الدورة التنظيفية لشهر رمضان - الصفحة 8

نايليةوافتخر · 2013-06-21, 11:19

اقتباس:

المشاركة الأصلية كتبت بواسطة سمراء الدنيا

الاسبوع الثاني
غرفة الجلوس

يوم الاحدنزع الستائر و اغطية السدادر و غلافات المخاد ووضعها في الغسالة

تفريغ الغرفة من كل شيء و غسل السقف و لي لوستر

الاثنين
غسل النافذة و الباب و الحيطان و قواطع الكهرباء و الديكورات المعلقة

يوم الثلاثاء تفريخ الخزانة و تنظيفها و غسل الاواني الموجودة فيها و الديكورات التي فوقها

يوم الاربعاء غسل الارضية و غسل الطابي

يوم الخميس اعادة ترتيب الخزانة و اعادة الستائر و الفراش و تعليق الديكورات

هذا برنامج الاسبوع الثاني

ميرال النوي · 2013-07-03, 22:20

من فضلكم اخواتي في الله وانا نقرا في هذا الموضوع الاكثر من رايع لقيتكم تهدرو على الخيار للوجه خبروني من فضلكم لاني قريت القليل مازال ماكملتش ,,,,,,,,,,,هذا الموضوع الاروع

سمراء الدنيا · 2013-07-04, 20:36

اقتباس:

المشاركة الأصلية كتبت بواسطة ميرال النوي

من فضلكم اخواتي في الله وانا نقرا في هذا الموضوع الاكثر من رايع لقيتكم تهدرو على الخيار للوجه خبروني من فضلكم لاني قريت القليل مازال ماكملتش ,,,,,,,,,,,هذا الموضوع الاروع

سمحيلي يا اختي راني دايراتك في بالي بصح الوقت ما ساعفنيش
تحكمي لخيار تقطعيه روندال و ديريه في المجمد و كل مرة تاخذي دائرة و تمرريها على وجهك و النتيجة مرضية

اقتباس:
المشاركة الأصلية كتبت بواسطة ام راضية
السلام عليكم

هذه الوصفة مجربة لتصفية الوجه وشده وتبييضه وهي من اسهل ما يكون جربيها اختي وان شاء الله تدعيلي
الوصفة لا تتعجبي
تاخذين حبة خيار يكون لبها فيه الماء اي لا تكون ناشفة
تقطع شرائح ثم توضع في صينية مثل القاطو كي نجو نطيبوه لكن لا ندخلها الفرن ندخلها للمجمد عندما تجمد مليح نجمعها في علبة
وكلما سنحت لكي الفرصة تمررين شريحة علي وجهك ورقبتك حتي تذوب لا يهم عدد المرات في اليوم اذا استطعت مرري كل ساعة شريحة
صدقيني النتيجة مذهلة
يلزمك كل ليلة تحضرين حبة خيار لاستعمالها في اليوم الموالي
لقد كتبت هذه الوصفة لاخت في قسم العرائس ولتعميم الفائدة نقلتها
صدقوني ستبهركم النتائج
بعد اسبوع من الدوام عليها ستبدا صديقاتك تسالنك عن البياض والصفاء والتغيرات التي طرات علي وجهك
كل من تجربها ترد بكل امانة

نايليةوافتخر · 2013-06-21, 11:31

تطبيقي ليوم الخميس

نضت الصباح رت الفطور وخملا وقريت الاذكار

صلحت ومسحت الغبرة ولقيت كلش نق رحت للكوزينة غسلت الماعن ونقيت الكوشة ورتبت البلاكار ودرت الغدا بعد الغدا رحت نخدم فالكروشي لعشية درت القهوة وريحت شوي عند الميكرو ودرت العشا وغسلت الماعن

كان عادي مشط وكحل وكريم مرطب

زمردة26 · 2013-06-21, 16:24

السلام عليكن يعطيكم الصحةراكم ناشطين حتى انا نضفت الدار خفيف لانو الصيف فيه الغبرة وراح تضف مليح كي يخرج الصيف بقاتلي الكوزينة راني بديتها عجبتني افكاركم بصح مافهمتش حاجة علاش تغسلة قش الصيف قبل ما تستعملوه اصلا كان مخبي تقي.؟؟؟؟؟؟؟

نايليةوافتخر · 2013-06-21, 17:47

اقتباس:

المشاركة الأصلية كتبت بواسطة زمردة26

السلام عليكن يعطيكم الصحةراكم ناشطين حتى انا نضفت الدار خفيف لانو الصيف فيه الغبرة وراح تضف مليح كي يخرج الصيف بقاتلي الكوزينة راني بديتها عجبتني افكاركم بصح مافهمتش حاجة علاش تغسلة قش الصيف قبل ما تستعملوه اصلا كان مخبي تقي.؟؟؟؟؟؟؟

شكرا اختي
انا نحب نغسل الدراوات تاع الصيف لانهم يولو مدخبيين ومانحبش ريحتهم حتى ونكون دايرة معاهم بخور يعني غسيل خفيف
ولاخوات راهم يغسلو في قش الشتاء باه يخبوه

بنت الجزاير الغالية · 2013-06-21, 16:22

تطبيقي ليوم أمس
بالنسبة للديني في عذر شرعي و مع الإستغفار و الصلاة على النبي
و الجانب التنظيفي نضت الصباح بعد ما صبحت عليكم دخلت للكوزينة بديت بيها و كملتها و ناضو الولاد لميت الفراش و مسحت البيوت و عطرتهم و قفلتهم و رحت للدوش فرغته من لاسورديتبان اللي فيه و الأكسسوارات تاعه و نقعته في روح الملح و في هذاك الوقت غسلت التواليت الآخر و بيدون لابوبال و رجعت للدوش عطيتله تدويشة الله الله ههههههههههو سيقته و رجعتله حوايجه و رحت رنخت 2 كوفيرطات في أريال و غسلت و بدلت ولميت شعري بكراب هابط مسرسب من ليسور هههههو و سييت لاماش و نسيت نقولكم الصباح أثناه الميناج درت ماسك الموز على وجهي و اتغدينا و درت قيلولة و كي نضت درت قهوة و غسلت الكوفيرطات و رحت درت العشاء و رنخت قماش كتان باش ما يتشربليش باش نخيطه

بصيرة11 · 2013-06-21, 17:27

ربي يعيشك اختي نايلية واسمك رائع عندو معزة خاصة عندي وصفة هايلة وساهلة ان شاء الله نجربها

ليلى القسنطينية · 2013-06-21, 17:34

تطبيقي ليوم الخميس

الصلاة في وقتها و الدعاء و الاذكار و راني نحاول نزرب نختم القران قبل رمضان

البارح خرجت الصباح و في المساء غسلت القش و غسلت زوج كوات برك كنت رنختهم و عملت العشاء

مظهر عادي كريم مرطب برك و في الليل عملت دوائر خيار لعينيا

معاملة الاطفال معاملة حسنة و نحاول نعطيهم وقت و نجلس معاهم والقراية تهنينا راهم عطلة

و هذا ماكان

نايليةوافتخر · 2013-06-21, 17:59

تطبيقي لنهار اليوم

نضت على8 حطيت الفطور فطرنا ورحت مباشرة للدوش اليوم التنظيف العميق للجسم هههههههه
درت حمام زيت لشعري بخلطة زيوت وماسك للوجه(4ملاعق طحين+ملعقة عصير ليمون +ملعقة عسل+ملعقة زيت زيتون+حليب سائل نخلطهم تولي خاثرة ونحطها على الوجه والرقبة مدة20د ونغسل)ودرت تقشير للجسم والوجه ودرت رجليا فالماء والملح وحكيتهم يعني بقيت فالدوش تقريبا 2سوايع زعما حمام هههههههه
بعد الوش درت كريم مرطب الجسم وماء الورد للوجه ونشفت شعري ودرت المسك للعرق والريحة وماكياج ماشي خفيف وتحفة تاع خرجة بصح ماخرجتش
رحت للكوزينة غسلت الماعن ودرت الغدا ورجعت صليت وقريت سورة الكهف والاستغفار بعد الغدا صليت الظهر وقيلت ونضت درت القهوة وصليت العصر وجيت

oum radja · 2013-06-22, 07:17

تطبيقاتي ليوم الاربعاء و يوم الخميس

أداء الصلاة في اوقاتها مع الاذكار

الاستمرار في تحدي الخيار
بالاضافة الى دوش و سيشوار و ماكياج على خاطر كنت معروضة في باروك تاع سانكيام

درت تنظيف عميق عوضت الايام اللي كانو عندي فيهم الضياف نقيت الصالة و نفضتها و نقيت الطابي بالمكنسة الكهربائية رااااااااااااائعة تهنيك من هاذيك الغبرة
و رفدتو نحطو فقط للضياف وراها السخانة تاني ما نحتاجوهش
نقيت البلافو و الدرج وفرغت الخزانة و نقيت المواعن اللي فيها و الاكسسوارات تاني و الساعة و ليكادر
اما نهار الجمعة خرجت وشريت لولادي حوايج العيد ومازال باقيلي نكمل قبل رمضان انشاء الله
و اليوم باغية ندير شوية قاطو
و هاذا ماكان

ام امجد14 · 2013-06-22, 16:37

صباح الخير تطبيقى لنهار اليوم
الجانب الدينى تمام و لكن زدت حاجة كى نسمع الادان نترك كل شئ من يدى مها كنت ندير
الجانب التنضيفى
عبطت اليوم للطابق الاول شريت النضاف حكيت بيه التولات حاشاكم الى تحت و المحيط الى داير بيها رجعت تهبل اغسلت الفايونس تاع الاول و سيقت القراج و خسلت 2 حيطان تاع القراج هو ايضا بالفايونس قلت نغسل غير بالحيط لانو كبييييييييييييييير و عيت و انا نحك ضربتلو مسحة من الفوق من الغبار و العنكبوت حنيت عله اليوم رجعتو يهبل
طلعت الفوق لقيت الاولاد ناضو دوختنى ريحة النضاف مسحت البيوت فقط كيما نقولو كلختلهم ههههههههههه و رحت للمطبخ باش ندير لفطور لقيت روحى عياااااااااااااااانة
قعت نتكلم مع روحى و انا ننهج من التعب يادر واش ندير كلشى يعيى شكشوكة بانتلى تعيى هههههههههه
ايا درت الطعام و المرقة ليه ليه و نعلت بليس دربتها تدويشة و الوى النوممممممممممممممممممممممممممممممممممممممممممم

أم ايهاب 2013 · 2013-06-22, 16:49

مساء الخير يعطيكم الصحة.. انا راني سابقة لبرنامج وغرفة الجلوس كملتها عليها تطبيقات اليوم كانت عادية .. النضافة اليومية انتاع الدوش والتواليت تخمال ومسحة خفيفة للغرف ..ونضمت خزانة الدراوات والشورات... الصلوات في وقتها .. الذكار و الاستغفار والصلاة على النبي .... سمورة طولتي

بنت الجزاير الغالية · 2013-06-23, 07:19

تطبيقاتي في اليومين اللي فاتو
بالنسبة للديني الإستغفار و التسبيح
و الجمالي راني بديت أمس في التحدي تاع الخيار و النتيجة من أول يوم مرضية مشكورة لسمورة و صاحبة الوصفة
و طبعا السيشوار ودوش خفيف للكور فقط و رتبت ضفاري من الجلد الميت و دعكتهم بليمون و خميرة و من بعد دهنتهم الله الله
بالنسبة للتنظيفي راني مع الفراش مازالي كوفيرطة واحدة و تسياق البيوتت و سيقت الحوش الكبييييييييييييييير و تهنيت منه و تهنيت من المكوى و بديت في خياطة قندورة اليوم نكملها
بالنسبة للطبخ جربت طبق الفلفل المحشي بطريقة أم أنس هايل خفيف لا زيت و لا بيض و ما يتشبعش منه راني ضفته في المنيو تاع رمضان