الجزء 144 من واش طيبتي اليوم ( تجهيزااتنا للعيد الاضحى بادن الله - الصفحة 92

آسيا 27 · 2015-09-19, 21:45

اقتباس:

المشاركة الأصلية كتبت بواسطة وردة الشمس

وردة التارت فيييييييييييييييييييييييييلم و مبروك ليوسف و حمزة

ام محمدْ ومريمْ · 2015-09-19, 21:47

اقتباس:

المشاركة الأصلية كتبت بواسطة ام و ابنة

وداد تقريبا نفس طريقة ام ياسين
ثوم و توابل و اعشاب مجففة مثل النعناع و الزعيترة و موتارد و علبة ياوورت طبيعي او فنجان لبن يخلي اللحم ماشي ناشف و مغرف زبدة او زوج مغارف زيت و مغرف خل او عصير القارص و ممكن مغرفة كاتشاب او عسل ما تخافيش ما يجيش حلو بصح يعطي بنة و لون و طبعا خلي اللحم في التتبيلة اطول وقت ممكن و طبعا ممكن تستغناي على اي مكون حسب المتوفر عندك و كذلك الذوق ديالكم

سرور راني نسخت لك وصفة تبان لي تليق معمول بالغرس او اي حشو تحبيه اعطتها لي ام سراج و ملاك و قالت بنينة و تذوب ربي يجازيها خير تفضلي :

صباح الخير لكل الملتحقات
ام وابنة هاهي وصفة القاطو لي بالزيت لي قتلك عليها صدقيني تعجبني بزاف وان شاء الله تجربيه ويعجبك ويقطعلك كمية كبيرة لحبيتي تجربي نقسي في الكمية
زوج كيسان زيت+كاس ماء زهر + باكي خميرة القاطو وتلمي بالفرينة حتان تولي عجين طرية
الحشو كاوكاو مرحي مخلط بالمعجون او نواد كوكو مخلط مع معجون
كي تلمي لعجين شكلي دائرة وديري شوي من الحشو داخل وكي تكملي لعجين نتاعك كامل طيبيهم وهوما سخونين مرمديهم في سكر الارطب م

ربي يخليك ام وابنة تعيشي حبيبتي ان شاء الله تكون في ميزان حسناتك

أم ياسين الزهراء · 2015-09-19, 21:48

ههههههههههههههههه ام ماجد ماكفاتش اوريسيا قالتها مكشردة كيما هي زدتي انت ههههههههههههههههه موصيبة ههههههههههههههه

انا الكمون مانحبوش غير في الاسماك والحبوب الجافة

وداد زدت حاجة نسيتها

امونية سلميلي على امومتي الضائعة وكيتدخل مانبيعلهاش بالي وليدها جايح وبنتك شاطرة الله يحفظهم بصح مانضمنش البياعة انتاعنا ههههههههههههههه

ههههههههههههههههههههههههههه راني نضحك على عيدة هههههههههههههههههههه

أم ياسين الزهراء · 2015-09-19, 21:49

وردة الله يبارك كلش حطى ولعقبة لزواجهم

الاخت اللي تسقسي على الصابلي اسفة مانعرفوش انا دقى قديمة نعلرف غير الصابلي القديم

آسيا 27 · 2015-09-19, 21:51

بون نوي غالياتي

وردة الشمس · 2015-09-19, 21:53

ام ياسين يبارك فيك ولعقوبة لولاد ولادك ان شاء الله تفرجي بيهم

ام سهام 02 · 2015-09-19, 22:00

السلام عليكم غاليتيي

اهلا بالمسرارة انا انحب القرفة في اللحوم البيضا والبيضا الحمرا وخاضة الفيونداشي تمد نكهة هايلة بكري كانو ايديرو غير الفلفل لكحل والقرفة لحتى لذرك باه ارجعنا نطيبو بالكركم و الزنجبير والقصبر غبرة والكاري غيرو

وردة كلشي حطة بصحتكم

راني غير انحاول انحط الصور ما قدرتش

راني عيانة كان نهار شارشي حتى بعد المغرب باه ريحت

آيات سرمدية · 2015-09-19, 22:28

صحاااااب الكوزينة ع بالي ترقدوا بكريانا مازااااال

ياسلاااام دخلت ع اطايب اختي وردة الشمس....مبروك الطهارة....العاقبة للزواج.....

حياااااك الله شريكتي....ام سهام.....ربي يحفظك ويخليلك صحيحتك.....

زينب 83 · 2015-09-19, 23:26

اقتباس:

المشاركة الأصلية كتبت بواسطة mimi30

مساء الخير الحراير عندي سؤال مرة كليت عند وحدة صابلي بالنوتيلا والصابلي فيها قرمشة هايلة داخل العجينة وباينة قطع صغيرة ومقرمشة كي سقسيت على الوصفة قالولي شراوها شكون تعرف الوصفة وبالاخص هديك القرمشة تقولي ربي يعطيكم ماتتمناو

حبيبتي ميمي هاذيك القرمشة اسمها الفيوتين تشبه للكورني فليكس لكنها مختلفة اذا تحبي طريقة صنعها غداً نعطيهالك بإذن الله

lyzzabel · 2015-09-19, 23:27

حبيبااتي رقدتو نووم العواافيي

ام امنية مزية نبهتييني حبييبتي راني درت تعدييل و زدت وضحت عدة نقاااط عااودي اضطلعي على الوصفة حنووونة

مييمي نظن الصاابلي دايريين فييه البراليين le pralin كااين غيير هو لي يمد القرمشة لي حكييتي علييها و تنجمي تحضرييه وحدك فالبييت حبييبتيي

وررردة ماشااء الله عوودة قويييية و الف مبرووووك الطهاارة ليووسف حمزة و العقوبا لنهاار عرسه يااارب

حنووونتي حناااان الجااجة بغاات تنطق هههه يعطييك الصحة ميين تدوقييها عبريي عن شعوورك بكللللل فخر هههه و بصحته الضيييف

آياااات رااني هنا مازاال مل نرقد حتى انا و بصحتكم العرس حبييبتي كلشي حطة الله يبااارك

ام محمد اسلااام تسسسلم ايديييك كلشي يشهيي و يباان بنييين خساارة ما صورتييش كلشيي هههه بصحتهم الضيااف عزييزتيي

ام الجووود يا خوووفي لوكاان تديررها صحححح هههه

ام يااسوو ودااد خصها وصفة تااع كتف فالفرن و طرييقتك تااع اللحم المفور مممممممم يعطييك الف عااافية

ام سهااام كل خطرة نبغي نقوولك عييد ميلااد سعيييد لسهااام و ننسى رااسي انتقب ما نعرف شكوون لي عدااتني خخخخ ،، كل عاام و هي بالف خييير و صحة و ربي يكبرهاا على الديين و الطااعة و تشوفييها احلى عروووس

كتبت بالعجلة و على حسااب لي عقلت ،، تصبحو بخييير و الى الملتقى ان شااء الله

الله أكبر الله أكبر لا إله رمضان الله ،، الله أكبر الله أكبر و لله الحمد

زينب 83 · 2015-09-19, 23:33

مساء الخير غالياتي ان شاء الله تكونو كامل بخير ، اسفة مانيش ندخل راني مشغولة لشوشتي مع الخرجات و كسوة الاولاد و زيد اختي خطيبها عطاها هي لي تشري حوايج العيد و اكيد انا لازم نكون المرافق تاعها المهم انا درت غير المقروط و كملت النفيض و غداً بإذن الله ندير بقلاوة و يمكن حلوى او اثنين

تصبحن على خير غالياتي ، على فكرة راني ماراجعتش باه ماتلومونيش شفت غير الغالية ام سهام و ام ياسو لي رايحة تتفرج المسلسل و اسيا الفحلة و ام الجود لي سمات بنت ام محمد عيدة ، و طهور قريب وردة ربي يبارك في عمره ، و صاحبة الكلام الجميل آيات

سلامي للجميع

حقاً تفكرت لبارح شفت قاطو القارص تاع ليزا الحلوة حطت الوصفة و لا لالا
و شفت كباش ام و ابنة ربي يتقبل منهم يا رب و يدي معي هم الفرحة

تصبحن على خير

زينب 83 · 2015-09-19, 23:43

أختي ميمي هذا الفوتين

و هذا البراليين لي قاتلك عليه ليزابيل

آيات سرمدية · 2015-09-19, 23:52

يامرحبا....يامرحبا......اختي ام منصف موالفة تسهري....ولا غير اليوم؟؟؟......مشكوووورة.....هادوا تصاور من عرس بنت سلفتي....راهو مازال الخير....تاع ولد سلفتي....وتاع سلفي.....ووووووو....صيفي كان حاااااافل....ربي يدوم الافراح ع الجميييييع....ان شاء الله....

اختي.زينب....تسلميلي يا غالية.....ربي يعااااونك....

om kamilia · 2015-09-20, 06:14

احلى صباح لاحلى اخوات

omsalah · 2015-09-20, 06:36

احلى صباح لاحلى ام كاميليا