قسم المنزل و متطلباته - هل من دورة جديدة للتنظيف و يا حبذا لو يتم الأخذ بعين الاعتبار ظروف المرأة العاملة ! - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2017-07-18, 10:25   رقم المشاركة : 1
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي هل من دورة جديدة للتنظيف و يا حبذا لو يتم الأخذ بعين الاعتبار ظروف المرأة العاملة !

السلام عليكم و رحمة الله تعالى و بركاته ...
صباح الخير عليكم جميعا كما ذكرت في العنوان هل من دورة جديدة للتنظيف ؟ بيتي مرون شويا و ما صبتش روحي خاصة انو ما عنديش وين نرتب ادراج او رفوف.... عندي بلاكار وحدة راح تطرطق فيها ماعن و فراش و حوايج الشتاء و خردة اخرى ... خزانتي طحولها الابواب و راني نسنى راجلي يخدمهالي و راهر بزاف مقلقتني لانو زادو الحوايج ترونو فيها ... الادراج تاع لاكوافوز و لي طابل دو نوي كل يوم تجبدلي بنتي واش فيهم و انا نرجع حتى تعمرو خردة ... و الكوزينة اللماعن تحت البوطاجي ماشي مرتبين راهم مرونين علاجال ماكاش بيبان و بنتي تجبدلي الماعن و انا نرجع حتى عييت و ما كانش رفوف راني نسنى راجلي يركبهم من ثلاث سنين ...
الكوشة الزجاجة تاع الباب توسخت من الداخل و ما قدرتش نحلها و حتى راجلي ما قدرش ! راهي مقلقتني تان ! او بالأحرى البيت كلو راه مقلقني و انا راني في الشهر الثامن راني غير نتقال و لازم نظف مع العلم يوميا راني خدامة من الثمنية للربعة !







 

رد مع اقتباس
مساحة إعلانية

قديم 2017-07-19, 16:24   رقم المشاركة : 2
معلومات العضو
حبيييبة
عضو مبـدع
 
الصورة الرمزية حبيييبة
 

 

 
إحصائية العضو










افتراضي

اكتب و يدي ترتجف سعادة و شوقا لكل واحدة من هدا القسم الحبيب على قلبي
و في نفس الوقت قلبي يعتصر خجلا من كل واحدة منكن احتاجتني او قلقت علي في غيابي
الله يشهد اني اشتقت لكن حبيباتي و اشتقت لرفقتكن.. لكن..
سبب غيابي بسيط جدا.. لكنه ثقيييييل..
سبب انسحابي اني كنت عاجزة عن المساعدة و الايفاء بكل وعودي..
و للاسف في لحظات ضغط فضلت الانسحاب على أن اعد ولا أفي..
أعجزتني ضغوط الحياة.. ولازالت تعجزني رغم جهادي اليومي للتغيير و التحسين
أتقبل عتاب كل محبة و مشتاقة.. لأني أنا بدوري لم أفتأ أعاتب نفسي يوميا مرارا و تكرارا

حبيبتي سرين أعتدر منك حبيبتي لاني اقتحمت موضوعك لاكتب فيه اعتداري لك و لكل حبيبة لي في هدا المنتدى
لكن طلبك للمساعدة حمل أصابعي لمحاولة تدكر كلمة الدخول و البحث عنها و كتابتها و الدخول لالبيك
ولو ببعض الافكار و أرجو أن تكون في خدمتك حبيبتي

بالنسبة للخزانة التي تكسرت أبوابها ففكرتي لك أن تعلقي عليها ستارة
هده الفكرة يستعملها الاجانب بكثرة فاغغلبهم ليس لديهم ابواب لخزائنهم و يرون في دلك أنها فكرة عملية اكثر










بالنسبة لابنتك فيمكنك أن تضعي الكراتين و العلب الثفيلة في المستوى السفلي للخزانة حتى لا تقدر علىى اخراجها و العبث بها

أما أدراج التسريحة فحاولي أن تطبقي مثل هده الافكار



كما يمكنك أن ترتبي اشيائك في علب مثل هده حتى لا تعم الفوضى في الادراج



أو هده لكن احرصي ان يكون لها غطاء



أما بالنسبة لتحت حوض المطبخ فيمكنك أن تعلقي ستائر و تثبنيها من الاسفل حتى لا ترفعها ابنتك







و حاولي ان تستعملي العلب لتخزين مواعينك









اما بالنسبة لمؤونة فيمكنك تخزينها في مثل هده السلال دات الغطاء





كما يمكن أن أنصحك باقتناء مثل هده الادراج ان استطعت حبيبتي لنها فعلا مفيدة و تجمع الكثير من انواع الاواني



و آخر نصيحة يمكن أن أقدمها لك.. ان كان زوجك قد اقتنى الرفوف و هي مركونة في البيت لكن لم يركبها بعد
فانصحك بعدم انتظاره و ان تركبيها بنفسك.. و ان لم تعرفي كيف فتعلمي فالفيديوهات عل اليوتوب تأتي بكل هده الامور الخاصة بالبريكولاج و الديكور يمكن ان تتعلمي منها ما عليك ال ان تقتني بعد المعدات من المتجر او من بعض اقاربك او جيرانك و تقومي بتثبيتها انت بنفسك ولا تنتظري احدا لتنظمي حياتك و تشعري بالرضا و الراحة في بيتك و حياتك حبيبتي
و افتحي عقلك و قلبك لكل ما هو جديد و جميل و لا تسمحي لنفسك بالغرق في دوامة الكره و الاستياء من ظروف حياتك و أثاث بيتك و جدرانه
افتحي كل نوافدة و اسمحي بدخول الهواء النقي الجميل الى اركان بيتك و تنفسي بعمق استنشقي الهواء حتى تملئي رئتيك و بطنك بعمق ثم اخرجيه و كرري هته العملية دائما و لفترات طويلة و امتني لله على ما انعمه عليك من سلامة البدن و العقل لك و لزوجك و لفلدة كبدك حبيبتي فرؤية من تحبين في سلامة و امان اهم و اكبر نعمة يمكن ان تعطى قال نبينا عليه الصلاة و السلام: "من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا."
هدا الكلام ادكر به نفسي قبل نفسك حبيبتي فكلنا محتاج لتدكر معاني هدا الحديث و كلنا قد مر او يمر بمثل ما تمرين به هته الايام
لكن اعلمي ان دوام الحال من المحال.. و كل يوم هو في شأن سبحانه و معنى دلك أن من شأنه أن يحيى ويميت، ويرزق، ويعز قوما، ويذل قوما، ويشفي مريضا، ويفك عانيا ويفرج مكروبا، ويجيب داعيا، ويعطي سائلا ويغفر ذنبا إلى ما لا يحصى من أفعاله وإحداثه في خلقه ما يشاء
فارجو ان تتفائلي بالحي القيوم الرؤوف بنا في الابتلاء قبل الفرج
و تقري عينا و تحبي بيتك و كل درة من اغراضك حبا لاسرتك و لنفسك
و تسعدي نفسك و اسرتك بابتسامتك و توكلك على الله♥






رد مع اقتباس
قديم 2017-07-19, 22:22   رقم المشاركة : 3
معلومات العضو
arwa alaa
عضو مميّز
 
إحصائية العضو










افتراضي

اهلا بالحبيبتين سيرين وحبيبة الكل حبيبة
عاش من شاف اسمكم







رد مع اقتباس
قديم 2017-07-20, 13:42   رقم المشاركة : 4
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي

اهلا اهلا بحبيبة والله مرة على مرة تخطري في بالي من دون البقية ما علاباليش علاه نتفكرك رغم اني ندخل نادرا جدا جدا !
فرحة جدا بنصائحك لي بارك الله فيك و في ميزان حسناتك ان شاء الله و ربي يرزقك بكل واش راكي متمنية عاجلا غير آجلا ...







رد مع اقتباس
قديم 2017-07-20, 13:44   رقم المشاركة : 5
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي

شكرا أروى ألاء على الترحاب شكرا كثيرا بارك الله فيك







رد مع اقتباس
قديم 2017-07-22, 19:34   رقم المشاركة : 6
معلومات العضو
نسمة صبح
عضو نشيط
 
الصورة الرمزية نسمة صبح
 

 

 
إحصائية العضو










افتراضي

اه يا حبيبة

يبقى اللون الوردي و طلتك الساحرة تذكرنا بايام ربيعية كانت في عز الشتاء...انت الاكثر عطاءا و اباكثر وفاءا فلا تلومي نفسك ابدااا..

لست تفعلسن ذلك ابتغاء اجر و انما رغبة في مساعدة الاخرين

تاتين بكل الافكار و تحاولين الاجابة على كل الاسئلة و تزرعين الامل و الحب في كل ركن..ليس في المنتدى و لكن في بيوتنا...تخيلي حجم الفرح لقارئ كلماتك

لذلك ساطلب منك نيابة عن الكل ان لا تغيبي كثيرا..لسنا نريد دورة كاملة و طلبات و حلولا و انما فقط ذلك اللون الوردي...فلتبثيه في الارجاء و لترمي بضغوطك فكل الصدور تحمل لك الحب و تتمنى لك الخير

سيرين والله محتاجين فعلا لدورة و لما شفت رد حبيبة قلت هي الاجدر..

يا ريت حبيبة طلي علينا و لو لدقااايق و القاي فكرة دورة تكون الافكار و المساعدة من المنتمين اليها مش شرط انتي تقومي بكل العمل ولا قسميها و كل واحد يتولى جزء


تحياتي العطرة للجميع..مشتاقة اليكن كثيرا







رد مع اقتباس
قديم 2017-07-22, 20:52   رقم المشاركة : 7
معلومات العضو
جهينة اليقين
عضو مميّز
 
إحصائية العضو










افتراضي

اهلا بالاحبة والله مشتاقين للايام الحميلة اهلا بيك حبيبة الحبيبة وسيرين ان شاء الله تكون ظروفك تحسنت
حبيبة لا تلومي نفسك فالظروف اقوى منك ولكل منا ظروف المهم نحاولو نطلو ونطمنو على بعضنا







رد مع اقتباس
قديم 2017-07-24, 16:09   رقم المشاركة : 8
معلومات العضو
نصارنصار
عضو مشارك
 
إحصائية العضو










افتراضي

اه يا حبيبة
شكرا كثيرا بارك الله فيك







رد مع اقتباس
قديم 2017-07-25, 19:20   رقم المشاركة : 9
معلومات العضو
أريج13
عضو مجتهـد
 
إحصائية العضو










افتراضي

السلام عليكن و رحمة الله تعالى و بركاته
اهلا بكن اخواتي ....ان شاء الله اموركن بخير ....
سيرين نحتاج لدورة جديدة ...انا غيرت منزل اقامتي و هو صغير نوعا ما عن الاول ...لذا احتاج من اخواتي النصائح لترتيبه......و يا حبذا لو كانت دورة نتبادل من خلالها الافكار....
الاخت الغالية حبيبة .....هلت الانوار ...صحيح انا لم اكن معك في دوراتك ...و لكن ما حكته عنك الفراشات....و ما قراته من افكار في دوراتك يجعلني افتخر انني انضممت لهكذا مجموعة ...فالحمد لله
جهينة اليقين .اروى الاء.نسمة صبح .سيرين ......كيف احوالكن و احوال العائلات؟؟؟؟؟؟.
يا رب وفق اخواتي لما تحبه و ترضاه







رد مع اقتباس
قديم 2017-07-25, 23:54   رقم المشاركة : 10
معلومات العضو
غزالة1
عضو مميّز
 
إحصائية العضو










افتراضي

السلام عليكم ورحمة الله وبركاته
لم اصدق نفسي عندما فتحت الموضوع و وجدت صاحبته سيرين لك وحشة يا اختي
و لم اصدق اني استطعت الدخول إلى المنتدى لاني مؤخرا عندي مشكلة في الدخول و لكن دهشتي كانت كبيرة و فرحتي اكبر اني وجدت حبيبة الحبوبة شوقنا لك كبير اخية و انا الومك و اعاتبك عتاب الاحبة لماذا لم تطمنينا عليك و لو مرة في الشهر و الله يشهد حاولت أن ابعث لك رسائل خاصة لكن لم استطع لا ادري اين المشكلة اردت فقط الاطمئنان عليك لا غير
سلامي لكل الفراشات العزيزات الغائبات و الحاضرات و ربي يجمعنا في الخير دنيا و اخرة
لي عودة غدا ان شاء الله







رد مع اقتباس
قديم 2017-07-27, 09:26   رقم المشاركة : 11
معلومات العضو
ام متين
عضو مميّز
 
إحصائية العضو










افتراضي

اشرقت الصفحات بتواجد الغوالي ايييه كانت ايام جميلة تلك التي تطل فيها علينا الاخت حبيبة بلونها الزهري حتى وان غابت فبصمتها باقية في كل ركن من بيوتنا وعقولنا
ادام الله تواجدكن جميعا وعودة موفقة للجميع
سيرين لازم انت تتقبلي بيتك وتحاولي تنظميه على حسب امكانياتك وحاولي تستعيني بالاهل اذاكان الزوج ما يحبش يعمل في البيت وماتظغطيش على روحك بزاف الفائدة في صحتك والباقي يتعدل مع الايام







رد مع اقتباس
قديم 2017-07-27, 11:20   رقم المشاركة : 12
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي

شكرا لكن حبيباتي على الرد و الاهتمام اخص بالذكر حبيبة،
قد ما نشكرك ما نوفيكش لذلك اعلمي انني ادعي لك في السر و في الغياب بالخير حتى تصلك الدعوة خالصة ...
المشكل ذكرته اختي حبيبة و اكدت عليه أم متين ... أنا بكل صراحة لا أحب البيت الذي أسكن فيه و لا أستطيع ان أقول بيتي لولا زوجي و ابنتي لما عتبته ... ما نقدرش نوصفلكم شعوري كل مساء لما نصل للمنزل و خاصة لما يقولي زوجي روحي وحدك للدار انا مازالني مشغول ما نحبش نروح و ما نحبش ندخى لهذاك المنزل وحدي لول البارح قالي روحي وحدك ما حبيتش قلتلو نروح لدارنا و كي تكمل عيطلي رغم ان ابنتي في المنزل هذا مع مانها هكذاك و سمحت فيها و خليتها عندها كي رجعنا في الليل مسكينة دارت حالة بالبكاء و شادة فيا ما حبتش تطلقني و لقيتها عندها ضربة في فمها طاحتلهم غاضتني حسبت بتأنيب الضمير كي خليتها قلت يا ريتني ما خليتهاش و رحت رفدتها و ديتها معايا لدارنا ندمت لي خليتها.
الشعور هذا والله فوق طاقتي ما نحبش ندخل للدار خاصة وحدي لما ما يكونش زوجي . زاد البارح كان مازال يخدم قالي روحي وحدك زادت حكمتني الغمة و القنطة بصح عفست على قلبي و رحت للدار طلعت بنتي معايا و فتحت كل التواقي و شعلت القرآن و طيبت العشاء و دوشت لبنتي و عشيتها و حطيتها تلعب و انا نطوي في الحوايج قدامها حتى لقيتها تقولي ديدي مسكينة و تحك في رجلها لقيت رجلها اليسرى فقط معمرة حب قلبتها في لحمها كامل ماكاش غير في رجلها اليسرى درتلها ماء الزهر مرقي في 10 د اختفت الحبوب !
انا كرهت هاذ الدار ما عرفتش اذا السبب من ناسها المنافقين لي ما قدرتش نعاشرهم او لسبب آخر !







رد مع اقتباس
قديم 2017-07-27, 19:34   رقم المشاركة : 13
معلومات العضو
ام متين
عضو مميّز
 
إحصائية العضو










افتراضي

ا

لسلام عليكم اختي سيرين والله حسيت بالالم نتاعك لكن لازم تعرفي ان نسبة كبيرة من النساء عانت ولاتزال تعاني من مشاكل وهموم الدنيا لكن دوام الحال من المحال
حاولي تبحثي في حياتك عن اشياء جميلة نعمة الصحة والعافية نعمة الوالدين ونعمة الذرية الي ان شاء الله تكون صالحة ..وزيد اذا كان علاقتك بزوج طيبة حتى وان كان من النوع الذي لا يهتم كثيرا بالاصلاحات بالبيت وتاكدي ان عمر الحال ما يبقى على حالو
حاولي تعملي تغييرات استعيني باهلك وبعائلتك في ترتيب البيت وتنظيمو خصوصا انك حامل وفي شهورك الاخيرة يعني الاستعانة بالاخرين شيئ عادي طبيعي
هوني عليك اخيتك ولا تعطي الامور اكثر من حقها
ازال الله همك وغمك وفرج عنك كربك ورزقك من حيث لا تحتسبين لكن اياك واياك واياك ان تهملي بنيتك لاننا نسعى جميعا من اجلي ابنائنا ثم انفسنا بعد ذلك
لاتقنطي من روحي الله






رد مع اقتباس
قديم 2017-08-06, 10:11   رقم المشاركة : 14
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي

السلام عليكم ... شكرا أم متين على الدعاء ربي يحفظك و ان شاء الله لك بالمثل ...
بالنسبة للنصائح لي مدتهوملي حبيبة يعطيها الصحة راني طبقت البعض منها و لقيت النتيجة هايلة مثلا تخت البوطاجي لميت الأغراض كل صنف في علبة مثلا الروبو و الميكسور تاع البرا و الباتور و الميزان نظفتهم و حطيتهم داخل هلبة بلاستيكية كبيرة تتغلق هكذا تهنيت من الكراطن تاعهم و كل حاجة وين تترمى
لميت كل الطوابع تاع القاطو و ليكيسات و لي غوم و الملونات ... في علبة مغلة ايضا تحت البوطاجي
لميت لي تورنوفيس و البلونات و المسامير و البانس و الكلاب .... في علبة مغلقة تحت البوطاجي
لميت كل شيء يبقالي في أكياس بعد ملأ العلب من حمص و سكر و معجنات و قهوة ..... علبة بلاستيكية مغلقة تحت البوطاجي أيضا
لميت كل المغارف الكبار و الصغار و الفراشط جدد غير مستعملين في علبة بلاستيكية صغيرة مغلقة ايضا تحت البوطاجي
بالنسبة للعلب استغليت علب مسحوق الغسيل لو شا le chat كانو عندي غسلتهم و نحيتلهم الكاغط لي فيهم و نشفتهم و حطيت فيهم أدوات الحلويا و الثانية حطيت فيها واش يبقالي في أكياس من حمص و سكر و عجائن و بن ....
زدت فرغت الدقيق و الفرينة و المايزينة و الطعام ..... كل حاجة في دلو صغير بالغطاء تاعو
بالنسبة للقدور و الطناجر درت كل حاجة صغيرة داخل الحاجة الاكبر منها و غطاء كل قدر لميتهم في علبة مستطيلة الشكل حتى يسهل العثور عليهم
اصبحت الحالة منظمة بالنسبة لواش كانت من قبل مع العلم الرفوف لم تركب بعد من بعد نشوف كيفاش نركبها ان شاء الله
غسلت الكويزينيار و الحمد لله بعد جهد جهيد تمكنت من تفكيك زجاج الزجاجو غسله جيدا بالاضافة لخلف الكويزينيار و نظفتها ايضا و رجعت كل حاجة لمكانها و غسلت نافذة المطبخ و غسلت الفايونص تاع المطبخ و غسلت الثلاجة من الخارج فقط لانها من الداخل نظيفة تحتاج فقط مسحة خفيفة و اعادة ترتيب فقط
غسلت علب التوابل و الرفوف تاعها و نشفتهم و اعدت ترتيبهم
تحت البوطاجي مازالت جهة فقط لي نحط فيها زيت الزيتون و الصحون لي ما نستعملهاش دائما هادو قلت حتى نشري سيلوفان و نغلفهم بعد ما نغسلهم
و غسلت تحت البوطاجي ايضا وين دايرة سلة للصحون و الكؤوس اليومية انا ما نحبش نحطها فوق البوطاجي لأني نفضلو فارغ هكذا يبانلي مرتب ��
بالنسبة للثلاجة لما غسلتها من برا لقيت فوقها معمرة غبار لذلك حطيت قطعة طوانسيري فوقها لتجنب توسخ الثلاجة من فوق و نظفت البانينوز و حطيتها فوق الثلاجة و جنبها سلة الخبز
واش تاني !!! المهم الموزينة الآن راهي تشعل مازال حاجات خفاف ان شاء الله صح تعبت بزاف و كنت نعمل و نسيل بالعرق و نمشي بالقرعة تاع الماء لكن الحمد لله كملتها
بالاضافة للروتين الاسبوعي لتنظيف البيت عندي على الاقل مرة في الاسبوع نظف البيت لاني طول اليوم اعمل و ادخل احيانا متأخرة للمنزل يا ربي قيس ما نطيب !
لكن يبقالي مشكل لي ما قدرتش نحلو انا نعمل بجهد في عطلة الاسبوع و نقي الدار لكن طول الاسبوع نحس روحي ما نقدر نمس والو يا ربي نطيب و نتعشاو و نروح نتكا نفشل و نثقل ما نقدر نمس والو ! فتتراكم الملابس المتسخة حتى و اذا غسلتها ما نقدرش ننشرها و الماعن يبقاو تاع اليوم على تاع غدوى و هي رايحو حتى يولو جبل و نوض موراها شويا بكري و نغسلهم قبل نا نروح للعمل
حتى البيت ما يتهواش اي لا تفتح النوافذ لأننا نخرجو من الصباح لليل
و حتى النفايات لما نرجع للبيت يكون الزبال راح و تتراكم النفايات والله نكره حياتي لاني نقولو ندوها معانا الصباح في السيارة نرموها هو ما يحبش يقولي تفوح الطونوبيل و احينا والله حتى يدير الدود و نلقاه يدور في ارجاء البيت حتى نعيفو و نكرهو نوض نسيق على سعدي في الليل و نوريلو الدود باش يقدر بصح والله لا حياة لمن تنادي ��
هذو أهم مشاكلي في البيت !







رد مع اقتباس
قديم 2017-08-06, 10:18   رقم المشاركة : 15
معلومات العضو
سيرين 5
عضو فعّال
 
الصورة الرمزية سيرين 5
 

 

 
إحصائية العضو










افتراضي

كاين قناة أيضا هايلة وسمها طبخ و تدابير مع داداح عجبتني هايلة فيها أفكار رائعة ... ممكن تفيدكم لي يحب يضرب طلة عليها







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 17:18

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2017 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2016 vBulletin Solutions, Inc