السلام عليكم ،
دعوني أتكلم بالعربية فالموضوع بشكل كلي من أجل أن أفضفض لكم و أبوح لكم ما بخاطري لعلي أجد بعض المساعدة
بسم الله
أنا شاب 21 ، تعرفت على فتاة في الجامعة ، ما بغيتش نبقى كيما الكل ، اعطيتها كلمة ، و وعدتها ، و لبيت كلمتي و خطبتها و تـم القبول و كل شيئ سار على ما يرام (رغم وجود بعض المشاكل في تلك الفترة)
تربيت من صغري على قصص الصحابة و الأشعار و التصرفات تاع العرب القدم ، كيما نقولو تشبعت بالصفات تاعهم حتى "أصبحت تلازمني"
و المشكلة الأكبر الغيرة ، بعدما خطبت البنت هاذي ما نطيقش أي أحد يشوف فيها و لو بنظرة صغيرة ، غيرة مفرطة ، علابالي تقدر تحطم كلش ، و تقدر تقول راه حاب يتحكم فيا فكلشي لكن الله غالب ،
هي متحجبة و زادت بعد الخطوبة دخلت جزء من شعرها كانت تخليه برا ، لكن راهو فيا ديفو نقعد نتبع كل صغيرة و كبيرة ، شوفي يديك شوفي هاذيك شوفي شعرة راها خارجة ، (بحكم انها تدرس معايا)
كل شي وليت نحسبله حساب ،
الأمر ماهوش أني مش واثق فيها ، لا حاشا ، ثقتي فيها أكبر من ذلك بكثير ،
لكني لا أثق في شباب اليوم ، بل في إنسان اليوم بصفة عامة ،
راني من الشباب و نشوف كيفاش يتصرفو و كيفاش يخممو ، صدقوني أقصى كلامهم عن التوافه (تعرفو بالضبط واش قصدي)
هاذي الغيرة راهي تحسسها انها مكبلة و تجيب المشاكل ، عييت معاها بزااااف ، نعيا ندير روحي ما شفتش و ننطق غصبا عني ،
احيانا يزيد الغضب بدرجة لا تصدق ، لو نخرجه لبرا قادر تصرا كارثة ،
إذا شي حد عنده أي حل لهذه المشكلة نكون جدا جدا شاكر ليه ،
و آسف على الإطالة و شكرا لكم