الأخت yarasmin. 26 ترد على تساؤلاتكم هنا - الصفحة 73

yarasmin26 · 2012-09-27, 10:09

سوبر كرام بليون كبير ادير900 دج تاع 4 كغ والقارورة770 دج
هذيك جولي بالفواكه وسوبر كرام سائلة وملونة ومعطر ة فقط
بصح تشيز كيك خرجلك شباب يعطيك الصحة ولكن زيدي فوتي على الجوانب الفوقانية
ديري عجينة البريزي مع اضافة قليل من خمارة الحلوى اذاعجينتك يابسة
نعم الخلل كان فيك لان العجينة تقطع قطع صغيرة وتمتزج مع الخليط حتى تنتلم
ابحثي على وصفتى تاع فلان المحلات في جزء 1 من يراسمين وطبقي هذيك العجينة اجيك طرية
++++ على فكرة الجولي تاع 150 تقدري اتزيديلو ملون +معطر وذوبيه على حمام مائي
تحياتي واسفة على التاخير

yarasmin26 · 2012-09-27, 10:12

[quote=فوزية1975;11693976]الله يحفظك ممكن تقدم وصفة البسكوي رولي في اقرب وقت لاني اريده بسرعة الله يعطيك كل مل تتمناي[/
والله هذه مدة من راني حابة انحط الوصفة انتاعو مع بيسكوي سفواغ والانترنت قليلة عندي محبتش الوصفة تطلع امعايا رغم عدة محاولات انتظري قليلا وانشاء الله انحطها الوصفة وتنجحي فيها بطريقة الصحيحة

rajaa mstafa · 2012-09-27, 11:33

ممكن اختي الله يخليك restte lنتاع طارطا بلا بيض وجزاك الله كل خير

serine alger · 2012-09-27, 13:05

السلام عليكم .أختي من فضلك عندي سؤال/
أنا متعودة كل عيد ميلاد ابني نشري التارت ولكن بفضل هاد المنتدى وليت نديرها وحدي لأن الجينواز ولات تخرجلي هايلة.المشكل أني نستعمل في التزيين الشكلاطة ثم نزين بكريمة الشانتيي.ولكن ابني يحب الفريز وقالي **ماما ديريهالي فريز ماشي شوكولا**ماعلاباليش هل في المحلات يستعملو الجولي أو ما يسمى سوبر كريم وأنا شخصيا عمري مااستعملتها...أرجو منك الجواب واسفة على الاطالة.

yarasmin26 · 2012-09-27, 13:18

اقتباس:

المشاركة الأصلية كتبت بواسطة serine alger

السلام عليكم .أختي من فضلك عندي سؤال/
أنا متعودة كل عيد ميلاد ابني نشري التارت ولكن بفضل هاد المنتدى وليت نديرها وحدي لأن الجينواز ولات تخرجلي هايلة.المشكل أني نستعمل في التزيين الشكلاطة ثم نزين بكريمة الشانتيي.ولكن ابني يحب الفريز وقالي **ماما ديريهالي فريز ماشي شوكولا**ماعلاباليش هل في المحلات يستعملو الجولي أو ما يسمى سوبر كريم وأنا شخصيا عمري مااستعملتها...أرجو منك الجواب واسفة على الاطالة.

ديري جينواز عادية واشري سوبر كرام ولكن غالية الثمن
ممكن اشري الجولي وذوبيه على حمام مائي + ملون احمر +عطر الفراولة وفرغيها على التارت وزينيها في الوسط بحبة او2 فراز مقسومة على 2وخليها بالورق انتاعها وزينيها على شكل وردة وزيدي فوتي بالبانسو بلاجولي اعلى الفراز
ولكن سوبر كرام كي جولي جاهز

ام عصام · 2012-09-27, 13:40

ربي يخليك لينا يا راسمين والله وليت نحشم كي نسقسيك نقوا كثرنا عليها

حبيت نسقسيك علة طريقتط في صنع مخبز بالنواد كوكو لكمية نتاع ثلاثمية حبة شحال نحتاج قامة من سكر ومن نواد كوكو علما ان الحبة كاري يا ريت تجاوبيني وربي يجازبك كل خير

ام عصام · 2012-09-27, 14:01

وقوليلي تعشي نخدم بالسكر قلاصي ولا العادي لحرش

yarasmin26 · 2012-09-27, 14:27

اقتباس:

المشاركة الأصلية كتبت بواسطة ام عصام

وقوليلي تعشي نخدم بالسكر قلاصي ولا العادي لحرش

اهلا بيك اختى ام عصام
بلاحشومة اعليك اختك وراكي تسقسي فيها كاع متحشميش
اسفة على التاخير لاني مريضة بالزكام واليوم مرحتش نخدم راس منيش قادرة نرفدو وراس ايزنزن
المقادير الصحيحة " اضربيها في 4 تعطيك تقريبا 300 ولكن حسب حجم الكاري لانه نواة كوكو خفيفة ومترفدش الكمية ولذيذة
المهم ديري المقادير الصحيحة"1 كلغ نواة كوكو+600 غ سكر قلاصي+2 م ك عصير الليمون+2 م ك لفاني غبرة+2 صفار بيض والباقي بيض كامل ومن الاحسن مضرب وفرغي غير بشوية ولازم العقدة تكون ناشفة وشادة روحها مشي جارية وشكليهم وطيبهم
والقلاصاج انتاع نواة كوكو كي تستحقي قوليلي نعطيلك ونتى ضاعفي المقادير
المهم اتقيدي بالمقادير لابالزيادة ولابنقصان ضاعفي المقادير فقط
تحياتي

serine alger · 2012-09-27, 14:50

اقتباس:

المشاركة الأصلية كتبت بواسطة yarasmin26

ديري جينواز عادية واشري سوبر كرام ولكن غالية الثمن
ممكن اشري الجولي وذوبيه على حمام مائي + ملون احمر +عطر الفراولة وفرغيها على التارت وزينيها في الوسط بحبة او2 فراز مقسومة على 2وخليها بالورق انتاعها وزينيها على شكل وردة وزيدي فوتي بالبانسو بلاجولي اعلى الفراز
ولكن سوبر كرام كي جولي جاهز

أختي هل يعني ندير الجولي ولا السوبر كرام نفس الشيء.وهاد الكريمة الي قلتلك يديروها فوق التارت يسبقو قبل الشانتيي ومنبعد الكريمة .مثلا العام الماضي كمونديت التارت قلتلو ديرها شوكو فراز. فاعمل نصف التارت شكلاطة والنصف الثاني كريمة حمرا دوق فراز .هادي الي نحوس كيفاش يديروها.
علابالي راني هبلتك............اسفة

ام عصام · 2012-09-27, 15:53

ربي يخليك يا غالية ربي يجازيك لكن يا رسمين ستمية غرام سكر مع الطلية ميجيش حلو ويا ريت تتكرمكي عليا بالطلية لانو انا نستعمل

الطلية نتاع الفوندون فيها زوج بياض بيض وتقريب ربعمية سكرا قلاصي وباطة نتاع فوندون دايب تجي هايلة ومتيبسش وفسع تنشف

ويا ريت تدملي نتاعك

yarasmin26 · 2012-09-27, 19:05

الحمراء هذيك هي لجولي وهي نفس الوقت سوبركرام ولكن سوبركرام ذو جودة ولجولي كانت تستعمل قبل ماتخرج سوبرفي الاسواق
والجولي تتلون كيما تحبي

yarasmin26 · 2012-09-27, 19:13

اقتباس:

المشاركة الأصلية كتبت بواسطة ام عصام

ربي يخليك يا غالية ربي يجازيك لكن يا رسمين ستمية غرام سكر مع الطلية ميجيش حلو ويا ريت تتكرمكي عليا بالطلية لانو انا نستعمل

الطلية نتاع الفوندون فيها زوج بياض بيض وتقريب ربعمية سكرا قلاصي وباطة نتاع فوندون دايب تجي هايلة ومتيبسش وفسع تنشف

ويا ريت تدملي نتاعك

حتى طريقة القلاصاج بالفوندا شابة انا كنت رايحة انمدلك تاع السيرو هملا نقصي في العبرتاع السكر في الحشوة ناقص 100 غ فقط
يعني 1 كغ نواة كوكو+500 غ سكر لانه الفوندا حلو بزاف ومتنسايش الليمون عصير

selma-chirdent · 2012-09-27, 20:11

اقتباس:

المشاركة الأصلية كتبت بواسطة yarasmin26

سوبر كرام بليون كبير ادير900 دج تاع 4 كغ والقارورة770 دج
هذيك جولي بالفواكه وسوبر كرام سائلة وملونة ومعطر ة فقط
بصح تشيز كيك خرجلك شباب يعطيك الصحة ولكن زيدي فوتي على الجوانب الفوقانية
ديري عجينة البريزي مع اضافة قليل من خمارة الحلوى اذاعجينتك يابسة
نعم الخلل كان فيك لان العجينة تقطع قطع صغيرة وتمتزج مع الخليط حتى تنتلم
ابحثي على وصفتى تاع فلان المحلات في جزء 1 من يراسمين وطبقي هذيك العجينة اجيك طرية
++++ على فكرة الجولي تاع 150 تقدري اتزيديلو ملون +معطر وذوبيه على حمام مائي
تحياتي واسفة على التاخير

بااااااااااارك الله فيك يا غالية وربي يعطيك ما تتمناي

تشيز كيك مش تاعي نقلتلك برك الصورة باش تشوفي هاديك جولي بالفواكه لي راني نسقسي عليها وحبيت نعرف ولا موجووودة فالجزائر ؟؟؟؟

ايه ان شاء الله راح نطبق وصفتك وهي تقريبا كيما لي كنت نديرها برك ديالك فيها اقل زبدة واكثر بيض وان شاء اللع تخرجلي احسن

حبيت برك نسقسيك واش هي احسسسسسسن كريمة لملأ لي تارتولات بالفواكه ؟؟؟ هل هي دوبل كرام ؟؟؟

وربي يشفيييك ويعافيك وطهووووووووووووووورا ان شاء الله

serine alger · 2012-09-28, 00:20

شكرا أختي على كل مجهوداتك

sarah022 · 2012-09-28, 13:55

سلام واش راكي ياسمين دخلت غير باه نقولك ربي يشافيك حنونة و مشكوووووووووورة بزاااااااف بزاف و الله ما نلقو وحدا كيفك و ربي يشدلنا فيك و يحفضك و ينورك