█▓▒ 1as 2018 ▒▓█

[hiba regalo]

السلام عليكم

نظرا لرغبة بعض الاعضاء هنا

فتحت الموضوع لاصحاب الاولى ثانوي لاي استفسار او معلومات عن الثانوي والدراسة بها

اتمنى ان افيدكم

[اكرام الطموحة]

شكرا لك هبة على تلبية الطلب وفقنا الله و اياك
لي عودة مع مجموعة من الاسئلة ~~~~~~~~~~~~~~~~~~~~~~

[hiba regalo]

اوكي تفضلي

^^

انا في الخدمة

[اكرام الطموحة]

~أسئلتي ~
-هل لمن الممكن أن أبدأ دراسة في هذا الوقت اقصد من منتصف هذا الشهر ? و ماهي المادة التي تنصحيني البدء بها ....!
* ما هو الاصعب في السنة الاولى اقصد مواد !,
*كيف احسن مستواي في لغات,
كيف كانت معاملتك مع اساتذة اثناء الدرس من مشاركة و اسئلة و غيرها ,
* كيف كنت تحضرين للفروض و الاختبارات
* ممكن معاملات مواد اولى ثانوي!
و شكرا اكثرت عليك الاسئلة ^_^ *.*

[بآريسيه]

اهلا صديقتي هبة
بارك الله فيك على فتح هذا الموضوع القيم
االمهم لدي مجموعة من الاسئلة
هل تعرفبن كتب مطالعة باللغة العربية تحسن مستوى التعبير فانا لا اجيد التعبير باللغة العربية كثيرا

في العربية الوضعيات الادماجية عن ماذا تتمحور ?? ه

في العلوم هل تملكين منهجية الاجابة ام الاساتذة يقدمونها لنا

ماىهي اسهل مادة في عامك الدراسي

انا كلما انتقل الى مرحلة دراسية جديدة اتدهور مثلا عندما انتقلت للسنة اولى متوسط
مستوايا لم يكن جيدا ؟؟ فكيف اتاقلم في البداية

ماهي اهم المراجع التي تنصحينني بها في مختلف المواد

وفي الاخير لدي سؤال واحد
انا احب الفيزياء وفضولية في معرفة المزيد عنها
ووقعت عيني فيء احد المواقع على درس النظظائر
فدرسته وفهمت جزءا منه

المهم السؤال هو هل النظائر للذرات فقط ام ايضا توجد نظائر للشوارد وشكرا

[hiba regalo]

بالعكس ختي اسالي في اي وقت

هل لمن الممكن بدأ دراسة في هذا الوقت اقصد من منتصف هذا الشهر ? و ماهي المادة التي تنصحيني البدء بها ....!
انا ننصحك لالا كنتي في شهادة ارتاح حتى اواخر اوت مثلا وشوفي غير المات الدوروس الاولى فقط نظرة خفيفة والفيزيك ماكالاه باسكو كون تقريها دركا رح تكون عندك افكار خاطئة عليها ورح تتخلط تاني العلوم سااااهلة ماكالاه ننصحك باللغات اقري فيهم القواعد الاساسية

* ما هو الاصعب في السنة الاولى اقصد مواد !,
لا يوجد صعب ابدا ابدا ابدا كلها ساهلة وبرنامج مليح يحتاج التركيز والمتابعة سيرتو الفيزيك والمات باسكو تبع بعضاها كامل تحتاجيها دائما

*كيف احسن مستواي في لغات,
اسمعي مثلا محاضرات وافلام انجليزية وفرنسية دون ترجمة هكدا تعرفي طريقة النطق وتحبي تحسني قرائتك اقري روايات وقصص ولو قصيرة فيهم لكن ركزي انك تشوفي وتسمعي دون ترجمة واخدمي فقرات في كل المواضيع ومبعد صلحيهم بنفسك من خلال الانترنيت رح تتحسن كثيييرا تاني تعلمي مثلا كلمات جديدة ووظفيها في جمل وفقرات وحتى تكلمي بيها باه ماتنسيش , سر اللغات انك اقريها على اساس لغة وثقافة مش مادة

كيف كانت معاملتك مع اساتذة اثناء الدرس من مشاركة و اسئلة و غيرها ,
المعاملة مهمة في الكلاسة خلال الدرس اي حاجة مانعرفهاش نسقسي عليها في وقتها المناسب والا لقيتي صعوبة في الدار اكتبي اسالتك على شكل ملاحظات وكي تروحي سقسي ديما حاولي تكون اسئلتك في الصميم القي النقائص تاعك في كل مادة واسالي عليها في كل وقت الاستاذ يحب التلميذ اللي يحب يفهم منو
بالنسبة للمشاركة شاركي عادي يعني كوني منافسة مي الرسمي كي تكوني فاهمة برك المشاركة رح تجي وحدها انا الحقيقة كنت نشارك لكن في الامور اللي تشوقني هههه يعني مش ديما مثلا سؤال " مستفز " ههههه علابالي اللغة غريب عليك ههه لكن حاولي تتميزي دائما

* كيف كنت تحضرين للفروض و الاختبارات
التحضير يكون خلال العام وديما تكوني معاها يعني ليلة الاختبار ماهي الا مراجعة عامة وخفيفة دون حل التمارين باه ماتمليش منها غدوة
انا كنت قبل الاختبارات بفترة او الفروض نحل التمارين نحاول نشوف جميع الافكار واللي مافهمتوش نخليه ونزيد نرجعلو مرة اخرى المهم نعرف طريقة الحل كي يوصل الاختبار نطل على الكراس فقط باه غدوة نكون متشوقة للاختبار ونحل مليح دون اهمال الجانب الصحي اكييييييييد

* ممكن معاملات مواد اولى ثانوي!
المعاملات ممكن نسيتهم مش متاكدة نتاكد ونقلك

موفقة ان شاء الله
واصلي انك تعرفي وتسالي ديما باه ماتوقعيش في الخطا

[hiba regalo]

مرحبا بيك ختي
لا شكر على واجب ابدا

هل تعرفبن كتب مطالعة باللغة العربية تحسن مستوى التعبير فانا لا اجيد التعبير باللغة العربية كثيرا
شوفي انا من الناس اللي تعشق المطالعة لكن ننصحك خيري الكتب كاين كتب ممكن تغيرلك من قناعاتك وافكارك تجنبيها اقري: " ارنست همنغواي " هادا كاتب رااااائع ننصحك اقريه مترجع ومش مترجم لغتو رااااااااائعة تاني كتب باولو كويلو " الخيميائي " من العرب اقري لاحلام مستغانمي لغتها تحسن من لغتك بزاااااااااااف تاني كاين لكان تحبي تحسني دقة التعبير شوفي لكتب اغاثا كريستي هادو كتب تنوع من رصيدك لدرجة خيالية انا جربتهم

في العربية الوضعيات الادماجية عن ماذا تتمحور ??
اييه سؤال في محلو : الوضعبات تاع الاولى مش كيما كنتو قبل مثلا يحطك في وضع ولا .... لالا هادي رح تقراو مثلا المحور الاول عصر الجاهلية الفقرات تاعو والوضعيات رح تجي منو مثلا يقلك قوليلي الجانب الادبي في العصر الجاهلي هنا يتدخل فيها الحفظ شوي والكتب مهم للغاية

في العلوم هل تملكين منهجية الاجابة ام الاساتذة يقدمونها لنا
منهجية الاجابة في العلوم تتمثل انك ماتطوليش في الاجابة + المصطلحات تستعمليهم جيدا باسكو مثلا التحليل اللاستاذ اللي يصحح رح يقسم العلامة على حساب واش قلتي يعني تحتاج الدقة وتذكري المطلوب فقط منك الاطالة تنقص العلامة الوضعيات بالنسبة لثناويتنا حنا لالا ماخدمناش عليهم باسكو مايجوش في الباك كي تدخي رح يعطوك كيفية نحليل الوثائق ( تمثل الوثيقة ..... حيث نلاحظ ..... ) لازم بالتدقيق لكن بالمختصر في نفس الوقت وهادي حاجة لازم تركزي عليها قليل اللي يعرفها ويتقنها جيدا لكن سهلة عموما

ماىهي اسهل مادة في عامك الدراسي
كلش ساهل لا يوجد الصعب

انا كلما انتقل الى مرحلة دراسية جديدة اتدهور مثلا عندما انتقلت للسنة اولى متوسط
مستوايا لم يكن جيدا ؟؟ فكيف اتاقلم في البداية
لالا هادا خطا انك تعممي على كلش رح تدخلي وتحطيها عاااااااااادي الجو اللي يتبدل عليك تاع الثانوية هو اللي راه قاعد ياثر عليك انتي لالا لازم تشوفيها عادي ونقلك كيفاه ؟ ديري في بالك راكي جاية لهدف اخدميلو ومتتاثريش باي شيء اخر ولا شيء ولا شيء ركزي مع الاستاذ فقط خذي الامور ببساطة فقط وكوني متاكدة انو اذا حطيتي في بالك انك رح تتدهور قرايتك رح تتدهور صح مالا تحكمي في افكارك وقري عادي كيما المتوسط بالعكس تحفزي انك تقري مرحلة جديدة

ماهي اهم المراجع التي تنصحينني بها في مختلف المواد
المراجع :
المواد الثانوي ماعملتش حساب ههه كومبلي نقرا مع البروف برك والكتاب ساهلة بزااااف
المواد الاساسية :
العلوم : ماعملتش دعم ركزت على الاستاذ والكتاب + الميسر في العلوم ساعدني
المات : الكتاب هاااااااااايل + دعم + سلسلة الجديد راها بالاجزاء
الفيزيك : نفسو

ايه نسيت : الانجليزية واللغات شوفي ملخصات القواعد + المطويات

وفي الاخير لدي سؤال واحد
انا احب الفيزياء وفضولية في معرفة المزيد عنها
ووقعت عيني فيء احد المواقع على درس النظظائر
فدرسته وفهمت جزءا منه

المهم السؤال هو هل النظائر للذرات فقط ام ايضا توجد نظائر للشوارد وشكرا
مليحة انك عنددك فضول وسيرتو في مادة علمية
النظائر لا توجد في الشوارد

اي سؤال انا هنا للخدمة
موفقة

[اكرام الطموحة]

شكرا هبة على اجابتك على اسئلتي
وفقنا الله ان شاء الله

[hiba regalo]

بلا مزية ختي في اي وقت

[بآريسيه]

شكرا صديقتي هبة
جعلها الله في ميزان حسناتك

[بآريسيه]

هبة ممكن مساعدتك بليز
احب العلوم كثيرا
ولكن في احد الايام
كنت مريضة ولم افهم جزء من درس
في العلوم وكان بتعلق بالمناعة الصعبة
فسالت الاستاذة ان تعيد شرح ذاك الجزء
الصغير فاخبرتني اني كسولة وحطمتني
تحطيما ومن ذاك الجزء كلما ادرس العلوم
اتذكر ما اخبرتني به واتوقف صرت اكره
العلوم وابكي طوال الوقت دون ان ادرسها
ولقد تدهورت علاماتي في الفصل الثاتي
وصرت لا ادرس العلوم ابدا فكلكا اتفكر
كلمات الاستاذة اتوقف

هل من حل لمشكلتي فانا احب العلوم

[آيـــات]

اهــــــــــــــلا غــــــــــاليتي هبة âک»â™¥â™¥âک»
~~شكـــــــــــــرا~~
سأعود بالأسئلة

[ايمانو الجزائرية 01]

الله يجازيكن كااااااامل اللي راكو تعاونونا

[hiba regalo]

المشاركة الأصلية كتبت بواسطة بآريسيه

هبة ممكن مساعدتك بليز
احب العلوم كثيرا
ولكن في احد الايام
كنت مريضة ولم افهم جزء من درس
في العلوم وكان بتعلق بالمناعة الصعبة
فسالت الاستاذة ان تعيد شرح ذاك الجزء
الصغير فاخبرتني اني كسولة وحطمتني
تحطيما ومن ذاك الجزء كلما ادرس العلوم
اتذكر ما اخبرتني به واتوقف صرت اكره
العلوم وابكي طوال الوقت دون ان ادرسها
ولقد تدهورت علاماتي في الفصل الثاتي
وصرت لا ادرس العلوم ابدا فكلكا اتفكر
كلمات الاستاذة اتوقف

هل من حل لمشكلتي فانا احب العلوم

لا تربطي المادة بالاستاذ ايدا هادي غلطة انتي حبي المادة لا غير
علابالي الاستاذ عندو دور تاني مي مادام شفتي روحك ياثر عليك الاستاذ حاولي تدي من عند و الا الدرس لا غير ماتخليش كلام يثبطك
ننصحك بالعكس حبيها العلوم مادة حية لازم تكوني ديما على دراية بيها و العفايس اللي فيها
ولكان رح تروحي شعبة علوم غير ماكالاه تكرهيها هههه تولي تركرهك هي تاني ^^

[hiba regalo]

المشاركة الأصلية كتبت بواسطة * نحيى لنسعى *

الله يجازيكن كااااااامل اللي راكو تعاونونا

لا شكر على واجب
انا هنا للاجابة باه ماتغلطوش في حاجة غلطنا فيها حنا
موفقين