موضوع مميز وصفات من حراير مطبخ وش طيبتي اليوم - الصفحة 91

idron0 · 2014-10-08, 18:29

العصبان lyzzabel

نديرو فيه تقريبا كلشي هههه ،، الكرشة تنحي منها شوية و تخلي لي تعمريها طبعا بعدما نكرطوها و نحولها كاااامل الطبقة البنية او الرمادية ،، و الرئة و المصارين و طلاقة النسا هههههه و ووووو ،، طريقتي كالتالي :
نغلي كامل الحوايج لي ذكرتهم فالما و الملح عشر دقائق و نصفيهم و نخليهم يقطرو ،، نقطعهم بالمقص او الموس ما يهمش الحجم و نحطهم فالروبو و نرحييييهم احسن من اني نقطعهم بالمقص و ما كانش لي تشد معايا و زيد يوجعوني يديا و صباعي ،، و مشي نرحيهم حتى يولو حريرة لا ،، نحطهم في إناء و نضيفلهم بصلة مقطعة رقيق و سنات ثوم رابي و راس الحانوت و فلفل اسود و فلفل احمر حلو و شوية كمون راه يمد بنة سحرية للخليط و شوية روز مشي بزاف و قصبر و معدنوس مقطعين رقيق و نخلط كلشي مليح و نعمر الكرشة نخلي مساحة فارغة خاطرش غادي تتكمش فالطياب و الروز تاني ينتفخ لازم تطلعي حسابهم و نخيطهم ،، نطيبو بيهم المرقة تاع الطعام و البركوكس يجي روووووووووعة و نديروهم تاني مع الجواز .

idron0 · 2014-10-08, 18:39

عصبان اخت malek nour hane

كرشة و لحم و شوي كبدة و شوي رية و شوي مصارن و كلاوي و فلفلة حارة و ملح و فلفل اسود و ورقة رند و حطيهم كامل فلاكوكوط و حطي الما قيس ماتغطيهم برك و طيبيهم
كي يطيبو خلي المصران لكبير اكيد هو ماطيبيهش و الكرشة لي تعبيها ديريها كاريات كبار و لي تبقا منها قصيهم مربعات صغااار بالمقص هي و الكبدة و الرية و لحم و كلاوي و مصارن صغار
في اناء ديريهم و زيديلهم ملح فلفل اسود شوي كصبر فلفل احمر حار بودر 2 بصل طويل مقطع رقيق من الاحسن لا مكانش بصة عادي متوسطة الحجم مرابيةزيدي 2 حبات طماطم كبار رابي وفلفل حار مربعات صغار ودبشة مقطعة رقيييق و لحم مرحي اذا عندك و شوي روز طايب نص طياب ماتكثريش بزاف شوي برك و احشي المصران و الكرشة و خلي شوي فراغ و خيطيها و خبيها فالكونجيلاتور و ديري بيها بربوشة حمرا حاارة امممممممممممممم تجي فن ...نموت عالعصبان تاع ختي 4444444444 مالقري ماناكلوش بصح تاعها ناكلو روووووووووووعة.

الهام46 · 2014-10-08, 19:46

بارك الله فيكم

x ام رحاب x · 2014-10-09, 07:42

اقتباس:

المشاركة الأصلية كتبت بواسطة biba04

ام رحاب

جيادا على عيني وراصي*بطاطا بالفليو*تحكمي الفليو تنقيه وتنحيلو القصب اتخلي غير الورق وتشليه بالما وتخليه بجنب*تنقي البطاطا مادابيك هاديك الصغيرة باه اجيك بنينة وتقطعيها مدورة وتحكمي الثوم اديري الدرسة يعني الثوم والفلفل ادريس والملح وتدرسيهم وحطيهم في الكوكوط واديري شوية زيت وفلفل اكحل وتخليهم يتقلاو شوية امبعد تمرقي شوية واتحطي البطاطا وشوية فلييو واتغلقي عليها كي اطيب افتحي عليها ووزيدي شوية فلييو وكي تعقد المرقة طفي عليها وبصحتك*البطاطا بالفلييو مشهورة بزاف في الجزائر ماكاش الي مايعرفهاشالتوقيع

idron0 · 2014-10-09, 07:53

المخ ام سهام 02

المخ غليه في الماء والخل

وفي مقلة قلي سنينات ثوم امنبعد زيدي طماطم مربية والحار قطعيه رقبق وزيدي الرند والملح وفلفل احمر وكمون والمخ مقطع قطع صغيرة وخليهم يتقلاو وضفي قد فنجان

صغير ماء وخليه يطيب حتى تنشف شوي المرقة فقصي فوقو البيض مخفوق وزيني بالمعدنوس

إضغط هنا لرؤية الصورة بحجمها الطبيعي.

idron0 · 2014-10-09, 07:57

المخ lyzzabel

المخ نغسله مليييييح بالماء و نحيله العظام المفتتين و نديره في مقلة مع شوية زيت و سنات ثوم رابي و ملح و فلفل اسود و كمون و نخليهم يتقلاو و نخلط بالملعقة الخشبية و في نفس الوقت نحاول نقطعه قطع صغيرة راه ساهل ،، و من بعد نضيف عليه طماطم رابي و م ص تاع طماطم معلبة و شوييية ماء و نخليه يطيب ،، قبل ما نطفي نحط عليه معدنوس مقطع رقيق و نخلط و نخليه زوج دقائق و نطفي ،، كاين لي يزيدو عليه البيض .

*عاشقة الجنة* · 2014-10-10, 17:03

chez biba

حوتة مع أرز في الفرن

تغلي الروز تاعك في الماء وملح انا ندير كيلة روز ب2 كيلات ماء وتخليه يطيب على نار هادية حتى يشرب الماء كامل
درت صوص طوماط : قطعت بصلة وثوم وحبة طماطم كبيرة وقليتهم في شوي زيت وملح حتى ذبالو درت التوابل ( راس الحانوت، فلفل اسود، زعيترة) ومرقت بماء سخون مبعد رحيتهم بالميكسور ودرت مغرف طماطم مصبرة وورقة رند مبعد حطيت الحوتة في لا صوص ربع ساعة
حطي الروز في مول تاع الفور وفرغي عليه لاصوص وحطي الحوتة من فوف ودخليه الفور ربع ساعة

idron0 · 2014-10-11, 09:45

طريقة وضع الصور من الايباد الامنيات

شوفي اختي لازم تحملي ابليكلسيو phupp كابي في قوقل تخرج لك الاولى راح تطلع عندك تتحمل في app store
من بعد كي يطلع البرنامج هادا ديري واش قالت الاخت شي بيبا
كي تخرجلك هاذيك la page اكليلكي في الإطار تخرجلك take photo اذا حابة تصوري directement وإذا عندك في la galerie des photos (album) ديري select photo وتخيري الصورة اللي حابة تهزيها
مبعد اكليلكي على هذاك السهم وذرك تشوفي خط ازرق في الصورة تاع telechargement كي يكمل وحدو تبان الصورة اكليلكي عليها تخرجلك une liste اكليلكي على copy URL
هذا ماكان
وضرك تجي للموضوع تاعك تلقاي هاذيك الصورة الصفرة اللي فيها الجبال اكليكي فيها تخرجلك https:// وسيلسكسيوني كلش tout select وcoller تلقاي الصورة تاعك
نتمنى نكون فهمتك

idron0 · 2014-10-11, 11:47

البسكوي او المسكوجو ام سهام 02

6بيضات صغار او5 بيضات كبار +كاس سكر+3/4 كاس زيت +1/2كاس حليب دافء+1مك قشور الليمون+2خميرة الحلوة +رشة ملح و2و1/2كاس فرينة مغربلة

الطريقة
طلعي بياض مع نصف كمية السكر والملح كالثلج

خلطي صفارالبيض مع نصف كمية السكر المتبقية وزيدي المكونات الباقية بالترتيب وزيدي بياض البيض وخلطي من الفوق للتحت ود يريها في مول شوي كبير يكون مدهون

وفي الفرن في الاول اطيب من التحت حتي تشوفها طلعت وتشمي في الريحة اشعلي من الفوق .

إضغط هنا لرؤية الصورة بحجمها الطبيعي.

idron0 · 2014-10-11, 11:50

بوزلوف ام سهام 02

قلي حبة بصل كبيرةمرابية مع راس ثوم مليح امبعد زيدي حوالي 4 حبات طماطم مربية + التوابل ملحوفلفل عكري وقصبرغبرةوكمون وراس الحانوت ورقة رند وزيدي قلي و

ضفي فنجان صغيرماء وزيد ي بوزلوف مغلي ومنزوع العظام و مقطع قطع وخاليه يشرب المرقة ثم الزيتون (تكوني درتيه في الماء و مغيرتلو عدة مرات )

في بلا تع الفرن ستفي بطاطا دوائر اما مغلية او مقلية وزيدي البوزلوف مع القارس ودريه في الفرن مدة 15 دقيقة .

idron0 · 2014-10-11, 11:59

كرواسون الوردة ام هبوبة

إضغط هنا لرؤية الصورة بحجمها الطبيعي.

ثلاثة كيسيان فرينة
رشة ملح
2 ملاعق كبيرة سكر
ملعقة خميرة الخبز
ملعقة صغيرة خميرة الحلويات
و عجنتها بالحليب دافي
التزيين صفار البيض مخلط مع قليل من قطرات ااخل .
هاهو البريوش من الداخل .

إضغط هنا لرؤية الصورة بحجمها الطبيعي.

idron0 · 2014-10-11, 14:02

شكشوكة بالمصارن والكرشة nihale89

انا نغليهم نهار العيد ملليييح 3 مرات ونقطعهم ونكونجليهم بعد مانقسمهم في ساشيات
وكي تحب نديرهم
نجبد ساشي نفرغهم في كوكوط ونرابي 2 طمامط والثوم كمية مليحو وفلفل اسود وكمون كسبر وفلفل احمر حار وزيت ورند ومعدنوس اليرم مادرتش ماعنديش وحمص ونقليهم مليييح
ونمرق ماشي بزاف
كي نفتح نلقاها صوص طوماط يعني ثقيلة وهوما طابو
مممممم بنينة حنا نموتو عليها .

إضغط هنا لرؤية الصورة بحجمها الطبيعي.

ليال 22 · 2014-10-11, 14:15

بارك الله فيك أختي ايدرونو

sara tounsi · 2014-10-11, 14:56

اقتباس:

المشاركة الأصلية كتبت بواسطة بريق الامل&

يتبع يتبـــــــــــــــــــــــــــــــــــــــــــــــ ع

ياااااا اختي ما بانليواااالو انا غير العناويييييين والرابط ماكانش كينيكليكي ما يجيني والووووووو ......عاودهملي من فضلك

idron0 · 2014-10-11, 16:01

المبسس lyzzabel

المبسس راه تقريبا نفس خطوات المقروظ تاع المقلى و حتى هو كاين لي نقلوه و كاين لي نطيبوه فالطاجين
المهم المبسس انا ندير عيني ميزاني و عمري لا عبرت نتمنى تفهميني
ندير كمية من السميد المتوسط كيما تاع المقروظ و شوية ملح و مارغرين ذايبة و باردة و نبسس بيديا ملييييح و نضيف الزيت العادي و نبسس حتى نشوف بلي السميد راه راوي ،، من بعد نبدأ نرش بالما و نفتل ياك كيما المقروظ مالازمش نشمخه بزاف و في نفس الوقت العجينة لازم تكون حاكمة روحها شوية ،، ديري شوية عجين في يدك و اظغطي عليه لاكان ما تفتتش يعني c'est bon ،، ندير خبزة ما هي عالية ما هي رقيقة و نقطع مقروظات او مربعات بالموس و نعدل الحواف بيديا و نبدأ نقلي في زيت غزير على نار متوسطة و نحمره شوية مشي بزاف على الجهتين ،، و نكون موجدة العسل دافي و نعسله و نقدمه مع الشاي ولا القهوة مممممم يا سلااااام ما نحكييييش على البنة يهبل و ها هي صورته

إضغط هنا لرؤية الصورة بحجمها الطبيعي.