وصفتي المميزة للمشوك ،، جربيها و ادعيلي

عماني نور · 2013-08-02, 14:29

السلام عليكم و رحمة الله و بركاته

عيدكم مبارك مسبقا ^^ و ربي يتقبل منّا و منكم الصيام و القيام و صالح الأعمال ان شاء الله

هذا أوّل موضوع ليا فهاذ القسم ،، عجبوني بزاااف وصفاتكم علابيها حبيت نشارك معاكم بوصفة المشوك الي ان شاء الله تعجبكم و تجربوها و تدعولي

(( شوفو هي كي عجبت عجوزتي اعرفو بلي مليحة

)) ==< ادات الفيزا

انا عندي وصفة شوووووية خاصة ،، و عندها بنة نوعدكم تكون مميزة ،،

المكونات :

250 غ مارغرين طرية
4 صفار بيض
كأس كاوكاو محمص مرحي رقيق
نصف كاس سكر ناعم (( تقدري تنقصي ،، انتِ و ذوقك لاخاطرش رايحة تزيدي العسل ))
نصف كاس حلوة الترك (( هاذي تعطيك بنة مميزة ))
و المفاااااااااااااجأة بدل الجلجلان الي بزاااف ناس يديروه فالمشوك (( انا مايعجبنيش

)) تديري نصف كاس جوز مرحي و الأحسن يكون الجوز الي يجي في حبات صغيرة ،، ماعلاباليش كيفاش نشرحهالكم

الجوز ماشي الكبيير ،، هاذاك المدور الصغير

ذوقو أقوى و احلى و يخلي المشوك تاعك ريحتو و ذوقو و لا ارووووع

قتلكم بشهادة حماتي الجادورة ،، آآه قصدي الراااائعة الحنونة

و فانيليا ،، كيس خميرة كيميائية ، و فرينة باش تتلم

و للتزيين أكيد بياض البيض ،، و كاوكاو مرحي خشين ،، و كرز للتزيين ولاّ كاوكاو ولاّ فواكه مصبرة كيما تحبو انتوما و ذوقكم

التحضير :

خلطي المارغارين + السكر مليييييح ،، زيدي صفار البيض
و بداي تحطي الكاوكاو ، حلوة الترك ، الجوز و تخلطي + الفانيليا ، الخميرة ، الفرينة حتى تتلم العجينة

خليها تريح شويه ،، اومبعد شكليها على شكل كويرات صغيرة و ديريها فبياض البيض ،، اومبعد رمديها فالكاوكاو و ديريها فليكيسات و زينيها من فوق

طيبيها لمدة 20 دقيقة ،، و غير تخرجيها مالكوشة في كل حبة فرغي مغرفة تع العسل

ايا بصحححححتكم ^^

ان شاء الله تجربوها و تقولولي رايكم

انا نوعدكم بانها تكون ناااجحة 100/100 ،، خفيفة ،، طرية ،، و ذوووق و لا اروع (( سلامة الجوز و حلوة الترك

))

ماقدرتش نحط صورة

،، قالك لا يسمح بوضع روابط إلاّ بعد 30 مشاركة :/

مريم سلمى الجزائرية · 2013-08-02, 14:34

السلام عليكم و رحمته تعالى و بركاته:
بارك الله فيك أختي على الوصفة و سأعمل إن شاء الله على تجريبها.
حاولي المشاركة في عدة مواضيع حتى يصل عدد مشاركاتك 30 فتستطيعي تزويدنا بالصور يا أخية.
حفظ الله لك والديك و حفظ الله من أنجبت لك شريك حياتك .
تقبل الله منك ومنا الصيام و القيام.

ريان 7 · 2013-08-02, 14:39

مشكورة يعطيك الصحة

عماني نور · 2013-08-02, 14:43

اقتباس:

المشاركة الأصلية كتبت بواسطة مريم سلمى الجزائرية

السلام عليكم و رحمته تعالى و بركاته:
بارك الله فيك أختي على الوصفة و سأعمل إن شاء الله على تجريبها.
حاولي المشاركة في عدة مواضيع حتى يصل عدد مشاركاتك 30 فتستطيعي تزويدنا بالصور يا أخية.
حفظ الله لك والديك و حفظ الله من أنجبت لك شريك حياتك .
تقبل الله منك ومن الصيام و القيام.

و عليكم السلام و رحمة الله و بركاته

ان شاء الله تجربيها و تعجبك و تدعيلي ^^
و شكــــــــــــــــــــرا على الدعوة الحلوة

ربي يحفظك مام انتِ و يفرح قلبك ان شاء الله