|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
بطاطا رابي على شكل طورطة وقلوب باللحم والصلصة الرائعة
 |
|
|
أدوات الموضوع | انواع عرض الموضوع |
2017-06-03, 21:46
|
رقم المشاركة : 1 | ||||
|
بطاطا رابي على شكل طورطة وقلوب باللحم والصلصة الرائعة
السلام عليكم ورحمة الله وبركاته دائماً مع السهل والسريع ووصفتنالليوم سهلا وبنينة بطاطا راپي على شكل طورطة اولا اعتذر ...لأنوالصور طارو من التليفون وين راحو منعرف    المهم في قدر نطيب طرف لحم في صوص حمرا يعني حبة بصل مراپيا ثوم ملح فلفل اسود لفاح حبةطماطم حب مراپيا مغرفة كبيرة طماطم مصبرة حبة بطاطا صغيرة مقطعة مكعبات وحبة جزر ودبشة وزيت نقلي اللحم مليح ثم نمرق ونخليه يطيب من جيهة نقشر حبات بطاطا نغسلهم ثم نراپيهم ثم نعصرهم من الماء اللي فيهم نضيفلهم حبة بيض وثوم غبرة ورشة زنجبيل وفلفل اسود نسخن الزيت في مقلا صغيرة او طاوة المهم ما تكونش تلصق نقسم الخليط على ثلاثة نطيب اول جزء نفرغو في المقلا ونحاول نطرحو مليح باه كي يطيب ويحكم روحو نتحصل على شكل قرص وهو من البطاطا كي نشوفه حمار وحكم روحه نقلبه حتى يطيب نكمل بنفس الطريقة الجزء الثاني والثالث نتحصل على ثلاث أقراص نحطهم بجيه ونروح للحم نحي اللحم نتاعي نفتو ونحطه في مقلا ونضيف له ملعقة موطارد ملعقة خل ملعقة هريسة وطرف صغير نتاع زبدة شوية ثوم توابل اللي تحبي زيت ونقليه مليح في المقلا دقائق فقط راح نتحصل على ذوق رائع  نأخذ اول قرص نحطه في صحن ثم نحط كمية من اللحم ثم كمية من الفرماج السائل ثم قرص من البطاطا ثم كمية من اللحم ثم شوية صوص طماطم ثم قرص اخر ثم شوية لحم في الوسط وفرماج راپي وندخل الصحن الى الميكروواند او نضع الكل في صحن اللي يدخل للفور وندخله حتى يذوب الفرماج نرجعه للمرق اللي طيبنا فيه اللحم ناخذ مقدار كاس من المرق ونضيف له ملعقة كبيرة فرينة ثوم غبرة فلفل احمر مرحي حار ونخلط مليح بعد ما نرحي المرق اللي فيه البطاطا والجزر نرحيهم بالبرا ميكسور مليح ثم نحطها تغلي ثم نضيف الكأس اللي اضفتلو الفرينة ونخليه يغلي شوية ونطفي نتحصل على حريرة بنينة وخفيفة اممممممم خاصة راهي حارة تهبل تهبل  صحه فطوركم حباباتي دعوة خير براحة البال قلوب باللحم المرحي والصوص    دائماً مع السهل بها وبنة ''''"" تووووووووووب خذي كمية من اللحم المرحي تبليه بالفلفل الأسود ..ثوم.. ملح ..لفاح ..زنجبيل.. شوية نشاء ..ملعقة كبيرة زيت.. وخلطي مليح ..ثم خذي بالكمية صغيرة واحشي بالفرماج وحطيه في قالب على شكل قلب ثم اقليه في الزبدة والزيت ..... على نار ذليلة ..بعد ما تقليه.. نحيه..  وحطي في نفس المقلاة شوية فرينة وحركي.. ثم صبي فيه كاس من مرق اللحم اذا عندك او ماء وحدو وفرغي 3 م ك من الكريمة الطازجة ( كرام فراش ) وحركي وحطي اللحم نتاعك يتقلى شوية في المرق و غطي عليه ومن بعد طفي  من جيهة طيبت حبات بطاطا غليتهم ..ثم ارحيتهم.. اضفتلهم شوية فرماج ..ملح ..وفلفل اسود.. ثوم غبرة.. وطرف زبدة ..وحركتهم مليح وقدمتها مع اللحم المرحي.. والصوص ..وزينتها بحبة طماطم كبيرة ..كنت قشرتها.. وقطعتها مكعبات.. درتها في مقلاة مع شوية ..ملح ..وفلفل اسود ..ثوم ..ودبشة ..ورأس فلفل حار مقطع رقيق ..وزيت وحبات جلبانة مصبرة او تكوني غليتيها من قبل ..طيبتها غير شوية والله طعم لابيغي مع الطماطم روعةةةةةةة ذوق لا يعلا عليه جربوها أكيد راح تعجبكم الطبق سهل وبنين وما يكلفش بزاف في أمان الله غالياتي
|
||||
|
|
2017-06-03, 22:03
|
رقم المشاركة : 2 | |||
|
يعطيك الصحة اختي اسمهان وصفات روعة لشهر رمضان المبارك شكرا |
|||
|
|
|
2017-06-03, 22:48
|
رقم المشاركة : 3 | |||
|
صح رمضانك وصح فطورك أختي اسمهان |
|||
|
|
|
2017-06-03, 23:12
|
رقم المشاركة : 4 | |||
|
دائما مبدعة اختي اسمهان يعطيك الصحة ربي يعطيك ماتتمناي و يخليلك عايلتك. |
|||
|
|
|
2017-06-04, 00:43
|
رقم المشاركة : 5 | |||
|
رمضانك كريم شاف إسمهان كلش روعة مبدعة ووصفاتك في القمة كما عودتينا |
|||
|
|
|
2017-06-04, 01:04
|
رقم المشاركة : 6 | |||
|
يعطيك الصحة اختي دائما متألقة ، ربي يجزيك كل خير |
|||
|
|
|
2017-06-04, 11:39
|
رقم المشاركة : 7 | |||
|
ماشاء الله فنانة ومبدعة بارك الله فيك وجعله في ميزان حسناتك
بالمناسبة جربت العديد من اطباقك فعلا كانت في القمة الف الف شكرا |
|||
|
|
|
2017-06-04, 16:15
|
رقم المشاركة : 9 | |||
|
sa7a ramdank wya3tik alf sa7a whna nchlh ntab9ohom binaja7 |
|||
|
|
|
2017-06-04, 19:08
|
رقم المشاركة : 13 | ||||
|
اقتباس:
|
||||
|
|
|
2017-06-04, 19:09
|
رقم المشاركة : 15 | ||||
|
اقتباس:
وبارك الله فيكي وفِي ردك الرائع |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
