دورة الفراشات الشاطرات في التنظيم و التنظيف خلال اجازة الصيف

[منال100]

انا منعرفش وش يحب يقول غروب بصح لفيه فايدة لينا راني موافقة
انا حاجة لتهمني هي نفضفضو على قلوبنا باش نقصو القلق نتاع الخدمة خارج البيت وداخله ونساعدو بعضنا في العمل المنزلي واتباع الطرق السهلة الي تخلي بيوتنا نظيفة بدون ملل ولا تعب
لأنه بكل صراحة بمتابعتكم تغيرت حياتي اصبح بيتي اكثر نظافة
فشكرا للجميع

[وفاء الياسمين]

المشاركة الأصلية كتبت بواسطة منال100

انا منعرفش وش يحب يقول غروب بصح لفيه فايدة لينا راني موافقة
انا حاجة لتهمني هي نفضفضو على قلوبنا باش نقصو القلق نتاع الخدمة خارج البيت وداخله ونساعدو بعضنا في العمل المنزلي واتباع الطرق السهلة الي تخلي بيوتنا نظيفة بدون ملل ولا تعب
لأنه بكل صراحة بمتابعتكم تغيرت حياتي اصبح بيتي اكثر نظافة
فشكرا للجميع

يتعمري على حبيبتي الزينة شحال طيبة و تحب الخير

ربي يفتح عليك حبيبتي

اذا فتحتن مجموعة (غروب) في الفايسبوك بالتوفيق

لكن رأيي أنَّ المنتدى هنا أفضل بكثير فيه حدود و فيه مراقبة احسن

و لكٍ رأيه

منال رانا هنا متجامعين على الخير نخلوها في الخير

اعرف جيدا الفايسبوك كثرت دخوله تسبب الادمان و من دون فلئدة

اعاننا الله و اياكم على الاستنفاع و النفع

بارك الله فيكم

اعتذر اختي النايلية لكن هذا رأيي

[منال100]

السلام عليكم
واش راك يا ام نسيبة العزيزة واش راها نسيبة ومول البيت كفاه راه ؟
ان شاء الله راك لباس وان شاء الله تكوني ريحت من ألم الضرس علابالي سوفريت بزاف ان شاء الله رب يكون دائما معك ويفتح عليك بما ينفعك يا رب
أما بالنسبة للغروب لراها تقول عليه النايلية العزيزة انا لا أعرف مامعناه بصح كقريت الرد انتاعك يا ام نسيبة وانت في النت لا يعلى عليك راك نبهتيني على حسابك نولو كالغنم بلا راعي
وسمحولي على هذا التعبير هكذا تقول أمي كتلقى الحاجة متعجبش على هذيك انا نحب السترة يعني غ بيناتنا معليهش بصح لعاد من هب ودب يشوف تعليقاتنا وتصاور بيوتنا هذه منقبلوهاش
رانا هكذا خير نعاونو بعضنا ونواسو بعضنا انا الصح الصح نحس روحي وسط خياتي واكثر كاين حوايج انتم تعرفوهم وخياتي لالا
واختي النايلية متزعفيش مني انت راك سألت قبل ما تفتحي هذا الغروب وانا نقولك يعطيك الصحة انت نيتك خير في خير وهذا كلنا متأكدين منو
بصح شوفي رأي الأغلبية
ام سلمى توحشتك بزاف وهذيك الصورة كشفتها البارح فرحت بزاف تعجبني طلتك البهية واش راه قصي بدأ يهدر ولا مازال أن شاء الله أحوالك راها تحسنت
سلام

[omselma]

مساء الخير خواتاتي العزيزات على قلبي واش احوالكم . ام نسيبة واشراكي نتمنى تكوني لاباس.
منال يعيشك يعيشك حبيبتي انا راني لاباس راني نتاقلم مع الظروف ضرك راني وحدي في الدار بصح والله خسرولي النية ربي يسمحلنا اجمعين. قصي راه لاباس يسلم عليك بدا يخلط برك في الهدرة بانتلي رايح ينطق بالانجليزية .العيد الكبير يدير عام زاد في العيد الكبير تاع العام اللي فات .حبيت نعرف وين راهم الاخوات حبيبة ام صبرين ام منال ام فاطمة ام مؤمن والبقية اللمة سامطة بلا بيكم ولا كاشما وين راهم ملمومين. وحنا لا خبر ام صبرين واش مدايرة صبرين في المدرسة