدوني خاوتي .

[تزيرية]

Project مشروع جمعه مشاريع

[ندرومة49]

انا نقلك خليك من لونجام
ابنيها على الصح وتأنى وتريث ربي يفرج عليك

[Lali13Smith]

يا اخي لا تتعدى حدود الله انا لست بمفتي لكن سبق لي الاستفادة من مشروع انجام والله يا اخي تخسر خسارة عظيمة دراهمك ودراهم الدولة يولو يسالوك في باطل
سقسي المجرب ومتسقسيش الطبيب انا تاني وصاوني بصح راصي خشين

[sido-mascara]

لكن يا أخى أنا سألت و سألت و قالولي لونجام مفيهاش ربا تدي 100 مليون ترد 100 مليون و دولة رفعت الفوائد علي لونجام و هما يتعاملوا بالعتاد ليس بالمال

[Lali13Smith]

اخي حرام لان البنك لا يتعامل بدون فوائد
الفائدة تدفعها الدولة مكانك ونزيدك باش تدي هذيك 100 مليون والله يشيبولك الشعر تاع بيطانك انا خسرت قريب 20 مليون غير مع النوتار متسلكش
راني نصحتك في سبيل الله ياك منعرفك متعرفني
والا راك حاب تسيي سيي وسوف تندم حين لا ينفع الندم

[ahmedkaci]

ربي يعاونكم اخي

[ahmedkaci]

ربي يسهل و يوفقك

[salamsi]

موضوع رائع

[عبد الله المنيب]

المشاركة الأصلية كتبت بواسطة lali13smith

اخي حرام لان البنك لا يتعامل بدون فوائد
الفائدة تدفعها الدولة مكانك ونزيدك باش تدي هذيك 100 مليون والله يشيبولك الشعر تاع بيطانك انا خسرت قريب 20 مليون غير مع النوتار متسلكش
راني نصحتك في سبيل الله ياك منعرفك متعرفني
والا راك حاب تسيي سيي وسوف تندم حين لا ينفع الندم

السلام عليكم اخي
صراحة حبيت نستفسر فقط حول المشروع لي درتو لأني قليل وين نلقى واحد درس المشروع بشكل جيد يشكي من الفشل حتى انو عندي صديق دار لونساج ونجح فالمشروع (عتاد ورشة نجارة ) لي كان راس مالو حوالي 300 مليون وخلصها وعاود دار ملف لتوسعة المشروع وعطاوه عتاد بحوالي 600 مليون وراه خدام لباس
وفي رايي واسمحلي على كل حال انو الانسان لي مايخدمش عمرو ما ينجح في حياتو سواء بدعم الناس او الدولة او حتى صندوق النقد الدولي لي يدير مشروع ومايدرسوش راح يلقى الفشل في اول خطوة يقوم بيها ولي حيرني انك تقول خسرت قريب 20 مليون مع النوتار !!! واش من مشروع درتو لي وصلك باش تخلص هاذ المبلغ رغم انو الوكالة تطالبك بدفع 1% من قيمة المشروع حتى انو التأمين وهوما لي يدفعو حقو
أرجو الرد اخي حول مشروعك والعقبات التي واجهتك ليستفيد من هو مقبل على مثل هذه المشاريع عبر الوكالات الثلاثة المعروفة سواء لونجام او لونساج او لاكناك

[Lali13Smith]

اخي انا حرفي درت عتاد نحتاجه بقيمة 30 مليون وشاحنة ضغيرة بقيمة 68 مليون من 2013 وانا نقارع كي خرجلي الشاك 2 في 2016 قالك الشاحنة حبسوها وكي رحت نجيب السلعة قالي هاذي عندها 3 سنين كلش تبدل ايا عطاني 18 مليون دراهم مكان 30 مليون عتاد
مخسوراتي على الملف : كراء محل لمدة طويلة + عقد عند موثق 8000دج سجل تجاري 5000دج + 3800دج دفع 1 بالمئة 9800دج تعهد برهن العتاد 2 ملايين و400 عاود رهن العتاد 3 ملايين و200 هاذو اللي تفكرتهم بصح مزال كايين خاطرش وين ما تروح تخلص والله يكرهولك حياتك تندم نهار اللي جيت عندهم فيه
4 دورو يطيبوك عليها الا ماجاتكش جلطة دماغية مع الادارة الجزائرية

[عبد الله المنيب]

المشاركة الأصلية كتبت بواسطة Lali13Smith

اخي انا حرفي درت عتاد نحتاجه بقيمة 30 مليون وشاحنة ضغيرة بقيمة 68 مليون من 2013 وانا نقارع كي خرجلي الشاك 2 في 2016 قالك الشاحنة حبسوها وكي رحت نجيب السلعة قالي هاذي عندها 3 سنين كلش تبدل ايا عطاني 18 مليون دراهم مكان 30 مليون عتاد
مخسوراتي على الملف : كراء محل لمدة طويلة + عقد عند موثق 8000دج سجل تجاري 5000دج + 3800دج دفع 1 بالمئة 9800دج تعهد برهن العتاد 2 ملايين و400 عاود رهن العتاد 3 ملايين و200 هاذو اللي تفكرتهم بصح مزال كايين خاطرش وين ما تروح تخلص والله يكرهولك حياتك تندم نهار اللي جيت عندهم فيه
4 دورو يطيبوك عليها الا ماجاتكش جلطة دماغية مع الادارة الجزائرية

هاذي بيروقراطية فالوكالة التابع ليها انت هاذو ولاد حرام للأسف وهوما لي داروها بيك وزيد نتا ما كنتش تسمح في حقك كيفاش تخليه يعطيك 18 مليون دراهم عوض 30 مليون عتاد هاذي مسؤولية نتا لي تتحملها السيد دا الشاك ب 30 مليون ويعطيك 18 مليون ونتا تبقى مطالب من الوكالة ب 30 مليون ؟؟؟؟ ما ضاع حق وراءه طالب
... نعرف واحد دار شاحنة dfm قبل ما يفوت عام ديجا الشاحنة كانت في يدو وراه خدام بيها نورمال ....