بالنسبة للمواد العلمية حاولي تفهمي الدروس جيدا مع الاستاذ في القسم وكي تروحي حلي التمارين
خصصي على الاقل ساعتين كل يوم لمادة علميةمثلا اليوم درتي رياضيات غدا فيزياء اللي بعدو علوم المهم على الاقل ساعتين تبداي تلقي فيها نظرة على الدرس حتى تتذكري القوانين والدرس بصفة عامة وبعدها تشرعي في حل التمارين ..
بالنسبة لتمارين الفيزياء موقع الاستاذ قزوري وموقع الاستاذ فارس فرقاني انصحك بهما فيهم تمارين مع الحلول تفيدك جدا ..
الرياضيات ما لقيتش موقع مليح لحد الان سوى قناة الاستاذ نور الدين على اليوتيوب لكن لا تكثري من الجلوس على الحاسوب واستعمال الانترنت حتى ان كانت للبحث عن الدروس لانها تاخذ وقت كبير.. استعيني بتمارين الدروس الخصوصية تاعك ..
العلوم احسن كتاب هو احمد امين خليفة انا شخصيا ما حليتش عليه بزاف تمارين لكن ندمت جدا لانني لم استعمله ..
بالنسبة للمواد الادبية كل واحد كيفاه مثلا كاين ناس تحب تحفظ الصباح وكاين ناس تسهر انت مش لازم ديما نفس الطريقة مثلا النهار لي تسهري ما تنوضيش بكري ونهار لي ترقدي شوي بكري نوضي الصباح على 5 ولا 4:30 كل واحد على قداه يقدر ينوض .. حاولي تحفظي دروس الفصل الاول قبل امتحانات الفصل لاول ونفس الشيء 2 و 3 وان لم تدركي الروس في الوقت المحدد بامكانك تداركها في العطل مثلا العطلة هادي الجاية تاع الشتاء لازم تزيري روحك وتحفظي دروس وشخصيات تاع الفصل الاول باه ما يلحقش عليك الفصل الثاني ..
بالنسبة للادب العربي والفرنسية والانجليزية ماهمش حاجا صعيبا بزاف كاي في الانترنت وفي موقع الدراسة الجزائري ملخصات تاع الدروس تا المواد هادو في 3 و حلي بكالوريات الاعوام الفارطة من 2008-2015 هادو بربي ان شاء الله يكفيوك باه تراجعي وتحضري بيهم للباك بالاضافة لمواضيع الفروض والاختبارات والبكالوريا التجريبية لي ديرو يكفيو
الفلسفة ما نحبش ننصح فيها بزاف لاني اصلا م كنتش نحبها هههه في الفضل الاول ما قريتهاش خلاص ما حليتش الكراس غير نهار الفرض والاختبار جاتني المقالة لي حافظة ابتداءا من الفصل الثاني حطيت راسي وتبعت مع الاستاذ وجبدت مقالات من اانترنت وعاودت صياغتهم بطريقتي الحمد لله تحصلت على 11/20 ليست ممتازة لكن المهم لم تكن مادة مسقطة بالنسبة لي ولو انه يمكنني ان اقول ان الحظ لعب دوره معي السنة الماضية وكان الى جانبي قليلا في مادة الفلسفة ههههه ما كنتش واجدة 100/100 فيها صح درت لي عليا مي ماكفانيش الوقت باه نحفظ ونوجد كل المقالات الا ان استاذي في الثانوية منن الفصل الاول الى 2 الى 3 وهو يقولنا ركزوا على المقالات التي تتحدث عن العلوم التجريبية والتجريب على المادة الحية ... الحمد لله المقالة لي درنها بكالوريا تجريبية جاتني في الباك ..
لا تنسي ان تضعي كل يوم هدف مثال : 1- اليوم نحل 5 دوال و 5 تمالرين علوم و 5 فيزياء باه نرقد كون ما نحلهمش ما نرقدش ( قولي كيما هكا باه تخافي من روحك ههههه )
2- اليوم نحل 3 تمارين فيزياء ولا علوم ولا رياضيات ونحفظ 2 دروس شريعة ( تحفظيهم يعني تحفظيهم ما فيهاش قبل ما نرقد لازم نكملهم ولا ما قدرتش صباح نوض نكملهم باه نروح نقرا *** يجب ان تتحدي نفسك قولي ديما هاك في قلبك باه تقدري طبقي )
اكيد ماش راح تجهدي نفسك فوق طاقتها انت المهم ديري لي عليك باه نهار خلاف كا تقوليش يا ندامتي لوكان نضت بكري ولكان سهرت شوي ولوكان حليت حتى 5 تمارين زيادة راني جبت معدل وراني في منصب مليح وراني وراني ..
الانسان يتخذ الاسباب والباقي على ربي وكل شيء بالمكتوب اختي ما تقلقيش روحك توكلي على ربي وخلي ثقتك في نفسك كبيرة وما تفقديش الامل مازال الحال ومازال عندك الوقت باه تعوضي الشيء لي ما راكيش فاهماتو ..
صلي وقومي بواجباتك الدينية ادعي ربي يوقك ويطمن بالك ويعطيك القدرة على الدراسة ويعطيك ايضا الايمان القوي الكافي باه ترضاي بالنتيجة مهما كانت ..
علابالي راهي صعيبة بزااااااف وراح يجيك توتر وقلق وضعف وفقدان امل احيانا خاصة في هذا الوقت لما يقرب جانفي ويفوتو الاختبارات تبنلك روحك مازلت ما درتي والو راني مجربتها لاني فوت الباك العام لي فات وللاسف ما جبتش المعدل لي حاباتو جبت 13.48 واملي كان 15 راح نعاود هاد العام وما نكدبش عليك انا راني خايفة اكتر منك لاني ديجا جربت وعلابالي كون ما نجيبش هاد العام راح يروحو احلامي وطموحاتي .. ( المهم لي كاتبة عن ربي هاديك هي ) لكن هذا الاحساس تقاوميه بالشيء ليكنت نقلك فيه من قبيل ..
ربي يوفقك اختي واي حاجة ما فهمتيهاش ولا عندك تساؤل راني في الخدمة نقدر نجاوبك ..
( تقرير عن مشاركة سيئة )، و الموجودة أسفل كل مشاركة .
2015-11-26, 12:12
احتاجكم
العرض العادي
