تتذكر أمر بسيط من طفولتك؟؟ يسعدنا سماعك ^_^

[ابو محمد طاهري]

موضوع شيق الصراحة

[أثيلة]

المشاركة الأصلية كتبت بواسطة wibe

ما اجمل حكايا الطفولة كلها مشوفة

نعم انها كذلك
شكرا لك للمرور

[أثيلة]

المشاركة الأصلية كتبت بواسطة oum djebbar

كنت صغيرة جدا قبل خطواتي الاولى اتحرك وافتش في باحة المنزل حتى اتت امي فجاة فوجدتني امضغ و الوك بفمي و في يدي شيءا ما يا الهى انه عصفور صغير فقس حديثا و هو حي راسه في فمي قصة قصيرة و بسيطة كانت من ذكريات الطفولة روتها لي والدتي حفظها الله

واااع يالك من متوحشة عصفور كامل
اغضبني هذا كل شيء الا العصافير - إبتسامة -
اضحك الله سنك اختي و شكرا لمشاركتنا

[أثيلة]

المشاركة الأصلية كتبت بواسطة basketteuse

السلام عليكم
موضوع ممتع، فكرني في طفولتي الجميلة،
كنت نحب ندير التجارب، كنت نحط النمل في كاس ماء، باه نشوفو يعيش تحت الماء ولا لا، وكنت نفتح بذور الفقوس وناكل اللب ونحط ذبانة ميتة في الوسط ونغطيها بالقسم الاخر تاع القشرة وندفنهم ،،،، كنت نحب ننقب على الكنز ، وكي مالقيت والو، خدمت براسلي بالسمسم ، ودرتو في باطة تاع ياسمين فارغة وكتبت فيها رسالة وغلقتها مليح، وحفرت تحت العمارة ودفنتها، وبعد اسبوع جاو عمال البلدية عبدو الحي، ومن هذاك الوقت مابان حتى خبر !!!!!

دكريات مشوقة حقا
شكرا لك لمشاركتنا بالامر

[أثيلة]

المشاركة الأصلية كتبت بواسطة المهاجرة لربها

انا مرة كنت انا و اختي اقل مني ب عامين كان عمري حوالي سبعة سنين و اختي خمسة سنين كانت يومهاكانت سخانة و صيف و ماما مريضة و زعفانة و قلقانة من كل شيء و منا نحن تعبناها
كانت تدير شغل الدار و تنظم في ملابسنا داخل الخزانة انا و اختي رحنا نجروا من وراء بعضانا شكون تحكم اختها و ماما كانت كل مرة تقلنا روحوا لهناك و العبوا و تقلنا اقعدوا ترنكيل احنا ما سمعناش الكلام و بقينا نجروا و نضحكوا حتى فجأة صبت ماما حكمت اختي و رفدت شلاكة النيلو (بشماق) و تضرب في اختي و اختي تبكي انا عجبني الحال كي ضربتها لخاطر ما كنتش قادرة نحكمها كي كنا نلعبوا هههههههه ضحكت على اختي و افتخرت بروحي لانو ماما ما حكمتنيش و هربت لها واش درت رحت لبست مونطو تاع الشتاء لعبتها ذكية باه كي تضربني ما نحسش للضربة المهم حان دوري في الضرب جاتني ماما بالشلاكة هاديك و بدات تضربني و انا ميتة بالضحك لاني صح حسيت غير شوي بالضرب
ماما زادت تغشت كي تضربني و انا نضحك زادت قواتلي في الضرب ديت طرايح باهيين و زادت قاتلي اخلعي المونطو و كملتلي ضربات اخرين يهبلوا يعني تضربت اكثر من اختي اللي ضحكت عليها ربي يحفظك ليا ماما و يعيشك و اسمحي لي الا عييتك معايا

شكرا على طرح الموضوع خلتيني نتفكر بزاف حاجات شابين بزاف ليت الطفولة تعود يومااااااااااااااااااااااااااااااا

اضحك الله سنك اخاي والله ضحكت كثيرا
شكرا لمشازكتنا و فعلا ليت الظفولة تعود يوما

[أثيلة]

المشاركة الأصلية كتبت بواسطة diamonda

السلام عليكم .....والله موضوع جميل ..
عن نفسي عندي قصص عن الطفولة وذكريات لا تنتنهي.....اليوم اخبركم واحدة..لما كنا صغارا انا واختي وأخي...كان اهلنا يجبروننا على الذهاب الى الكتاب '' بشد التاء و ضم الكاف '' احنا نقولوا له الطالب...واحد النهار نهض اخي على 06.00 صباحا لقانا راقدين وما رحناش.....ناض يطرد فينا...هههههه هربنا في الزنقة ...مع وحد المنحدر وبقينا نجروا نجروا...حتى قابلنا جدار فيه garage مخططين فيه الاطفال فيه الكتابات والرسومات والخربشات ومن بين الكتابات كانت عبارات من الكلام الفاحش ..ههههههههههههه
اخي حشم و قال في نفسه : در الى الخلف سر... ههههههههههههههههه
....

لي عودة ان شاء الله

يسرني ان الموضوع قد نال اعجابكم
اضحك الله سنك فعلا ذكريات رائعة
ننتظر عودتك -ابتسامة-

[أثيلة]

المشاركة الأصلية كتبت بواسطة snow_snow

موضوع جميلل

عشت ما هو مضحك في طفولتي و لدي بعض من الذكريات لذلك

و لكن ما هو محزن و قاسي طغى على الذكريات الجميلة

فأصبحت أتجنب حتى الكلام عن مرحلة طفولتي و أتمنى حذفها من ذاكرتي

من منا لم يعش اياما عصيبة أخيه
انسي ماهو سيء و تذكري ماكان نيرا منها و لاتحرمينا من مشاركتك ذكرياتك

[أثيلة]

المشاركة الأصلية كتبت بواسطة afdlhost

موضوع رائع

مرورك اروع شكرا جزيلا لك

[أثيلة]

المشاركة الأصلية كتبت بواسطة ابو محمد طاهري

موضوع شيق الصراحة

شكرا لك سرني مرورك

[nihal159]

موضوع شيّق؛ إستمتعت بقراءة ذكريات باقي الأعظاء.
مرة أنا و أختي أكبر مني بعامين؛ نلعبو؛ زعمة واحدة فينا تتغاشى و الأخرى تحكمها و ماتخليهاش طيح في الأرض؛ المهم أنا زعمة تغاشيت وهي حكمتني من ضهري باش مانطيحش ودارتلي زعمة إسعافات أولية و فطنت.
جاء دورها وهي تغاشات؛ الوقت لي كنت رايحة نسندها من ضهرها؛ جاء بابا؛ أنا من الخوف هربت وهي مسكينة تنفضت في الأرض؛واحد الطيحة قريب تكسرت مسكينة؛ وبابا في بالو تغاشات صح ماعلابالوش بلي نلعبو برك؛ وهي خافت تقولو رانا نلعبو يعطيها طريحة؛ المهم راحتلو في الخط بلي هي صح تغاشات و فطنت و راهي مليحة.
كي نزيد نتفكر نكتبلكم.

[أثيلة]

المشاركة الأصلية كتبت بواسطة nihal159

موضوع شيّق؛ إستمتعت بقراءة ذكريات باقي الأعظاء.
مرة أنا و أختي أكبر مني بعامين؛ نلعبو؛ زعمة واحدة فينا تتغاشى و الأخرى تحكمها و ماتخليهاش طيح في الأرض؛ المهم أنا زعمة تغاشيت وهي حكمتني من ضهري باش مانطيحش ودارتلي زعمة إسعافات أولية و فطنت.
جاء دورها وهي تغاشات؛ الوقت لي كنت رايحة نسندها من ضهرها؛ جاء بابا؛ أنا من الخوف هربت وهي مسكينة تنفضت في الأرض؛واحد الطيحة قريب تكسرت مسكينة؛ وبابا في بالو تغاشات صح ماعلابالوش بلي نلعبو برك؛ وهي خافت تقولو رانا نلعبو يعطيها طريحة؛ المهم راحتلو في الخط بلي هي صح تغاشات و فطنت و راهي مليحة.
كي نزيد نتفكر نكتبلكم.

السلام عليكم
يسرني ان الموضوع نال إعجابك اختي
و شكرا لك لمشاركتنا

[ام يوسف2]

سلام الله عليكم شكرا اختاه على موضوعك الرائع الذي اخذنا الى ذلك الزمن الجميل حين قرأته اول قصة تذكرتها هي كالتالي كنت في سن الخامسة من عمري ولي اخ حفظه الله لنا كان عندما يقبض راتبه يشتري لي شيئا وتلك المرة اشترى لي ( ترريكو و الشورت تاعو)لون بنفسجي فيه رسوم تاع ميكي ماوس ماتصدقوش شحال فرحت بيه اكثر من اي شيء لكن عندما غسلته امي وانا انتظر متى يجف اذهب الفناء واذا بي اجده مقطع قطع صغيرة ومرمي على الارض والسبب كانت عندنا اكرمكم الله كلبة اي شيء تجده تأكله او تقطعه لاتصدقوا كم بكيت عليه ولي عودة

[فاطمة شلف]

السلام عليكم ورحمة الله وبركاته
شكرا لك اختي الكريمة موضوع شيق ورائع الذي رجعني الى الصغر
والله ثم والله نشف على حاجة برك لان حياتي كلها عذاب من الصغر الى الكبر
لكن الحاجة لي نشفى عليها جيدا هي انني كنت احب القفز على الحبل ولعبة
الطائرة كنت انا واختي نخبئ الحجرة في المنزل ولم تتركنا امي ان العب
فقالت اختي انت اخرجي قبلي واصنعي المربعات وسوف التحق بك فاخرجت
انا بقيت في الانتظار ثم جاءت اختي وقلت اليها كيف العب اين الحجرة
فااخرجتها من تحت عنقها فالعبنا ونحن نضحك على انفسنا ثم اتت امي
وادخلتنا وهي غاضبة قالت لنا شكون اخرج الحجرة واين كانت مخبية وكيف
اخرجتها حاولي 15 د ثم اخبرتها الحقيقة فاضربت اختي وبدات ابكي عليها
هذي هي الحاجة الوحيدة لي في حياتي مليحة
شكرا لك اضحكتيني ههههههههههههههههههه
تحياتي وتقديري

[طيور الجنان]

موضوع جميل جدا خلانا نضحكو و نتفكرو يامات الصغر .
انا نذكر كنت نلعب برا و نجري نجري ضربتني طونوبيل شووووية برك انا من الخوف نضت و رحت هاربة خفت من الراجل يضربني كي جيت في طريقو و هو زاد ركب الطونوبيل و لحقني بقيت نجري وصلت للدار قفلت الباب شافتني ماما مخلوعة تخلعت قلتلها مابيا والو واذا بالباب يطبطب خرج بابا لقاه الراجل ههههه الراجل قال لبابا راني جيت ندي بنتك للسبيطار واسمحولي كي قستها فضحني و انا كنت مخبية قالو بابا راهي لاباس عليها انت اللي سمحلنا هههه

[سحابة باردة]

اتدكر ملي كنت صغيرة نحلم بلي رحت للمدرسة بيدون حداء والكل حاير فيا