أسعار الخياطة

[angel_girl]

السلام عليكم
تختلف أسعار الخياطة و التطريز من مدينة لأخرى و من خياطة لأخرى و تختلف أيضا حسب الخبر و الإتقان و الموديل لكن أحيانا تكون الفروقات كبيرة و خاصة بين أصحاب الورشات و العاملات بالمنزل فهناك من الخياطات من تمتهن الخياطة و هي لقمة العيش و هناك من تعتبرها تسلية و هواية أو بالعامية مصروفة زايدة
في هذا الموضوع يشرفني أن نتناقش على الأسعر و كل وحدة تقولنا بقداه تخيط إذا كانت خياطة و بقداه خيطولها إذا خيطت عند الخياطات و نقارنو الأسعار بين مختلف الولايات و المناطق و الموديلات.
و باش نسهلو و نظموا النقاش يمكن أن نضع كل أسبوع لباس معين أو نتناقشو عليه. ما رأيكم؟

[رحيق النحل]

و الله غير فكرة هايلة هكذا اي وحدة حابة تخيط للناس او يخيطولها تكون عندها فكرةما تزدمش على العمى و نتمنى يكون تفاعل من الاخوات الكريمات هكذا نفيدو و نستفيدو رايحة نبدا انا كنت مرة عند الطبيبة و لقيت وحدة تخيط لي كوفرلي بالبانتر قالت الكوفرلي بالمسند و 2 مخاد و 2 كاريات ب مليون و 800 الف و الكوفرلي وحدو ب 600 الف رايحة نزيد نسأل على حوايج اخري و نحطلكم الاسعار للعلم انا من عنابة. لي عودة للموضوع ان شاء الله .

[angel_girl]

شكرا على مرورك و ننتظر باقي العظوات من أجل اكتساب الخبرة في هذا المجال

[angel_girl]

وقيلة الفكرة ما عجبتكمش لكن أنا تبانلي أنو من المهم تكون عندنا فكرة على الأسعار قبل ما نخيطو

[سَلْسَبِيّلْ]

و الله الخياطة راهي الناااااااااااااار
انا ماعنديش بزااف ملي تعلمت يعني راني نخدم للدار برك

[angel_girl]

مرحبا بيك hanadi193 مش مشكل هنادي لكن أكيد عندك فكرة على الخياطة في منطقتكم .

إذا كانت الأخوات موافقين على الفكرة نحطو كل مرة لباس معين و نهدرو على الأسعار تاع الخياطة في كل منطقة كيفاش و هكذا الكل تكون عندو فكرة بسيطة

[sondse1]

فكرة باهية خيتي
انا كيما الاخت هنادي غير كيما تعلمت الخياطة نخيط غير للدار ولافامي وديفواصحاباتي
مي الخياطة راهي غلات
قبل كانت 40الف حق الايد وذرك راها من 100الف لفوق

بالنسبة للتروسوات
تاع المسلول وغرزة الحساب
من 800الف الى 25مية "2ملاين و 500"
لسموكس
من 600 الى 18مية
الكروشي
من 500الى15مية

وهذا كلو على حساب السلعة والمودال

و تاني على حساب شهرة الخياطة يعني الا عادت مشهورة رح تغلي عليك السومة اكثر من الباقي

لي عودة للموضوع

[ريونة04]

باهي الموضوع وراني معاكم وثاني كل خياطة وسومتها انا نخيط حاجة سامبل ب60.000والحاجة الي تكون فيها الخدمة تاع اليد تختلف السومة تاعها من 100 الف وطلع

[bas]

موضوع مليح حنا عندنا فى البرج السانبل ب -ستين الف

[باسم وبيسان]

مرحبا علبالك سبقتينى كنت انا تانى حابة نحط هدا الموضوع المميزة مشكورة اختى نرجعو للخياطة انا تانى ماعنديش بزاف ملى بديت لكن انا سبقتكم شوية سندس وهنادى هههه طورت من خياطة لدار واقارب عدت نخيط باسوارد معلياش عدت عندى شوية كليونط انا نخيط قندووورة ب 40 نلف انا نشوفها معقولة برابور لغلى لي خيطو بيه هكاك ونلقىتعاليك سعدينى شوية كى/شفونى جديدة حقرونى / ومالفين يخيطولهم غاليين وانا تانى قعدى نتعب اكم تخيطو وعلبالكم

[ANNA LEULMI]

وايالله احنا عندنا في تبسه تلقها الخياطة كي تدير اتوليي جديدة تلقي الخياطة نتاعها ماشي غالية ومبعد كي تتشهر تولي يا ويلي كيما التوقاف نتاع القنادر 100الف و الرقابي نتاع الكروشي من 170 و طلع بصح تختلف عندنا ماشي كيما السونترفيل كيما لي زونفيرو تلقاي الغالية ولي شوي شوي و لي تحب تمارس الهواية برك تلقايها ما تتطلبش دراهم ياسر لي عودة نشالله و نحطلكم لي مودال وبقداه مخيطتهم

[ممتي نايا]

والله هذا موضوع هايل أنا من واد سوف وعندنا الخياطات ياسر بصح الدراهم غالية مثلا وحدة راح تزوج دراهمها تروح عند الخياطات فقط بعض روب الدار كي تحوس تشري باقي لحوايج تلقي الدر اهم راحو أنا الحمد لله راني بديت نخيط وحدي

[زنجبيل11]

فكرة مليحة انا بعض الاحيان نخيط حوايج ساهلين بصح ما نعرقش الشومة نقبل بلي شيء

[انا حبة سكر]

موضوعك رائع بالنسبة ليا القندورة العادي الى قالون ولصق بلا فصالة 50 وتكون قماش عادي مثل الشاش اما القاطيفة تختقل وكي نزدلها الكروشي والعدس وووو المهم لو تكون صورة احسن او كل وحدة تحط قندوة ودقول بشحال دارتها
شكرا عالموضوع

[ام مريم اسراء]

شوفو الاسعار تختلف باختلاف الخياطات في الاغلب الي حالين في ديارهم ارخص من الي عندهم اتوليي تقول يحسبو عليك سومة الكرا و الكعرباء و الماء وحتى الجافيل و السانيبون الي يسيقو بيه اغعزكن الله
انا نعرف وحدة الخياطة تخسط الحجابات بلا لاديبلور 1300 و الي بالدوبلور 1700
و جبب الدار 400 حاجة سانبل و كل وحدة و سومتها نتاع الطرز بالشرائط الساتان اقل شيء 900 اما جبب الثقال 4000 دج و قفاطن اقل شيء 1300 كلشي من عندك و اذا شريتي القماش و الخياطة تتكفل بالغالون و العقادات و حزام القفطان يقدر يصل السعر 7000
السواري اقل شيء 3000 اما السواريهات السانبل 1500 يعني حاجة باينة مخيطة
اما الزي التقليدي مثلا جبة نايلي يلحق سعرها60000 دج الخياطة
و االسعر تقومو الخياطة حالها حال القاضي ياك عندو السلطة التقديرية هو يميز السعر
لكن فعلا الخياطة مهنة متعبة و ممتعة و يضلها حل للسمينات و الرقيقات بزاف ميلقاوش المقاس نتاعهم
و ثانيا تبقى ارخص من البري تابورتي اللباس الجاهز
و يبقى ملاذ الي ذوقها اعوج كيما انا نحب نلبس فساتين من تصميمي يمالا صعيب تفهمني الخياطة و الله مرات نقول غير برك تجيبلي الموديل الي حباتو و الله نزيدلها 1000 مش خسارة ههههه