المونيفري مع خوه المونيفري هههه

[الواثق]

المشاركة الأصلية كتبت بواسطة بنت الحاج

السلام عليكم ورحمة الله وبركاته
بصراحة ضحكت من الموقف الذي قصصته علينا ولكن حزّ في نفسي كثيرا نظرة المجتمع للمهن الخاصة بالأشغال والبناء و و و
هي نظرة الكثير من الشباب الفارغ الذي لا همّ له من الحياة إلا السهر وتتبع الموضة الغربية والتقليد الأعمى والتشبه بالغرب أما عن المضمون فصفر
لا دين ولا أخلاق وتواكل حتى المصروف اليومي تجدهم يأخذونه من الوالدين !!
ألا يعود الفضل لهذا العامل والحرفي في تصليح وتشييد بناياتهم التي يتكبرون بها على الناس.
نحن مثلا نعتمد على إنجاز أشغالنا بأيدينا والبركة في إخوتي إلا الأمور التي تحتاج لبعض التخصص ونفتخر بذلك والذي يسخر من الناس هو (جايح).
لا يهمّك من كلامهم فأنت تعرف قيمتك وقيمة أخيك بارك الله فيكما وليحمدوا الله أنهم لم يدفعوا ثمن ما تفوهوا به في حقكم.
لا بأس عليك ، أسأل الله العظيم رب العرش العظيم أن يشفيك.
شكرا على مواضيعك الجادة والهادفة التي أحاول المشاركة فيها قدر المستطاع ولكني أحيانا أطيل الكلام وعندما أضغط على الرد أجد ان كل الذي كتبته ذهب أدراج الرياح.

شكرا اختي الكريمة وبارك الله فيكم وفي عائلتك الكريمة ...............جزاكم الله خيرا

فقط اذا عرفت انك تكتبي ردود طويلة فنصحك باستعمال محرر نصوص الورود اكتبي فيه ردك ثم انقليه للمنتدى فان عانى المنتدى نقص في تدفق الانترنت على الاقل لن يذهب تعبك في الكتابة وتعيدين الرد متى سمحت الفرصة ..................

[السَّحابة البيضاءْ]

المشاركة الأصلية كتبت بواسطة الواثق

هه اضحك الله سنك اختي ........انا حرقتلك الموضوع .........وانت حابة تحرقيني في خيمة رمضان ههه...............ماعليش اختي المهم الرمل طلع خلي الدفعة الثانية بلاك كاشما يصرا ههه..................وفي الخيمة ان شاء الله دير جزء فيه ترويح عن النفس واذكري فيه اطرف الردود واطرف المواضيع .......راني عطيتلك فكرة من افكاري في الخيمة ههه

هههههه

تقول قريت أفكاري ، بصح انا ناوية نديرها باسلوب مختلف { كشفنا أوراقتا }

مزية مطحتش معاك في نفس اليوم ههههه

ربي يوفقك

[فتـ حييةـاة]

المشاركة الأصلية كتبت بواسطة مشكاة الهدى

السلام عليكم

انا ايضا احب اعمال البناء
رغم توفر الامكانيات الا اني دائما اقوم بالطلاء بمفردي
اضافة الى اعمال السباكة والكهرباء
يعني ارقدي بالنوم معايا

============
وعليكم السلام ورحمة الله وبركاته

اوااااا ه انا لا ............ مانبغي لا تبنتير لا بناء لا كهرباء ................الثلاجة ومانسيقش تحتها حتى نحي لابريز

[فتـ حييةـاة]

المشاركة الأصلية كتبت بواسطة الواثق

وفيكم بارك الله .........مدام انك شاف شنطي هذي نصيحتي ليك.........كيما راكم توجدو لرمضان وتبنترو في الكوزينة زيدو اخدمو دار وبنتروها مليح وفرشوها مليح وديروها مصلى باه تعتكفو فيه وتصلو فيه صلاة التروايح .. وديرو فيه حجابات الصلاة وكتب القرئان باه اي وحدة تقدر تلتحق بالعبادة بسرعة كبيرة دون مجهود .........هاذي وين راه الخمار وهاذي وين درتي الكتاب وهاذي الصلايا وين راهي هههه.................فبهذا يكون الكوزينة والمصلى دنيا ودين ..........ما رأيك ؟؟؟

======
فكرة راااااائعة ::::::::::::: باذن الله نعملو بنصيحتك :::::::: جزاكم الله خيرا اخي

[بومزراق يسرى]

بدون تعليق على صاحب أو عفوا صاحبة السيارة ...!!...أما عنك فاسأل الله تعالى أن يعينك على إتمام ما بدأت فيه....و نصيحة مني لك (متديرش كامل على كلام الناس) ...ايه نسيت نقولك عندو الحق هذا السيد ...فعندما تتقاضى "إليسا" مليار أو أكثر في ليلة واحدةو ويتقاضى (المونافري) أقل من المليون او المليونيين في الشهر يحق الى اي شخص أن يحتقرها ... ولاحول ولا قوة الا بالله.

[النجمة القطبية]

يعطيك الصحة اخى الكريم
اكتشفت تانى فى موضوعك بلى بنات بلادى ماشا الله كامل يبنترن ويحفرن وو
واقيل بقيت غير انا ياجورة جامى رفدتها
زعما ما فيها والوا ولا لازم نتعلم اعمال البناء
اما بالنسبة للنظرة تع الشعب عندنا حدث ولا حرج المواقف كثيرة
موفق اخى فى اعمالك

[BAROUD]

ههههههههههه

وجد الفطور غدوة نصبحوا عندك اني نعرف نهمبر شوي

[الواثق]

المشاركة الأصلية كتبت بواسطة فتـ حييةـاة

======
فكرة راااااائعة ::::::::::::: باذن الله نعملو بنصيحتك :::::::: جزاكم الله خيرا اخي

المشاركة الأصلية كتبت بواسطة فتـ حييةـاة

============
وعليكم السلام ورحمة الله وبركاته

اوااااا ه انا لا ............ مانبغي لا تبنتير لا بناء لا كهرباء ................الثلاجة ومانسيقش تحتها حتى نحي لابريز

انا لي حيرتني امهاتنا كانو يطيبو ينسجو ويحطبو ويربو الدراري ويحلبو البقرة ويذبحو ويجيبو الماء ويحصدو ويعجنو الكسرة ويطيبو بالقازارات ماشي طنجرة قد النملة هه

وضرك ....................... لالة راقدة وتمونجي وراني عيانة.... بزاف عليا الخدمة ..........ودير مزية راني نطيبلك الغداء والعشاء على مرات .......وماتجيبليش الضياف مانيش قادرة ..............اسمع قشك ماشي كل مرة نطبق فيه دبر راصك ...............كيما تقول امي خالية مكسرة من عند دارهم .......................واش رايك في هذا النوع اختي هههه ؟؟؟

[Lydia istanboul]

ماشاء الله راني اكتشفت شطارة بناتنا,,,لي تبني و لي تبنتر .....اما فيما يخص لي إستصغر البناء نقولك ربي يهديه,,,,,خدام القوم سيدهم

[الواثق]

المشاركة الأصلية كتبت بواسطة بومزراق يسرى

بدون تعليق على صاحب أو عفوا صاحبة السيارة ...!!...أما عنك فاسأل الله تعالى أن يعينك على إتمام ما بدأت فيه....و نصيحة مني لك (متديرش كامل على كلام الناس) ...ايه نسيت نقولك عندو الحق هذا السيد ...فعندما تتقاضى "إليسا" مليار أو أكثر في ليلة واحدةو ويتقاضى (المونافري) أقل من المليون او المليونيين في الشهر يحق الى اي شخص أن يحتقرها ... ولاحول ولا قوة الا بالله.

شكرا اختي وبارك الله فيك.......................جزاكم الله خيرا

[الواثق]

المشاركة الأصلية كتبت بواسطة النجمة القطبية

يعطيك الصحة اخى الكريم
اكتشفت تانى فى موضوعك بلى بنات بلادى ماشا الله كامل يبنترن ويحفرن وو
واقيل بقيت غير انا ياجورة جامى رفدتها
زعما ما فيها والوا ولا لازم نتعلم اعمال البناء
اما بالنسبة للنظرة تع الشعب عندنا حدث ولا حرج المواقف كثيرة
موفق اخى فى اعمالك

شكرا اختي .........حتى انا تفاجئت بانهن منيفريات تاع الصح ............ومع حرية المرأة وين راه المشكل غدوة نلقاو الماصو والمنيفريا بنات ونساء ويولي الشباب هو لي يمشي في الطرقات بكل حلته لاخدمة لاردمة

[الواثق]

المشاركة الأصلية كتبت بواسطة baroud

ههههههههههه

وجد الفطور غدوة نصبحوا عندك اني نعرف نهمبر شوي

اواه انت نعطولك تخدمنا البليات والسوانتر والبيطون باين عضمك صحيح ههههالله يبارك ..........................بارك الله فيك اخي

[الواثق]

المشاركة الأصلية كتبت بواسطة lydia istanboul

ماشاء الله راني اكتشفت شطارة بناتنا,,,لي تبني و لي تبنتر .....اما فيما يخص لي إستصغر البناء نقولك ربي يهديه,,,,,خدام القوم سيدهم

نعم اختي خادم القوم سيدهم ..........لكن ليس دائما ههه

وفعلا انا كذلك منبهر بفتيات كلهن قالو ان لهن خبرة في مجال البناء بلاك النجمة فقط لي قالت ياجورة مارفعتهاش بيها ماجربتش الاقامة الجامعية لو جربتها لكراهي دايرة ياجورة عليها لريزيستونس باه تسخن عيها ههه ..........اليس كذلك ؟؟؟ ممكن انت كذلك ماتعرفيهاش ..........المهم الله لايشوفكم فيها راهي كلات نصف طاقة الجزائر من الكهرباء

[فتـ حييةـاة]

المشاركة الأصلية كتبت بواسطة الواثق

انا لي حيرتني امهاتنا كانو يطيبو ينسجو ويحطبو ويربو الدراري ويحلبو البقرة ويذبحو ويجيبو الماء ويحصدو ويعجنو الكسرة ويطيبو بالقازارات ماشي طنجرة قد النملة هه

وضرك ....................... لالة راقدة وتمونجي وراني عيانة.... بزاف عليا الخدمة ..........ودير مزية راني نطيبلك الغداء والعشاء على مرات .......وماتجيبليش الضياف مانيش قادرة ..............اسمع قشك ماشي كل مرة نطبق فيه دبر راصك ...............كيما تقول امي خالية مكسرة من عند دارهم .......................واش رايك في هذا النوع اختي هههه ؟؟؟

======
واش اخي بغيت تقوم ثورة بيني وبين النسا

شوف اخي كاين اللي تشفق على بناتها كي يكونو صغار وتدير عليهم كلش (بحجة انهم يقراو وشغل الدار يلهيهم) كي يكبرو يحصلو في رواحهم وكاين اللي تدخلهم الكوزينة بكري باه يوالفو

شغل الدار يبدا من الصغر مش حتى تولي وحدة في عمرها 20 سنة تدخل للمطبخ

[Lydia istanboul]

مرة بكريييي حاولت نعاون بصح عييييييييييييييت و شفق علينا الوالد لكن في المقابل عاونت أبي في حمل قطع الغيار لمحله,,,,بصح ما بنترت ما بنيت ما والو,,,,,ما ذبحت ما طيبت قازار على قولتك,,,,و الحمد لله فخورة هههه