الجزء90 من واش طيبتي اليوم **مبارك علينا الشهر الفضيل**

[ناهدوران]

ماري ادخلي بالزغاريت بنت اختك اي دات البيام ماش المرسداس وانتي الي كنت تسقسي البارح

[idron0]

السلام عليكم صيام مقبول للجميع ان شاء الله
الف مبروك على المولودة الجديدة دائمة الحمد
تتربى في عزكم ان شاء الله

[om mita]

الف الف مبروك على الناجحين
اختي ربحت 12.48
عقبال اختي للباك

[ladymillion]

صباح الخير والخميييييييييييييير عليكم ورمضان مبارك عليكم يومكم طيب والله يقويكم ويعينكم على الصيام والطاعة وحتى الطياب

ام اسلام لحبيييييييييبة الف مبروك العتبة عتبة الافراح والنجاحات الله يهنيك ويهني اخواتي لي هنا كاااااااااااامل /// والله يمنيكم ويحقق لكل واحد واش في بالو ،،، ربي يحفظ ولدك يوسف ماشاء الله ماشاء الله يهبل ومع الصلاة ولا أحلى

دائمة الحمد مبروووووووووووك على بنتك وليتي جدة واحلى جدة الله يحفظك ليهم ويخليلكم اسينات الصغير الله يجعلها بنت صالحة وتقية يارب اسمها هااااااااايل على اسم زوجة (يوسف عليه السلام )

راني شفت كلش وقرعجت واش راح طيبو كااااااامل

حنا فطورنا اليوم ديرو طومة ( جاري فريك /طاجين حلو /بوراك / سلطة مانعرف واش فيها / وكسرة خميرة،،، بالبراكة وعصير وديسار وقريوش وقاطو وتاي ( الحمد لله ) يعطيكم الصحة والله يقويكم في الكوزينة ههههههه

ام اسلام الباروك من بعد لفطور ان شاء الله نجيبو هههههههه مكان والو عندي

[ليليا25]

يعطيك الصحة والف مبروك

[ladymillion]

الف مبرووووووووووووووك للناجحين ماشاء الله ممتازين ولعقوبة للباك
نبارك لكل وحدة باسمها ان شاء الله تشوفوهم في اعلى المقامات في الدنيا والآخرة ولعقوبة لنجاحات اخرى

[staifia]

صباااح الخير عليكم
وصح رمضانكم تصوموه بالصحة والهنا ان شاء الله
اية اسلام يعطيك الصحة ع الاكلات الطيبين يسلموووووووووووووووو
وش رايحين ديروا لفطور ليوووووووووووووم
كاش مانهز عليكم فكرة هههههههههههه

[staifia]

ايمان بصحتكم الفطور مسبقا ههههههههه
ام ميتا مبروك على أختك ولعقوبة للباك

[islam1aya]

مبروك على كل الناجحين يوووووووويييييييييييييييييييييييي ام رياض راني حطيتها من قبل في الردود اضن ص3 اجيب بالدرسة والبيض تقدري ادريها نفسها وتعملي معها كرات لحم مرحي

[شرشورة2]

المشاركة الأصلية كتبت بواسطة ناهدوران

مبروك عليك الكوزينة اختي ربحت عليك وعلى بنت اسنات ادات بنتي البيام ب 15,20 والف حمد وشكر لله تعالا الحمد لله الحمد لله الحمد لله,,,,,
وخبرتكم انتوما اللولين يا خواتاتي ويا خالات بنتي افرحوا معايا ماعنديش غيركم

يوووووووووووووووووووووووووووووويوووووووووووويووووو ووو الف مبروك لعقوبة للباك راهي الزغاريد في كل مكان ما شاء الله حتى انا وليد اختي جابو ب 17 بصح دوماج راني بعيدة المهم مبروك علينا سيدنا رمضان يلا بنات شمرو على سواعدكن و الى المطبخ باش تخلو وقت لقراءة القران انا معولة نختم 5مرات اذا قدرني ربي مموني اليوم شريبة فريك الله الله و بوراك و سلق و شلاضة و اورداف و مشويات و الطبق الرئيسي زيتون بشومبينيو الى اللقاء

[natacabell]

مبروك الكوزينة و مبروك ل الناجحين و جيت باش تفرحو معايا ولادي في زوج جابولي bem الحمد لله حمدا كثيرا و الله هادا وين ارتحت

[oum ibrahim]

السلام عليكم رمضان كريم و كل عام و انتم الى الله اقرب
ام اسينات الف الحمد لله على سلامتها و ربي يشافيها و يعافيها تتربى في عز والديها يا رب لعقوبة الي مازالو ربي يسهللنا ياااااارب
ام اسلام الغالية كوزينة مباركة ببركة الشهر الفضيل و ربي يحفظلك الكتكوت و يقر عينك بشوفته في اعلى المراتب و ماشاء الله على الاطايب الي حطيتيها
قلت نحط شوية صور نتاع مشتريات المنتدى ثقييييييييل
هذا واش جابلي سي السيد س ق ن ع ربي يحفظو و يرزقو من واسع ابوابه و يرزقو الصحة و العافية و يخليهولي يااااااااارب

وهاذو لوازم الحلوى شريت من درك مانخرجش في رمضان


وهاذو طوابع للحلوى و لقيت طابع كما نتاع ام انوس الي دارت بيه المقروط ب 50 الف شريتو بلاك ندير بيه مقروط او غريبية


اللهم لك الحمد حتى ترضى و لك الحمد اذا رضيت و لك الحمد بعد الرضى
اللهم اعنا على ذكرك و شكرك و حسن عبادتك

[oum ibrahim]

الف الف مبروك نوال ماتتصوريش شحال فرحتلك لعقوبة للي مازالو يفرحونا
فطوري باذن الله شربة فريك و طاجين الحلو و حميس و بوراك و مطلوع و الف الحمد و الشكر لك يا رب

[ladymillion]

سطوفة واش معولة للفطور ولا مزال ؟؟ نعرفك فحلة ليه ليه تفريها في الكوزينة الله يبارك واش راكي توحشتك ارجعيلنا رمضان هذا ماتغيبيش

نتاكبال تبارك الله يوووووووويوويوووووويييييييييييييي تزغريدة لاولادك والف مبروووووووووووووووك وعلى كل الناجحين

ام ابراهيم الله يحفظلك زوجك وعندك الحق كي شريتي حوايج القاطو دوركا السخانة واحد مايقدر يخرج وزيد كي يوصل العيد الاسعار يغلاو يطلعوا للسما ، يعطيك الصحة والله يقويك مع الحمل والكوزينة

[staifia]

ام ابراهيم بصحتك العولة تاع رمضان ههههههههههههههههه وربي يخليلك زوجك ويخليك ليه قولي أمين
ليدي حتى انا توحشتكم بزاف , بربي ان شاء الله راني معاكم رمضان هدا
والله ما علابالي وش رايحين يديروا ,,, حبيت ندير انا ليوم لفطور هههههههههههه
وحارتلي وش نندير ...