الملوخية التونسية على أصولها ..... لعيون أختي لبنى - الصفحة 2

سنوم 33 · 2012-04-21, 10:19

وزيد ام دودة عضو مجتهد.ومانيش ندافع عليها.واحنا جدد .يعني الصغير يقدر لكبيير.يعني لازمنا نروحولها ونتعلمو منها على خاطر دايرة مواضيع هايلة خاصة موضوع الضياف واذا ما عجبتناش حاجة ناقشوها فيها بلباقة.........وماشي غير هي اي واحدة ولا واحد عندو فترة اقدم منا في المنتدى لازم علينا حنا الجدد نتعلمو منو مش نذموه.........مثلا انا تعلمت من زهرة الفل كيفية ادراج الصور ......................
الصغير يقدر لكبير
لكبير بالخبرة ماش بالعمر.....................متفاهمين

أنا أمهم · 2012-04-21, 11:22

سامحوني اخواتي أنا راني صاحبة الموضوع و ما تخيلتش اللي باش يصير نقاش كبييييييييير

احنا بكلنا اخوات سواء من الجزائر أو من تونس
خاصة انتم اولاد بلاد واحدة من فضلكم حاولو تكون ردودكم على بعضكم بطريقة حلوة و نافعة , سامحوني في الكلمة لكن انا كتونسية نعرفكم مليييييح اللي انتم الكل ناس طيبة و محبوبين في العالم أجمع. و عادي انه يصير شوية سوء تفاهم بين الاخوة لكن هذا ما يليقش يكون قدام الناس , موش هكة رباونا أمهاتنا و الا انا غالطة؟؟؟؟
المهم ما صار بأس و كل واحدة فيكم تبوس رأس أختها و اللي فات يتنسى !!!

نيفرتيتي. · 2012-04-21, 11:37

اقتباس:

المشاركة الأصلية كتبت بواسطة أنا أمهم

سامحوني اخواتي أنا راني صاحبة الموضوع و ما تخيلتش اللي باش يصير نقاش كبييييييييير

احنا بكلنا اخوات سواء من الجزائر أو من تونس
خاصة انتم اولاد بلاد واحدة من فضلكم حاولو تكون ردودكم على بعضكم بطريقة حلوة و نافعة , سامحوني في الكلمة لكن انا كتونسية نعرفكم مليييييح اللي انتم الكل ناس طيبة و محبوبين في العالم أجمع. و عادي انه يصير شوية سوء تفاهم بين الاخوة لكن هذا ما يليقش يكون قدام الناس , موش هكة رباونا أمهاتنا و الا انا غالطة؟؟؟؟
المهم ما صار بأس و كل واحدة فيكم تبوس رأس أختها

و اللي فات يتنسى !!!

اختي راكي على العين والراس انا نموت على تونس ومتمني غير اني نزورها وان ماعلاباليش بيك تونسية غير الصباح وكنت حابة نصقصيك على الكسكسي المجمر لاني ذقتو عند وحدة تعلماتو في تونس وبالفاح تاع تونس
لكن الاخت نرجس هاجمتني بطريقة بشعة انا كاين اللي مايعرفها وحبيت نقلهم بلي تتباع في تبسة في الاماكن الاخرى ماعلابليش برك هذا ماكاين وهي ................
ثان حبيت نصقصي على اصلها لاني ملي خلقت وماما طيب فيها قلت بالاك اصلها تونسي هزيناها حنا تاع الشرق كي عادت عندنا حدود معاكم
واختي انا نتشرف بمعرفتك ودرك سجي روحك لازمك تعلميني اي حاجة نبغيها من الاكل التونسي وراح نبعثلك في موضوع خاص انا باه نقلقك برشا برشا وهل انت مقيمة في السعودية
يجب ان يكون النقاش حضاري

أنا أمهم · 2012-04-21, 12:34

احنا اللي يجمع بين تونس و الجزائر موش شوية, الدين و اللغة و الجغرافيا واللهجة و حتى المستعمر , لكن اللي أهم من هذا الكل اللي يجمعنا هو الدم التونسي و الجزائري اللي اختلطو ببعضهم , هذا الدم اللي جرى سواقي لما قصفهم المستعمر و هوما مجتمعين باش يساندو بعضهم أيام المحن و اللي يحب يعرف أكثر على التاريخ يشوف حتى في النت على أحداث ساقية سيدي يوسف هذه الذكرى اللي احنا في تونس كل سنة نحتفلو بيها!!!!!!!!!

المهم أختي أم دودو , حتى انا من اللي حليت عيني في الدنيا نلقى الجدود يطيبو الملوخية و في جميع جهات تونس, الله أعلم الأصل منين لكن احنا بلاد واحدة مع الجزائر و هذا دليل اخر انه حتى الاكل كان يجمعنا من زمان.

الملوخية تتزرع في مناطق كثيرة في تونس و نتخيل نفس الشيء في الجزائر , و الملوخية اللي شفتوها في الصورة من فوق هذيكة اتزرعت في أرض والدي ربي يفضلو و يحميه, و عايلتي هي اللي تجففو و ترحيه, و انا نهز العولة متاعي بكلها من تونس لأنه كيما تعرفو هنا في السعودية ثمة برشة حاجات موش متوفرة.

و حتى تتعرفو أكثر على عاداتنا أحنا في كل دار نطيبوها في اخر يوم في رمضان باش ناكلوها يوم العيد (لو تجي لتونس في هاك اليوم الريحة تعرضك من المطار )
و نطيبوها في الأعراس و في أول يوم من السنة الهجرية باش يجي العام أخضر ههههههههه

عزيزتي أم دودو أطلبي مني اللي تحبي عليه و انا نوعدك انو اللي نقدر عليه و الوصفة اللي نعرفها ان شاء الله نجاوبك عليها و هذه حاجة تفرحني برشة.

gatta.annabia · 2012-04-21, 14:23

الاخت نرجس كلامك صحيح و موزون فيما يخص الطياب تاع الملوخية و القناوية
صحيح و بلدي
الملوخية بالحق من زمان وكاين اللي يغرسوها و ينحيوها و يشيحوها و يرحيوها

اما طريقتك في الكلام ماعجبتنيش
تعيشي حبيتي لا تقللي من معارف الاخرين الكل وماتجبيلناش الذم و الكلام الزايد

العنابيات فيهم اللي بنت بلاد وفيهم اللي متوطنة والكل تعلمو ربي يبارك

وانتي الاخت ام دودة ماكان علاه التهجم ثاني واحدة رونالدو و الاخرى ميسي هاذي تهجم والاخرى ترد

ياخي كلنا ولاد الشرق و ولاد بلاد وحدة

نفيدو و نستفيدو واللي ماعجبتهاش هدرة ترد بلا تجريح وتلميح تعميم الكلام بدون تخصيص
انا رديت اكثر من مرة في المواضيع كي ما يعجبنيش الكلام نقول وش عندي نصحح باللي نعرفه ومش لازم نشوهواا مستوانا
الاسلوب لازم يكون ارقى من هكا ربي يبارك فيكم
كان تقبلتي النقد تاعها و ردييتي باسلوب اخر وحدها تتراجع وانا فهمت قصدها و عقليتها وين رايحه
العنانبة الكل كي توصل الهدرة على عنابة لازم ينطقو بالمليح ولا بالخايب المهم توصلك المعلومة
انا نعترف كانت عندي ردود قوية في مواضيع مختلفة ولاكن باسلوب راقي
وكي نشوف ردي مش عاجب مرات نحذفه
حاولو تغيروا من طريقة التعامل
الاخت نرجس ردك كان مستفز و لاني فاهمة وش حابة تقولي على طريقتك منيش راح نعلق
ياريت تفهمي انو مش الكل اللي فاهم عقليتنا
بالسياسة وصلي وش تحبي
تحياتي للجميع

ام مرية · 2012-04-21, 14:30

اقتباس:

المشاركة الأصلية كتبت بواسطة narjisse23

شكون اللي قالك بالاخص عندكم ههههه
عزيزتي اللي يقول عنابة يقول الملوخية و كسرة مطلوع
و بسكرة يعرفوها و احسن ملوخية هي البسكرية من حيث الجودة
الملوخية من زمان واصلها موش تونسي
راهي نابتة ومعرقة في بسكرة من اول الدنيا
وفي عنابة من خلقنا لقيناه امهاتنا وجداتنا بطيبوها موجودة في كل المحلات وانا شخصيا لقيتها في مركز باب الزوار التجاري في العاصمة و لقيتها تتباع في مغنية و تاع الفردوس يعني يعرفوها وطلبو من اصحاب المحلات يجيبوها و موجودة في الواد
شوفي الاخت
حنا في عنابة نطيبوها تقريبا كيف التوانسة و نستعمله الملوخية البسكرية و الذواقه التونسية و الفردوس
نحطولها شوية تابل و كروية و الرند و الثوم
و نحرحروها في الزيت
موش في الماء
و كاين اللي ينصب برمتها الكوكوت قصدي بالبصل وكاين بلاش بصل غير ثوم و وفاحات و ناقصة ماء
نطيبوها بالبقري و الغنمي و كي يطلع زيتها يعني طابت
و معاها كسرة مطلوع
وهو اللي تجي تعرف الملوخية وكيفاش تطيب ههه
و مايعرفوهاش الكل خاطر الملوخية في دزاير هي البامية اللي هي عندنا اسمها القناوية و تطيب كيف التوانسة
باذنجان و لحم غنمي و تتقلى في الزيت باش تروح منها اللزوجة تاعها وتجي تشهي
الملوخية تاعنا لا علاقة مع تاع المصريين حنا خاثرة و تاعهم جارية و بالارانب هههههههه

يعيش اختي ام دودة
كي تحب تحكي احكي باسمك ربي يبارك فيك موش باسم الشرق
الشرق راه عنابة والطارف و القاله و سوق اهراس وقالمة و سكيكدة و و و
مش غير تبسة
الاخت janna كانت دارت موضوع الملوخية العنابية في موضوع سابق ربي يجازيها خير
شكرا للاخت التونسية على الطرح الرائع بالتوفيق

اختي راقبي كلامك الاخت ام دودة ما قالت حتى شيء يمسك علاش التهجم وعلاش الكلام الي ماشي في مضربو هي حكات على تبسة انتي احكي على عنابة والي من سوق اهراس تحكي على بلادها وهكذا وعلاش التجريح نتمنى انك تعرفي خطاك وتعتذري من الاخت ام دودة تحياتي

اختي صاحبة الموضوع شكرا ليك عرفتينا على اكلة جديدة بالنسبة لي انا عمري ولا ذقتها مي باينة حاجة بنينة
اسفة على سوء التفاهم الي وقع في موضوعك ننتضر منك اكلة تونسية اخرى تقبلي مروري

نيفرتيتي. · 2012-04-21, 16:06

نشكر حبيباتي الي ردو باسلوب راقي ونعتذر ونتاسف على اللي طيحو منقيمة الجزائر بالكلام اللي يبين مستوى كل واحد
وانا غلطت في حاجة كي رديت على كلام دون المستوى كل واحد في المنتدى يبان مستواه من الرد تاعو ساعات يطرحو وصفة شكشوكة الناس كامل تنوض تهلل وكانه دارت كاش وصفة واللي دون المستوى يقولوههههههههههههههههههه
يعطيك الصحة على المستوى يا...............

أنا أمهم · 2012-04-21, 19:29

اقتباس:

المشاركة الأصلية كتبت بواسطة nanou12

احنا في تبسة نديروها الملوخية و متوفرة في جميع المحلات عندنا...... راهي بنينة برشااااا برشااااا
و نديروها بنفس الطريقة...مشكووووووووورة أختي

الله يجازيك كل خير أختي, هذه حاجة تفرحني برشة انه عندنا نفس الوصفات في تونس و الجزائر.

أنا أمهم · 2012-04-21, 19:32

اقتباس:

المشاركة الأصلية كتبت بواسطة khouloud 27

ان شاء الله برك نلقاها علاخاطرش شهيتيني
نسقسي عليها وبربي نلقاها مشكورة اختي
واضح بلي شاطرة فيها الله يسلملك يديك

ان شاء الله تلقاها و تجربها, و يا ربي تضبط معاك

أنا أمهم · 2012-04-21, 19:36

اقتباس:

المشاركة الأصلية كتبت بواسطة ام دودة

اختي طريقتك في الملوخية نفس طريقة امي اي انها طيبها في الما وبعد تفوحها اما انا ندير لاصوص وبعد نحط فيه الملوخية الالي فيها الزيت وبعد نمرقها
واللي تحوس على الملوخية تلقاها في الشرق وماهوش الشرق كامل بالاخص عندنا في تبسة اذا كنت تعرفي ناس من الشرق وصي عليها اما في باقي المناطق مانضنش هي تشبه الحنة ماتفرقيش بيناتهم الابالريحة وتذوق الطعم وبنتها ماتتوصفش لازم تضوقيها وممكن تعجبك وممكن لا لانو كاي ن ناس كلوها وماعجبتهمش وناس هبلو عليها

صحيح ثمة طريقتين لطبخ الملوخية, انا علمتني اختي هذه الطريقة لأنها أسهل

أنا أمهم · 2012-04-21, 19:42

اقتباس:

المشاركة الأصلية كتبت بواسطة mamatou

شكرا لانك عرفتينا على جزء من الطبخ التونسي يعطيك الصحة

الله يجازيك كل خير, و هذا من واجبي عزيزتي

أنا أمهم · 2012-04-21, 19:47

اقتباس:

المشاركة الأصلية كتبت بواسطة زهرة البيلسان البرية

يعطيك الصحة أختي ،، أنا جامي كليتها و جامي طيبناها فالدار ما يحبوهاش المهم راني استفدت من عندك طريقة طبخها مشكوووووووووووووووووورة

مشكورة اختي, و ان شاء الله تجربيها و تعجب العايلة الكل, تحياتي.

أنا أمهم · 2012-04-21, 19:51

اقتباس:

المشاركة الأصلية كتبت بواسطة ام دودة

هل انت متاكدة انه الملوخية اصلها تونسي لاني انا ملي ولدت لقيتها

الملوخية تونسية و جزائرية

و احنا بلاد واحدة.

أنا أمهم · 2012-04-21, 20:07

اقتباس:

المشاركة الأصلية كتبت بواسطة ام مرية

اختي صاحبة الموضوع شكرا ليك عرفتينا على اكلة جديدة بالنسبة لي انا عمري ولا ذقتها مي باينة حاجة بنينة
اسفة على سوء التفاهم الي وقع في موضوعك ننتضر منك اكلة تونسية اخرى تقبلي مروري

الله يجازيك كل خير عزيزتي أم مرية, يفرحني تشجيعك ليا
و بكلنا اخوات هنا.

نيفرتيتي. · 2012-04-21, 20:11

اقتباس:

المشاركة الأصلية كتبت بواسطة gatta.annabia

الاخت نرجس كلامك صحيح و موزون فيما يخص الطياب تاع الملوخية و القناوية
صحيح و بلدي
الملوخية بالحق من زمان وكاين اللي يغرسوها و ينحيوها و يشيحوها و يرحيوها

اما طريقتك في الكلام ماعجبتنيش
تعيشي حبيتي لا تقللي من معارف الاخرين الكل وماتجبيلناش الذم و الكلام الزايد

العنابيات فيهم اللي بنت بلاد وفيهم اللي متوطنة والكل تعلمو ربي يبارك

وانتي الاخت ام دودة ماكان علاه التهجم ثاني واحدة رونالدو و الاخرى ميسي هاذي تهجم والاخرى ترد

ياخي كلنا ولاد الشرق و ولاد بلاد وحدة

نفيدو و نستفيدو واللي ماعجبتهاش هدرة ترد بلا تجريح وتلميح تعميم الكلام بدون تخصيص
انا رديت اكثر من مرة في المواضيع كي ما يعجبنيش الكلام نقول وش عندي نصحح باللي نعرفه ومش لازم نشوهواا مستوانا
الاسلوب لازم يكون ارقى من هكا ربي يبارك فيكم
كان تقبلتي النقد تاعها و ردييتي باسلوب اخر وحدها تتراجع وانا فهمت قصدها و عقليتها وين رايحه
العنانبة الكل كي توصل الهدرة على عنابة لازم ينطقو بالمليح ولا بالخايب المهم توصلك المعلومة
انا نعترف كانت عندي ردود قوية في مواضيع مختلفة ولاكن باسلوب راقي
وكي نشوف ردي مش عاجب مرات نحذفه
حاولو تغيروا من طريقة التعامل
الاخت نرجس ردك كان مستفز و لاني فاهمة وش حابة تقولي على طريقتك منيش راح نعلق
ياريت تفهمي انو مش الكل اللي فاهم عقليتنا
بالسياسة وصلي وش تحبي
تحياتي للجميع

اختي عنابة على العين والراس تقدري ترجعي لواش قلت تلقيني مدحت عنابة ملذميتهاش لاني نحب عنابة ونحب نروحلها
انا حبيت ناكدلك بلي نرجس ماهيش عنابية حبت برك توقع بيناتنا احنا تاع الشرق وهي قالت تاع الشرق عنابة وسوق اهراس والطارف مالا احنا تابعين تونس