الجزء الثالث من وصفات حراير واش طيبتي اليوم

[idron0]

كسرة الشحمة اسمهان 79

[idron0]

أفخاذ دجاج في الفرن nihal 159


هذو أفخاذ دجاج، نحيتلهم العضم، و تبتلهم ملح فلفل ، معدنوس، توم مهروس، بصل مرابي، توم بودرة، كمون، زنجيل بودرة، مرطارد و حكيتهم مليح بالتتبيلة، من بعد روليتهم و ربطتهم بالخيط، و درتهم في صينية مع شرائح من البصل و الطماطم و فصين ثوم و نصف فنجان ماء و ذخلتهم للفرن لمدة ساعة، كي خرجتهم كان شكلهم هكذا، مشويين هه

نخليهم يبردو، من بعد قطعتهم شرائح و سقيتهم بالمرق الناتج عن الشوي، و قدمتهم مع بطاطا مقلية

[idron0]

تحلية كريمة الموز امنية غفران

[idron0]

وصفة لبراج ام ادم

[idron0]

البراج هايلين بطريقة أم رامي امنية غفران

[idron0]

بسبوسة بالتمر ام هدول

[idron0]

بريوش ساهل و خفيف طيور الجنان


500غ فرينة +غرفية تاع حليب سكر +مغرفة كبيرة خميرة+مغرفة صغيرة ملح+1,5خميرة خلطي النواشف و زيديلهم 4مغارف كبار زبدة و بسيسيهم مليييح ثم زيدي 2مغارف ماء زهر و بللي بالحليب الدافىء نتخصلو على عجينة طرية و نقدرو نخدمو بيها اقسميها على 2 وحدة خليها بيضاء ووحدة زيديلها الكاكاو .
ثم اقسمي الكخلة الى 2و البيضاء الى 2 و خليها تريح ربع ساعة .
بعد ماتريح اطرحي البيضاء رقيقة و ادهنيها بالماء و حطي فوقها الكخلة اللي تكوني طرحتيها رقيقة و اطرحيهم مع بعض و حاولي تشكليهم مستطيل باه كي ترولي يجي شكلو مليح و ادهني تاني بالماء.
اقسمي العجينة على 2بالطول و رولي ثم احكمي الاطراف مليييح بيدك باه مايتفتحش في الطياب و قصي الطول اللي تحبي خليهم يخمرو و دهنيهم باصفر البيض مخلط مع شوية قهوة و رشي الجلجلان او مكسرات اللي تحبي و طيبي كي تخرجيهم ادهنيهم بالعسل او معجون انا ندير معجون يجي خفيف و شكلو بريزونتابل .

[idron0]

شطيطحة صدر دجاج امنية غفران


صدر دجاج يطيب عادي مع الحميصة و من بعد تنحية و تقسميه و ديريه في عقدة من بيض و فرينة و شوية توابل و ملح و تقليه و من بعد تعاودي ترجعيه للمرق غلية و طفي عليه ز دردري عليه شوي معدنوس و ان شاء الله ما نكونش نسيت هادي طريقة حبيبتنا اسمهان ربي يحفظها و يهنيها.

[idron0]

المبطن الليبي امنية غفران

[gagamohai]

شكرا على الوصفات

[أم رقية نسرين]

جزاكي الله خيرا ختي على هذا المجهود و كل ما تقدمينه من وصفات بارك الله فيك

[idron0]

بينيي باذنجان انا هي رزيقة

تقطعي الباذنجان تاعك دوائر بحوالي نصف سنتمتر و من جهة اخرى تخلطي بيضة مع نصف كاس ماء و حوالي 4 ملاعق فرينة مش معمرين و رشة كركم و فلفل اكحل و كمون و ملح مع رشة خميرة كيمائية و تخلطي مليح و من الاحسن تخلي الخليط يريح حوالي ربع ساعة و تغطسي الدوائر تاعك و تقليهم في زيت غزير على نار متوسطة .... ياي ميتشبعش ...... خخخخخخخخخ .

[idron0]

ليزابا بالبصل و الطماطم حياة نور الدين

[idron0]

تارتولات بالموز و النيسلي وصفة منقولة

[idron0]

غريبة بالتفاح طيور الجنان


جبتلكم كعكة غريبة راني نقوووول غريبة بالتفاح للامانة هزيتها من اليوتوب كي شفتها قلت ماجيش مستحيل تصلح لكن قلت علاه مانجربهاش و نقطع الشك باليقين ههههه و جربتها لككن خاب ظني و صلحت و ذوقها بنين.
هاذ الكعكة نخلط الفرينة و السميد الرقيق مع السكر و الفاني و الخميرة بدون مانضيفلهم لابيض لا زيت لاوالو يبقاو نواشف و نفرشهم في البلاطو و فوقهم تفاح مبروش مع القرفة و نديرهم على ثلاث طبقات يعني طبقة نواشف طبقة تفاح طبقة نواشف طبقة تفاح طبقة نواشف طبقة تفاح و نحط من فوق زبدة مقطعة قطع صغيرة كيما في الصورة و يكون عندي نصف كاس حليب نفرغو من فوق نوزعو يعني و نحطها طيب بعد الطياب نرشها بالسكر الرطب .
الصور ماصورتش من البداية لاني خفت ماتصلحش تفضلو