بكالوريا 2015 أحرار، شكون بدا يقرا؟

Help_Me · 2014-10-19, 22:23

..........

أم احمد3 · 2014-10-19, 22:34

انا ننصحك. دير برنامج اكتب في ورقة واش تدير في الاسبوع لان الانتظار يولد الكسل. والشعبة صعبة شوية لازم تضمن روحك يعني تقرى في كل وقت في الاخير انا ادب وفلسفة

aicha78 · 2014-10-19, 22:47

اقتباس:

بكالوريا 2015 أحرار، شكون بدا يقرا؟

أنا مازال قع ما بديتش ...... عاونونا الله يحفظكم

علابالكم والله جربتها، مكاش قع لي يعاونك ولا يساعدك، تصيب قع الناس تخمم غي على روحها......

شكرا

مزااااال الحال ماديرش في بالك بلي راك متاخر ابدا ليوم قبل غدوا .. الشروع في العمل نصفه .... نظم وقتك دير كل حاجة في مكانها وقت للراحة لتسلية لكلش بصفة عامة و وقت للقرايا و حاول على قد ما تقدر التزم بيه .. يا لوكان كل يوم شوي و مايطيحلكش المورال كون يفوت يوم و ما تقراش عادي ليوم لي بعدو عوض .... قرر باه تبدا خطط ابدا و الى الامام و بربي تنجح ..... المهم لمووورال الجانب النفسي مهم جداااا دير في بالك حاجة وحدة انك قادر ثق في نفسك و ادعي ربي و توكل عليه .. و الله لا يضيع اجر من احسن عملا ... بالتوفيق

aicha78 · 2014-10-20, 23:38

اقتباس:

اذا نتنا ماكش حاب تبدا تقرا و تعاون روحك علاش تحوس على الناس يعاونونك ؟ كل واحد يعوم بحرو كيما يقولو تقرا تنجح ماتقراش ماتنجحش

هو حاب يقرا يا ختي و شكون مش حاب ينجح و مش حاب يعاون روحو ..... و وش فيها اذا الناس عاونوه بلاك يشجعوه و يحفزوه ووووووو و يديواجر لانو عاونوه لاشتا بكلمة تفرح ..... او دعوة .... او معلومة ... و هاذي نتاع كل واحد يعوم بحرو كل واحد فينا معرض انو يحتاج شخص يعاونو و هو مطلبش حاجا عيب .... و نتاع تقرا تجيب ماتقراش ماتجيبش .. كون برك بدلتيلها طريقة انو تنصحيه لازم تبدا باه تنجح و تفرح و تفرح والديك ووو تحفزيه .... انا مش ننتقد فيك ولا حاجة برك حبيت نقلك لازم صح نعاونو بعضانا ماناش في مسابقة اكل حابين نفرحو و ش فيها لا فرحنا كامل و دعينا لبعضانا و لي محتاج تحفيز خوه يحفزو ... و لي محناج معلومة يمدها لخوه ...... اصلا هذا هو هدف المنتددى ربي يوفقك ختي و ينجحك و ينجحنا اكل
امييين يا رب العالمين

فازو · 2014-10-21, 14:27

سلام
انا مازال مبديتش نقرا اصلا ما علاباليش الدروس اللي مانقراهومش في الرياضيات و الفيزياء علم تجريبية لانالكتاب المدرسي واحد عاونوني ربي يعاونكم و الوقت مازال ما فاتش و ان شاء الله السنة نعاونوا بعضانا

melsa · 2014-10-21, 14:43

انا يا خويا حابة نسقسيك على التسجيلات
انا عندي الباك دوكا كي نجي نعاود نسجل لازملي شهادة مدرسية ولا شهادة النجاح
تعيشو جاوبوني

hamzagolf6 · 2014-10-21, 15:18

اخواني انا سجلت احرار واوقفت العام الجامعي
اخواني شكون جاتو البداية صعيبة بزاف
خصوصا مع الدروس الاولى >

melsa · 2014-10-21, 15:24

hamzagolf6
كيفاش سجلت خويا
قصدي واش حطيت شهادة مدرسية والا شهادة نجاح

دفء الجيهان · 2014-10-21, 15:55

هل تم قفل أبواب التسجيل؟ .. لأنني غير مسجلة بعد في بكالوريا الأحرار هل لدي فرصة للتسجيل الآن ؟؟

melsa · 2014-10-23, 12:34

اقتباس:

المشاركة الأصلية كتبت بواسطة help_me

يا أختي لازم شهادة مدرسية باسكو غي صباح سقسيتهم و قالولي جيب شهادة مدرسية من الثانوية لي كنت تدرس فيها، مالـgـري أنا رابح باك 2013

بارك الله فيك أخي
بالتوفيق ان شاء الله ليك ولينا كامل

سمو امير الكلمات · 2014-10-21, 16:04

يتم غلق الموقع يوم 31 اكتوبر

hamzagolf6 · 2014-10-21, 16:14

شهادة مدرسية

سمو امير الكلمات · 2014-10-21, 16:19

أخي أنا بصراحة لم أقرر بعد اعادة البكالوريا في حين انه لم يبقى وقت ... كثير أفكار تخطر في بالي واخاف أن اندم في اعادتها لأنه وبصراحة لن أجمد السنة الدراسية بالجامعة...وان اعدتها سوف نساعد بعض اخي على فكرة انا شعبة علوم تجريبية

melsa · 2014-10-21, 16:56

يعني شهادة النجاح لا تثبت مستوى السنة الثالثة ...
لانو يتعذر علي احضاره الان

رواسي · 2014-10-22, 10:12

السلام عليكم

أنا شعبة علوم تجريبية

وقررت بإذن الله إعادة البكالوريا هذه السنة
تحصلت عليها بمعدل عشرة ولم تنفعني بشيء صراحة

وبديت نقرا سأوافيكم ببرنامج وضعته للدراسة أنا راه مساعدني بزاف والحمد لله

مزال مادفعت الملف والخلاص تع البكالوريا راني غير مع الكواعط نجري