اعطوني وصفة القرويش ناجحة

[Oume nesyba]

من فضلكن ياعضوات متبخلوش عليا بوصفة القريوش كلما نجرب وحد متنجحليش و رجلي يحبو بزاف حبيت نفرحو اليوم متخيبش امالي واعطني وصفة ناجحة و للعلم معنديش مشينة ممكن نحل بالحلل لعجينة
مشكورين مسبقا ولكن مني اخلص التقدير

[lila gh]

marhaba oukhti ana jarabt la recette la3 oum amani rawra ydoub fel foum
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح

ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء

نطبقها كيما نعملو في العجينة المورقة
ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة
بعدها نحسب4 خطوط ونطبق
ونكمل نحسب 4 خطوط ونطبق حتى نكمل
نفتحها شوية في المنتصف

ونقلب من الجهة العلوية فقط
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة

[Oume nesyba]

بارك الله فيكي ربي يفرحك كيما فرحتني
\
مشكورة

[ام هاديل وياسين]

شوفي هاد الرابط فيه وصفة القريوش للاخت زينب https://www.djelfa.info/vb/showthread.php?t=1777532

[Oume nesyba]

merciiiiiiiiiiiiiiiiiiiiiiiii

[Oume nesyba]

شكرااااااااااااا

[hassiba.rida]

Ana maatamda had el wasfa tji haila,
pour : 500 g de farine + 125 g de margarine fondu + un peu de sel+ 1 c.cafe de vinaigre + 1 c. Soupe de fleure d'oranger + 1 paquet de levure + 1 oeuf melanger le tous puis ramasser a l'eau, tthasli a la ajina taria prendre un peu etaler au rouleau et couper des carree puis faire 4 bandes et les tresser et faire frire a l'huile chaud, ana laassal manderouche hata neklouh

[أم عبد الله السلفية]

قريوش زينب هي الأفضل

من نهار جربتها ما عدتش نستغنى عليها ختى بنتها هاااااااااااااايلة