معمول الفرينة بطريقتي وكان ناجح 100/100

[rahmar]

السلام عليكم اخواتي الكريمات كيف احوالكم ان شاء الله تكونوا لاباس
ليوم راني جايبتلكم وصفة رائعة لطريقة المعمول نتاع الفرينة
انا قريت عليه بزاف مواضيع حتى عياوني وجربتهم مي مكانوش ناجحين كيما هاد الوصفة لي كانت من عندي وعجبتهم كامل وتشمل كل المقادير لي تخلي المعمول طري و بنين في نفس الوقت
علابالي بلي طولت عليكم بزاف ودوك نبداو بالمقادير نتاع la pate:
4 صفار بيض
250غ زبدة طرية
كأس سكر glacé
2ملاعق كبار مايزينة
1فاني
نصف ملعقة خميرة كيميائية
تحظير الحشو:
رطل تمر العجوني (الغرس) تنقيه و تغسليه عدة مرات و دريه يفور منبعد فوتيه في الرحى نتاع الخضرة باش تنحي منو القشور وضفيلو 2 ملاعق زبدة ملعقة زيت و القرفة حوالي مغرف صغيرة خلطي مليييييييح و خليه يبرد
تحظير العجينة تدي الزبدة وتضفيلها البيض وتخلطي بيدك ثم ضيفي السكر ثم المايزينة و الفاني و أخيرا الخميرة الكيميائية وتضيفي تدريجيا الفرينة حت تتحصلي على عجينة طرية
تدهني المول نتاع المعمول بالفرينة وديري كرة من العجينة فيه واظغطي عليها مليح باش تبان les trasse نتاع المول في العجينة ثم تديري فوستها كرة صغيرة نتاع تمر وتغلقيها ملفوق بالعجينة الزايدة الخارجة من المول وتضغطي مليح وتضربي المول على طاولة العمل باش تخرجي الحبة
صطفي الحبات لي خدمتيهم فالplatالمرشوش بالفرينة ودخليه الفور يكون حامي اشعليلو من الفوق و متحت و كي يأخذ اللون الاصفر طفي عليه و ابديه يكون طاب وجا شباب وشهية طيبة مرايحنش تندمو اى جربتووووووووووووووه
سلامس