الجزء 152 من واش طيبتي اليوم

[sofia dj]

[زينب 83]

مساء الخير غالياتي ، اسفة ماراجعتش راني شوي مضغوطة
هذو أجوبة على الأسئلة لي خلاو هايل بعض الاخوات و اذا كاين لي نسيتهم يذكرني فقط
توبة

السردين العادي
نقيه و نملحو و نديرلو شوي ليمون و زوج او ثلاث ملاعق زيت و نستفو على ورق الزبدة او ليبروشات و ندخلو لفرن سخووووووون ساعات نشعلو من فوق يزيد يحمار راهو مايديش وقت


كفتة السردين
السردين نحيلو العظم نتاعو نزيدلو شوي شابلير و كمون دبشة و ملح و ثوم مرحي و ثوم يابس و نعبزو غير بيديا و نشكل الكرات
في هذاك الوقت نكون رحيت طماطم و بصل و ثوم و طماطم مصبرة و كمون و فلفل مقطع و شوي زنجبيل و ملح وو رقة رند و و نص فنجال ماء و ملعقة عصير ليمون و ملعقة زيت
و نخليهم يغلاو و نلوح الكفتة و نخليها حتى تنشف شوي ماشي بزاف

اما السمكة في الفرن
درت درسة فيها موتارد و طماطم مصبرة و ثوم مرحي و تاني مجفف ، و ملح و دبشة مفرومةو كمون و زنجبيل و كركم و هريسة اذا حبيتي و تبلي الحوتي بهذا الخليط و ديري فيها شقق ودخلي فيهم هذاك الخليط و حطيلها شوي ماء فقط في البلا و دخليهالو لفرن سخون و طبعا ممكن ديزي تحتها بطاطا

و الحوت كاملة قبل ما نطيبها دايما نحطها في ماء فيه خل ملح نص ساعة


سمك التونة بالطماطم
تنظفي سمك التونة و تقصيه دوائر و تحطيه في ماء و خل و ملح و تخليه نصف ساعة راح يتخلص من الدم و اللون القاتم و الذوق يولي احسن
في مقلاة تحطي ملعقة زيت و ملعقة زبدة و تحطي قطع التونة و تذرذري فوقهم شوي ملح و زعتر بري ، باه يأخذوا اللون من الجيهتين يعني يحماروا فقط ماشي شرط يطيبو

تنحيهم ، في هذا الزيت تحطي بصل مقطع شرائح بالطول و تذبليه تزيدي كمية مليحة تاع طماطم حب مرحية ، ثوم مرحي
ملعقة طماطم مصبرة ملعقة كاتشاب ، فلفل احمر حلو و حار بودرة و ثوم بودرة ، ملح ، دبشة مقطعة ، كمون ، و قطع ليمون ، انا درت ليمون مصبر ، فنجان عصير ليمون و و رقة رند و تحطي قطع التونة طيب في الصوص و تشرب البنة ، فقط و بالصحة و الهناء

ممكن تزيدي دخليهم للفرن يحمارو ، انا ما دخلتهم

ام هدول
خبز السميط التركي
350 غ فرينة حوالي كوبين و شوي

25 غ زبدة ذائبة

6 ملعقة كبيرة زيت زيتون

1 حبه بيض كاملة

نصف ملعقة صغيرة ملح

1 ملعقة كبيرة خميرة الخبز الفورية

1 ملعقة كبيرة سكر

100 ملل ماء دافئ

بياض1 حبة بيض مخلوط بملعقة كبيرة زبدة ذائبة او زيت زيتون لدهن حبات الخبز

كمية من الجلجلانية لتزيين الخبز

العجينة لازم تكون تلصق و طرية باه الخبز يجيك خفيف
و ماتنسايش تخمريه قبل و بعد التشكيل




اما الغريبية راني نفس وصفة ام ساجد تاع غريبية السيليكون

امااااال
حبيبتي عجينة السوفلي و عجينة البيتزا هي نفس وصفة عجينة البيتزا الموجودة في مواضيعي فقط في السوفلي نرقق العجينة باه جيني رقيقة و مافيهاش البابة

مسلمة بالفطرة

طريقتي في تحمير الدجاج

التتبيلة
موتارد ، طماطم مصبرة ، شوية هريسة ، ثوم طازج و زوم بودرة ، بصل مرابي ، كمون ، زنجبيل ، كسبر مرحي ، ملعقة عسل او ملعقة كاتشاب و دبشة مقطعة ، ملح و شوي عصير ليمون
نخليو الدجاج في التتبيلة اقل شيء ساعتين و مباعد نحطوه في كوكوت و نحطو عليه كاس او كاس و نص ماء و نغلقوها بعد مايطيب نحطو فوقو شوي صوص و ندخلوه يتحمر من فوق ، و نخليو شوي صوص للتقديم

[um alaa]

عشانا و الحمد لله

[Oum yousra]

زينب حنونة راني مازلتنستنى في صور تطبيقاتك ماشي قلتي بلي راح تحطيهم ؟؟ ولا راني نخلط ؟؟

[lahna moka]

زينوبتي بارك الله فيك على الوصفات بصح ضحكت على الوصفة الاولى كي كتبتي زوج أو ثلاث ملاعق سردين خخخخخخخخ تعيشي عدلي فالوصفة باينة مضغوطة صح

[om kamilia]

السلام عليكم ورحمة الله وبركاته
دخلت على خيرات زينوبة وام آلاء ربي يبارك فيكم

[sofia dj]

ممممممممم سياسم حطينا الوصفة

[ام سارة18]

السلام عليكم

مازال مارجعتش نحط الصور ومعبد نراجع

هاد نتاع الغداء

وهادا حساء السبانخ

[um alaa]

امممممممممم ام سارة يعطيك الصحة هاديك la crème brulée nn
و لاسوب تع السلق الذوق ديالها كاش عامل
زينوبة بارك الله فيك على الوصفات

[om kamilia]

ام يسرى كوزينتك فاتت روعة وبسرعة البرق رغم اني ماشاركتش فيها الايام الاخيرة بسبب النت فابل بزاف , وزيد كملت نقيت الدار قبل ما يولي البرد
عشايا سوبب الكابويا روعة روعة وبسيطة ومبعد زوجي طلب نزيدلها عدس وكذلك رائعة كليتها بالقارص ودرت كسرة يابسة و خبزة المورقة هايل خفيف مع القهوة ودرت بروشات اللحم

[أم شيماءْ]

الي مازال ماشافش يشوف ولا نديروووو موضوع لتعم الفائدة هههههههههههههههههههههههههههه




[/size][/QUOTE]

[الجمان]

مساء الخير عليكم يا حراير
الله يبارك على الخيرات اللي راكم تحطوا فيهم
هادو طياباتي اليوم




اللهم ادمها نعمة واحفظها من الزوال
لا اله الا انت سبحانك اني كنت من الظالمين

ام يسرى راني زعفانة منك ما ذكرتنيش فقائمة الشكر تاعك

[زينب 83]

حبيبتي ام يسرا لالا ماكيش تخلطي حنونة
المافن راني شفتك حطيتيه و المحاجب هام ليك حنونة الباقي للأسف ماقدرتش نطبقهم



حبيت نشكرك بزاف على صبرك وسعة صدرك تعرفت عليك اكثر في هذه الكوزينة خاصة مع المشكلة لي صرات و تعرفت أمثر على أخلاقك العالية ، ربي يبارك فيك و في عائلتك يا رب

ام علاء تسلمي حبيبتي و التارتولات تاعك امممممم شفتهم في الدردشة

لهونة الحلوة شكرًا نبهتني راك نكتب و راسي ماشي فيا

ههههههه شفت كارثة ام محمد تاج شكرًا أوريسيا

تصبحن على خير غالياتي

[ام سارة18]

ماشاء تطبيقات روعة بدون دكر الاسماء
ام االاء هو هاداك
ان شاء الله غدوة كاش مانطبق ماعنديش الوقت مع الصبيغة في الدار راهي حالة
ام يسرى احنا اللي نشكروك رغم كل شىء صار كوزينتك خلقتي نشاط وحيوية واطباق روعة ماشاء الله

[نوال عيسى]

السلام عليكم ورحمة الله وبركاته
هذه اول مشاركة ليا في كوزينة واش طيبتي اليوم وصراحة ما عندي ما نقول الله يبارك بنات بلادي شاطرات ما شاء الله