موضوع مميز الجزء81من مطبخ واش طيبتي اليوم ** مرحبا بالكل ** - الصفحة 96

fadoula fcb · 2014-07-21, 18:28

انا راني نطيب في شارك قسمت لعجينة علي زوج نص لتشارك ونص للكورني

hasna19 · 2014-07-21, 18:38

اقتباس:

المشاركة الأصلية كتبت بواسطة بشرى2008

أنا جربت الكورني روووووووووووووووووووووووووووووووووووعة
الصراحة ياعيني على حلويات أم اماني 77

تعيشي بشرى ربي يبارك فيك

أم يحي صهيب · 2014-07-21, 18:38

ليزابيل حنونة انا ختمت مرتين و3مع الجامع الله يتقبل منا ومنكم صالح الأعمال
والله غير العيا صح نطيب ووووو مي نعيف ماناكل هاي هاي واش دارلي يحي

ام كاميليا حبيبة دموعك الغالية فديتهم والله
بشرى لباس عليك اوموا قولي توحشتك انت وفظولة. آمال.
يا الله صحا فطوركم
انا مريضة مالقيت اللي يقوتني بشوربة حارة
توحشت كل شئ

oum ibrahim · 2014-07-21, 18:40

مساء الخيرات يا حلوات
دخول سريع و خروج اسرع
ام اية السيقار بنتو رهيبة و مايجيش مبسس بزاف لانو تلميه بماء الزهر قيس مايحكم روحو انا جاني يشبه للصابلي
فضولة و لو حبيبتي الي نعرفها مانبخلش بيها و ان شاء الله ربي يفرج عليك و على كل المسلمين ياااااااارب
بالنسبة للتشاراك بالقوفريط دهنتو بابانسو بالمعجون و رمدتو بالقوفريط
ام يحيى ربي يعينك حبيبتي و رانا كامل معاك اخواتك في الله
حقى فطوري شربة فريك و طاجين الزيتون بكريات اللحم و حميس بادنجال و بوراك و مطلوع و الف الحمد و الشكر لك ياارب
بشورة الف الحمد لله على السلامة انتظريني من بعد سلااااااااااام

lyzzabel · 2014-07-21, 18:41

بشووووورتي يا العميرة انشالله تجو بخييييير و مرحبا بيكم في بلادكم بلاد الحرية

البنات لي راهم يسقسو على على حلويات ام اماني انا نقوللكم ديرو و عينيكم مغمضين راني جربتلها شحاااال من وصفة و كلهم روووووعة بكل ما للكلمة من معنى ربي يجازيها بالخير

صح فطوركم يا الغاليات و الى الملتقى بإذن الله

اللهم انت السلام و منك السلام تباركت يا ذا الجلال و الإكرام

oum ibrahim · 2014-07-21, 18:43

ام كاميليا ربي يشافيك انت و عجوزتك يا رب ما تعبيش روحك بزاف الصحة ماتتعوضش
فضولة الصابلي بالكاكاو معولة عليه غذا اذا كتب ربي وعد مني نصورهولك و نحطو

fadoula fcb · 2014-07-21, 18:45

انا اولي مرة رايحه نستعمل كورني ندهنهم ولا كيفاه

lyzzabel · 2014-07-21, 18:45

سارة يا عمري و حبيبتي و جارتي ربي يعينك و يشفيك والله ما لقيت ما نقول غير اصبري راه الوقت يفوت يجرييييي و تسلكي و تتهني بشوفة يحي سليم معافى و تنسي كل التعب و المرض و الوحم ههههه ،،، موااااااح يا الغالية و صح فطورك

ام برهوم بصحتكم الزيتون و البوراك عسولتنا

ام كاميليا راكي طولتي الليستا ربي يعاونك و يحفظلك بنتك يارب

استغفر الله العظيم من كل ذنب عظيم

تهاليل · 2014-07-21, 18:51

السلام عليكم لبنات أم ياسين وأم محمد تاج وقبلها أم سهام وليزابال وكل لي شافت ردي وماعرفتش كيفاه ترد ، خلاص رجعت مولا الخشين وجبت سميد متوسط نتع سفينة وريحت بالي مشكورات بزاف حنونات وربي يحققلكم كل لي في بالكم ويفرج همومكم ويرزقكم من حيث لاتحسبون ويصلحلكم النية والذرية، ويحسن خاتمتكم ويوفكم دنيا وآخرة يارب آمين