صباح الخير عزيزاتي
ام رحاب ربي يسهلك و يشفيك
سرور تبانلي درت العجينة مطلوقة بزاااف المفروض تجي طرية بش يجيك هشوش ماشي ناشف و لكن ما تخليهاش مرخوفة بزااف
ام الاء غظتيني رحتي تحوسي تقنطتي و جيتي معليش كلش يجوز
بخصوص البوزلوف انا نحط الكوكوت خاطر ثقيلة ندير شوية زيت و بصل و ثوم و معدنوس و موالفة ندير الطماطم حب مرحية بصح هاذ الخطرة حبيت نبدل درتو ابيض و نقلي كلش مع القطع تع البوزلوف اللي يكون طايب و منصل و طبعا التوابل و الحشاوش حسب الرغبة ثم نزيد الخضار مقطعة هاذ الخطرة درت غير البطاطا بصح يعجبني بالجزر و باقي الخضار خير و نقعد نقلي اذا احتجت نزيد مغارف تع الماء ماشي كاس مجرد بش ما تلصقليش و كل شويا نحط الغطاء بلا ما نغلق الكوكوت المهم نقلي ملييييح و كلش يتشرب مليح و الخضرة تبدا تطرى
منبعد نفرغ كلش في البلا تع الفور اللي عندو غطاه و نخليه يطيب في الفرن حتى تتحمر الخضرة و البوزلوف انا يطيب و يتحمر بلا ما نحيلو الغطاء و انت اذا احتجت نحيلو الغطاء بش تحمريه و بسسسسس راهو ساهل و بسيط و خفيف و اذا ما فهمتيش حاجة سقسي
مريم صباح النور
فضيلة يعطيك الصحة عالوصفة و الفيسال خرجلك هاايل بصحتكم
الرجاء يعطيك الصحة عالتحليات هايلين
ام جوجو و ام امينة وين راكم نوظو نحب نستقهوى معاكم الصباح
انا نروح نبدا نوجد روحي بش ننوض اولادي و نوجدهم نديو وليدي يقرا و كي نجي نشوف وش نلبز اليوم ماعندي والو
( تقرير عن مشاركة سيئة )، و الموجودة أسفل كل مشاركة .
2015-10-28, 05:54
العرض العادي
